Heimsmynd - 01.03.1991, Blaðsíða 86

var í stundatöflu beggja. „Mér fannst
ofsalega gaman að þurfa að lesa í gegn-
um fullt af nótum og fá síðan að syngja á
tónleikum í skólanum, en sellóið var
áfram númer eitt.“ Andrea hætti söngn-
áminu að sinni og það var ekki fyrr en
einu og hálfu ári síðar að hún fór með
upptökur af tónleikum til Guðmundu
sem eins og áður sagði hvatti hana til að
leggja út á þessa braut. Pegar náminu í
Söngskólanum var að ljúka hafði And-
rea tekið að grennslast fyrir um fram-
haldsskóla erlendis en gat ekki ákveðið
hvert hún ætti að fara. Þegar hún var
síðan beðin um að syngja með hljóm-
sveitinni Grafík ákvað hún að slá til. „Eg
var vitanlega ekkert að spyrja neinn
hvað væri við hæfi í þessum málum,
hvort það hentaði með klassíska söngn-
um að syngja rokk eða ekki. Reyndar
þorði ég ekki að segja Guðmundu frá því
að ég væri að taka upp plötu með hljóm-
sveit þannig að hún vissi ekkert fyrr en
hún sá mig í sjónvarpinu. Guðmunda tók
þessu með jafnaðargeði og sagði að þetta
hefði verið gott hjá mér, en að ég hefði
svo sem mátt segja henni frá því áður.“
Andrea segist ekki sjá eftir því hvernig
málin þróuðust. „Ég hafði aldrei hugsað
mér að gera sönginn að ævistarfi. í upp-
hafi var ég bara að kynna mér þessa teg-
und tónlistar og tók hvert söngstig fyrir
sig. Þetta var mest forvitni og ég hafði
gaman af þessu.“
andrea hefur alla tíð haft mikla
sköpunarþörf hvort sem viðfangs-
efnið er tónar, litir eða einhvers konar
föndur. Þar er maturinn ekki undanskil-
inn. Hún hefur lengi haft þá áráttu að
vilja skreyta mat. „Þorvaldur hlær alltaf
jafn mikið að þessu. Þegar við smyrjum
okkur sitt hvora brauðsneiðina, til dæm-
is þegar við komum heim af tónleikum
um miðja nótt, vilja þær verða ansi ólík-
ar. Mín girnilega skreytt með lauk,
kryddi og sítrónu meðan hans er afskap-
lega hversdagsleg hrúga af áleggi
Sköpunargleði Andreu hefur einnig
fengið útrás í myndlist. Þegar hún fór í
lýðháskólann í Stavanger skráði hún sig
upphaflega í tónlistardeildina en komst
fljótlega að því að þangað hafði hún lítið
að sækja. Skólafélagar hennar höfðu
fæstir nokkra tónlistarmenntun og við
það var kennslan miðuð. Andrea eyddi
því fyrri hluta vetrar að mestu í að
prjóna peysur en til að nýta tímann betur
ákvað hún að skrá sig í myndlistardeild-
ina síðari önnina. Þar lærði hún olíumál-
un, norska rósamálun og var í keramík.
Framleiðslan varð fljótlega svo mikil að
Andrea sá fram á að hún kæmist aldrei
heim með öll þessi ósköp og ákvað því
að hætta. Þetta ár í Noregi átti vel við
hana og hún segist vel hafa getað hugsað
sér að vera þar lengur, jafnvel setjast að
á þessum tíma.
Það þarf ekki að koma neinum á óvart
þegar Andrea segist ekki geta gert upp á
milli djass, blús, popps og klassískrar
tónlistar. „Mér líður alltaf best með því
sem ég er að gera hverju sinni. Ég tjái
mig á ólíkan hátt með mismunandi teg-
undum tónlistar. Þannig get ég til dæmis
gert hluti í blúsnum sem ég get ekki leyft
mér að gera með Todmobile og öfugt.“
Eitt er það þó sem Andrea er ekki í
nokkrum vafa um, án tónlistar gæti hún
ekki hugsað sér lífið. „Ég gæti verið án
sjónvarps, án ritvélar og hætt að fara í
bíó en ekki án tónlistarinnar. Hún er svo
stór hluti af sjálfri mér. Þótt ég hefði
ekki orðið söngkona þá hefði ég örugg-
lega alltaf fundið mér eitthvað að gera
sem tengdist tónlist. Ætli ég væri ekki að
vinna með börnum að tónlist." Andrea
segir þó að hún hefði vel getað hugsað
sér að verða leikkona. „Einhvern veginn
hef ég alltaf verið leikkona í mér og það
nýtist mér við túlkun tónlistar, því leikur
er viss hluti af því að koma fram. Maður
þarf að hafa það í sér að geta sett sig inn
í mismunandi aðstæður því hvert lag er í
raun nýtt hlutverk." En það getur ein-
mitt verið mjög erfitt. Andrea segir tón-
leika vera gífurlega krefjandi. Þau gefi
allt sitt í flutning tónlistarinnar og þegar
tjaldið síðan fellur grípi hana tómleika-
tilfinning. „Stundum setjumst við þá nið-
ur og fáum okkur bjór, rétt til að ná and-
anum. Þegar við Þorvaldur komum heim
á næturnar gerum við reyndar líka mikið
Ný háreyðingartækni
( dcpitron
Nýjung í varanlegri háreyðingu!
Engin nál - enginn sársauki.
Höfum einnig varanlega rafmagnsháreyðingu
með nál.
Bjóðum upp á mjög virka húðmeðferð ásamt
allri almennri snyrtiþjónustu.
ÁRSÓL Grímsbæ,
Efstalandi 26
sími 31262
86 HEIMSMYND