Faxi - 01.12.2019, Blaðsíða 45

FAXI 45
Sá fyrsti til þess að fara í feðraorlof var
sjálfur bæjarstjórinn hann Ellert. Lög um
fæðingarorlof feðra voru síðan samþykkt frá
Alþingi fjórum árum seinna.
Ég sé ekki betur en að Reykjanesbær sé
í góðum málum. Framsækni hefur bæði
verið og er eitt af aðalsmerkjum íbúa,
þessa fjórða stærsta sveitarfélags landsins.
Slík framsækni skilar sér, meðal annars, í
öflugra mannlífi þar á meðal menningar-
og íþróttalífi. Ákvarðanir sem teknar hafa
verið í gegnum árin, geta skipt miklu máli
þegar fram líða stundir. Nefni ég bara sem
dæmi í því samhengi, öflugt starf og aðstaða
fyrir eldri borgara, varðveisla og uppbygg-
ing Duushúsanna og síðast en ekki síst
byggingu Reykjaneshallarinnar, sem var á
sínum tíma fyrsta fjölnota íþróttahúsið á Ís-
landi með knattspyrnuvelli í fullri stærð.
---
Stærsta áskorun Reykjanesbæjar á undan-
förnum árum hefur verið hraður vöxur
bæjarfélagsins. Ekkert sveitarfélag á landinu
hefur vaxið eins hratt og þegar mest var fór
íbúafjölgunin yfir 8% á 12 mánaða tímabili.
Íbúar nú er rúmlega 19.300 og bærinn
fjórða stærsta sveitarfélag landsins. Innviða-
uppbygging er mikil og stærsta skólabygg-
ing landsins rís nú í Innri Njarðvík á sama
tíma og bærinn er undir eftirliti Eftirlits-
nefndar um fjármál sveitarfélaga.
Áskoranirnar hafa ekki bara tengst mikilli
fólksfjölgun á stuttu tímabili heldur einnig
stóru hlutfalli erlendra íbúa í bæjarfélaginu,
sem flestir eru af pólskum uppruna. Á und-
anförnum mánuðum hefur verið róið að því
öllum árum að gera þessa íbúa bæði virkari
og sýnilegri í samfélaginu, bjóða þeim að til-
heyra og taka þátt. Það hefur m.a. verið gert
með pólskri menningarhátíð og viðburðum
af ýmsu tagi þar sem Pólverjar bjóða brot
af því besta úr sinni menningu fyrir okkur
öll að njóta. Þar hefur Reykjanesbær notið
góðs stuðnings pólska sendiráðsins og þátt-
töku pólsku sendiherrahjónanna á Íslandi,
þeirra Gerard Pokruszynski og Margherita
Bacigalupo-Pokruszynski. Framundan er
einmitt tónlistarveisla í Hljómahöll miðviku-
daginn 18. desember, þar sem einn þekktasti
þjóðlagahópur Póllands, Mazowsze, flytur
jólalög og jólasálma.
Heimildir
Guðný Birna Guðmundsdóttir. Hátíðarræða á bæjar-
stjórnarfundi 11. júní 2019
Jóhann Geirdal. Ávarp á bæjarstjórnarfundi 11. júní
2019
Jónína Sanders. Ávarp á bæjarstjórnarfundi 11. júní 2019
Drífa Sigfúsdóttir. Ávarp á bæjarstjórnarfundi 11. júní
2019
Víkurfréttir 32. tbl. 16 árg. 17. ágúst 1995. Sótt 24.
nóvember 2018 af http://timarit.is/view_page_init.
jsp?pubId=1102&lang=is
Reykjanesbær 25 ára. Sótt 24. nóvember 2019 af https://
www.reykjanesbaer.is/is/stjornsysla/rnb/frettir/hatidar-
fundur-og-afmaeliskaffi-i-stapa
Reykjanesbær 20 ára 1994-2014. Afmælisrit. Ábyrgðar-
maður Böðvar Jónsson. Útgefandi Reykjanesbær, júní
2014. Sótt 24. nóvember 2019 af https://issuu.com/vikur-
frettir/docs/rnb_afm__lisrit_issuu
Óskum Suðurnesjamönnum
gleðilegra jóla
og farsældar á nýja árinu.
Þökkum samskiptin á liðnu ári.
Frá pólskri menningarhátíð á Nesvöllum 9. nóvember sl. Kynnar voru Marcelina Owczarska og
Julia Dubrowska. Ljósm. Reykjanesbær