Faxi - 01.12.2019, Blaðsíða 5

FAXI 5
og eilífðarmál í bland. Eina undantekning
á því er að í stofnfundargerð Faxa var þess
sérstaklega getið að: „fundarmenn yfirleitt
óskuðu eftir því að pólitískum stælum væri
haldið utan umræðna á fundum félagsins.“
Sem er merkilegt sérstaklega í ljósi þess að
Faxafélagar hafa oft og iðulega verið bæjar-
fulltrúar í Keflavík og síðar Reykjanesbæ.
Fram á áttunda áratuginn var t.d. oft um
helmingur bæjarstjórnar Keflavíkur með-
limur í Faxa.
Faxafundir eru að öllu jöfnu haldnir á
heimilum félaga, sem flestir geta verið 12
talsins. Á fundunum eru almenn fundar-
sköp haldin í heiðri og hefðinni ávallt fylgt
í veitingum, boðið er upp á rjómapönnu-
kökur, Bismarck brjóstsykur og appelsínu-
límonaði.
Faxafélagar breyta þó stundum út af hefð-
inni eins og t.d. í maí 2018 þegar Faxi stóð
fyrir opnum málfundi í Stapa með fram-
boðum til bæjarstjórnar Reykjanesbæjar í
sveitarstjórnarkosningunum 2018. Þetta var
í fyrsta sinn sem Faxi stóð fyrir framboðs-
fundi fyrir kosningar. Málfundurinn var
fjölsóttur, líflegur og tókst vel.
Forseti Íslands heiðursfélagi Faxa
Starfsár Faxa hefst með afmælisfundi 10.
október ár hvert. Faxafélagar sóttu Bessa-
staði heim á 80 ára afmælisfundi málfunda-
félagsins í október sl. og fengu höfðinglegar
mótttökur hjá Guðna Th. Jóhannessyni
forseta Íslands. Við það tækfæri var for-
setinn gerður að 16. heiðursfélaga Faxa frá
upphafi og honum færður skjöldur með
merki Faxa.
Tímaritið Faxi gefið út frá 1941
Málfundafélagið hefur auk þess staðið fyrir
útgáfu tímaritsins Faxa. Í fyrsta tölublaði
tímaritsins, sem kom út í desember 1941 og
markaði upphaf blaðaútgáfu í Keflavík, var
tilgangur og markmið tímaritsins rammað
inn en þau voru m.a. að „bæta úr skorti
á umræðu um Suðurnesin“ og fjalla um
„menningar- og framfaramál.“
Þessum leiðarljósum hefur verið fylgt í
79 ára óslitinni útgáfusögu Faxa, útgáfu-
sögu sem er einsdæmi á Suðurnesjum. Þau
540 tölublöð sem gefin hafa verið út af Faxa
eru ein haldbærasta sögulega heimildin
um Suðurnesin síðustu 79 árin og má finna
þau á stafrænu formi á timarit.is. Þannig
hefur Suðurnesjamönnum, og þeim sem
vilja fræðast um Suðurnesin, verið tryggt
aðgengi að þeim sögulegu heimildum sem
finna má í tölublöðum Faxa.
Tímaritið Faxi hefur verið umbrotinn
og prentaður í Stapaprenti í Reykjanesbæ
síðustu 35 árin. Svanhildur Eiríksdóttir og
Sigrún Ásta Jónsdóttir tóku fyrstar kvenna
við ritstjórn Faxa árið 2015.
Eysteinn Eyjólfsson
Faxafélagar rétt eftir 1950. Fremri röð frá vinstri: Kristinn Reyr, Steindór Pétursson, Guðni Magnússon, Margeir Jónsson, Hallgrímur Th. Björns-
son og Jón Tómasson. Aftari röð frá vinstri: Ingimundur Jónsson, Danival Danivalsson, Björn Pétursson, Gunnar Sveinsson, Valtýr Guðjónsson og
Ragnar Guðleifsson.