Skessuhorn - 03.10.2018, Blaðsíða 20

MIÐVIKUDAGUR 3. OKTÓBER 201820
„Ég hef tekið eftir því síðustu tvö
til þrjú ár að þeir gestir sem koma
hingað eru að leita eftir því að
komast út fyrir þessa helstu túr-
istastaði. Hingað sækir fólk í ró og
næði og það heillar einmitt marga
að sjá hversu lítil og fámenn ferða-
þjónustan er hjá okkur,“ segir Val-
berg Sigfússon ábúandi á Stóra-
Vatnshorni í Haukadal í samtali
við Skessuhorn. Valberg og Jó-
hanna Sigrún Árnadóttir, í dag-
legu tali þekkt sem Hanna Sigga,
tóku við búinu á Stóra-Vatns-
horni af foreldrum hennar árið
2003. Þá hafði þegar verið kom-
in upp ferðaþjónusta á bænum þar
sem boðið var upp á gistingu og
morgunverð í gamla íbúðahúsinu
og tveimur smáhýsum. Nú standa
yfir framkvæmdir við byggingu á
tveimur litlum húsum til viðbótar.
Fullbúin hús
Ferðaþjónustan hefur vaxið mikið
á Íslandi undanfarin ár en á Stóra-
Vatnshorni er ferðaþjónustan ekki
ný af nálinni. Þar hefur verið ferða-
þjónusta í nærri þrjá áratugi. „Við
finnum alveg hvernig ferðaþjónust-
an hefur vaxið, bæði á því hvern-
ig starfsumhverfið hefur breyst
og svo auðvitað á meiri aðsókn til
okkar,“ segir Valberg og bætir því
við að erlendir ferðamenn eru um
99% gesta. „Þetta eru helst útlend-
ingar að ferðast um landið. Flestir
stoppa yfir eina nótt og halda svo
ferð sinni áfram. Fljótlega eftir að
við tókum við hættum við að bjóða
upp á morgunverð og aðrar mál-
tíðir. Það gerðum við til að minnka
álagið á heimilinu en það virðist alls
ekki hafa komið niður á eftirspurn-
inni, segir Valberg og Hanna Sigga
tekur undir. „Núna leigir fólk bara
húsin eins og þau leggja sig og fær
þar allt til alls, uppbúin rúm, eldun-
araðstöðu, þvottavél og hreinlætis-
aðstöðu,“ segir Hanna Sigga.
Stefna á að húsin verið
tilbúin næsta vor
Nýju húsin eru um 35 fermetrar
að stærð og stefna þau Valberg og
Hanna Sigga á að þau verði full-
kláruð fyrir næsta vor. „Þau eru rétt
fokheld núna en við höfum vetur-
inn til að klára þau,“ segir Valberg
og bætir því við að ferðaþjónustan
sé alltaf lokuð yfir veturinn. „Við
seljum gistingu í gegnum booking.
com en erum ekki þar yfir veturinn.
Það kemur þó alveg fyrir að fólk
hafi samband við okkur og biðji um
gistingu og við reynum að verða við
því. En við höfum enga þörf fyrir
nýju húsin fyrr en næsta vor og þá
er stefnan á að þau verði alveg klár.“
Á Stóra-Vatnshorni er einnig sauð-
fjárbúskapur og því nóg að gera allt
árið auk þess sem Hanna Sigga er
kennari við Auðarskóla í Búðardal.
Aðspurð hvort þau komist einhvern
tímann í frí, brosa þau og svara því
játandi. „Fyrst var ekki mikið um
það. Mamma og pabbi komu jú
iðulega og aðstoðuðu okkur svo við
gætum komist frá. En núna erum
við alltaf með starfsmann yfir sum-
arið og við getum því alveg tekið
okkur sumarfrí,“ segir Hanna Sigga
og brosir. arg
Tvö ný smáhýsi byggð
á Stóra-Vatnshorni
Hanna Sigga og Valberg Sigfússon á Stóra-Vatnshorni byggja við ferðaþjón-
ustuna á bænum.
Varðskipið Þór kom í fyrsta sinn til
hafnar í Stykkishólmi síðastliðinn
fimmtudag. Nemendum í þriðja
bekk í Grunnskólanum í Stykkis-
hólmi var boðið um borð í varð-
skipið og fengu þeir bæði höfð-
inglegar móttökur og leiðsögn
hjá sjálfum forstjóra Gæslunnar;
Georg Lárussyni. Börnin í þriðja
bekk eru um tuttugu talsins. Þau
voru að vonum glöð með þetta
boð en ljósmyndari Skessuhorns
fékk að slást með í för og mynda.
Auk þriðju bekkinga fengu börnin
í fyrsta bekk grunnskólans að kíkja
í smástund um borð í skipið.
Á upplýsingasíðu Landhelgis-
gæslunnar segir að vissulega hafi
önnur skip frá Landhelgisgæsl-
unni, eins og minni varðbátar og
rannsóknaskipið Baldur, lagst að í
Stykkishólmi. Koma Þórs til hafn-
ar nú hafi hins vegar verið fyrsta
viðkoma sem stærri skip Land-
helgisgæslunnar ættu að bryggju
þar. Gæslumenn þakka það mæl-
ingum, sjókortagerð af svæðinu og
almennt öruggari upplýsingum um
sjávarföll auk góðs tækja- og véla-
búnaður varðskipsins. Allt þetta
auðveldi aðsiglingu og stjórntök
við tiltölulega þröngar aðstæður.
klj/ Ljósm. Sumarliði Ásgeirsson
Grunnskólabörn í varðskipinu Þór í Stykkishólmi