Heimsmynd - 01.02.1992, Blaðsíða 19

Bestu jólabækurnar
eftir Guðrúnu Kristjánsdóttur
FRIÐRIK ÞÓR FRIÐRIKSSON
KVIKMYNDAGERÐARMAÐUR:
LES BÆKUR EFTIR VINI MÍNA
Friðrik Pór kveðst hættur að fá
jólagjafir og þar af leiðandi þurfi
hann að útvega sér þær bækur
sjálfur sem hann hafi áhuga á
fyrir jólin. Engu að síður hefur
hann flett í gegn um nokkrar ný-
útkomnar jólabækur:
„Þær bækur sem ég hef nú þegar gluggað í eru
Klettur í hafi - bók þeirra Sigmundar Ernis og
Ara Trausta, bók Tolla og Einars Más, skáld-
sögu Guðbergs Bergssonar, Svaninn, og bók eft-
ir hann Hafliða Magnússon á Bfldudal þar sem
hann segir skemmtilegar sögur úr þorpinu. Ann-
ars fannst mér vanta fleiri skáldsögur um þessi
jól eins og svo oft áður. Þetta eru allt mjög góðar
ritsmíðar en ég á eftir að lesa heilmargar bækur
ennþá, þar á meðal íslenska drauminn eftir Guð-
mund Andra Thorsson."
„Ástæðan fyrir því að ég les bækurnar sem ég
nefndi er sú að ég á svo marga vini og kunningja
úr rithöfundastétt sem ég er skyldugur til að
fylgjast með vegna þess að þetta eru menn sem
sjá mínar myndir."
Færðu innblástur sem kvikmyndagerðarmaður
við lestur bóka?
„Já, en fremur við lestur ljóða en skáldsagna.
Við lestur ljóða kvikna oft hugmyndir sem ég
nýti mér í kvikmyndagerð."
FRIÐRIK SHOPUSSSON
FJÁRMÁLARÁÐHERRA:
LEYNILÖGGUSÖGUR,
SAGA REYKJAVÍKUR OG FJÁRLÖGIN
Við spurninguna um lestur
jólabókanna stundi fjármálaráð-
herra enda hafði hans jólabók
þetta árið verið fjárlögin. Þá vit-
um við það að samviskan nagar
hann ekki eftir þessi jól. Að ölli
gríni slepptu gaf ráðherrann sér
tíma til að blaða í Sögu Reykjavíkur sem rituð er
af Guðjóni Friðrikssyni:
„Sú bók er sérstaklega skemmtileg svona yfir
að líta en nánari lestur á henni verður að bíða
betri tíma. Ætli hún komi ekki til með að duga
mér út árið. Annars sökkti ég mér niður í leyni-
löggureyfara fyrir svefninn þessi jól. Slíkar sögu
rífa mig helst út úr gráma hversdagsleikans. Það
eru hins vegar margar nýútkomnar bækur sem
mig langar til að lesa, til dæmis bókin um Jónas
frá Hriflu og ég mun ugglaust lesa nokkrar skáld-
sögur og ljóð þegar og ef tími gefst til.“
Friðrik segist enginn bókaormur það sé hins
vegar eiginkona hans Sigríður Dúna Kristmunds-
dóttir: „Munurinn á mér og eiginkonu minni er
sá að hún lætur bækur hafa forgang fram yfir
margt annað í frítíma sínum. En mér finnst ég
hins vegar ekki koma öðru að en skýrslum frá
ríkisendurskoðun og minnispunktum sem tengj-
ast starfi mínu á kvöldin,“ sagði Friðrik Shopus-
son fjármálaráðherra.
HENNÝ HERMANNSDÓTTIR
DANSKENNARI OG FYRIRSÆTA:
BÍÐ EFTIR BÓKAMÖRKUÐUNUM
„Ég var mjög spæld þessi jól
þar sem ég fékk enga bók í jóla-
pakkann. Hins vegar hef ég
áhuga á lestri margra bóka sem
út komu um jólin. Þar ber fyrsta
að nefna bókina um Heiðar sem
ég hef þegar gluggað í og finnst
verulega áhugaverð enda kemur hann víða við í
þeim heimi sem mér er kunnugur.
Ég ætla einnig að lesa ævisögu Árna Tryggvason-
ar og bókina hans Ólafs Jóhanns Ólafssonar, og
bókin um Ladda heillar mig einnig. Fyrir mér
eru ævisögur afþreying þó ég lesi einnig bækur
um dulræn málefni, ástarsögur og ljóð,“ sagði
Henný.
Þegar hún var barn og unglingur sagðist hún
ekki hafa lesið mikið en nú bíði hún spennt eftir
hinum árlegu bókamörkuðum því þá sé hennar
tími: „Undanfarin ár hef ég keypt mér uppundir
fimmtán bækur á bókamörkuðunum. Ef þær
duga ekki til þá á ég greiðan aðgang að bóka-
hirslum föður míns þar sem er að finna ógrynni
af bókum.“
GUÐRÚN HELGADÓTTIR ALÞINGIS-
MAÐUR OG RITHÖFUNDUR:
BÖRNIN LÆRÐU ÓÐFLUGA UTAN AÐ
„Ég komst að mestu í gegnum
bók Guðjón Friðrikssonar -
Sögu Reykjavíkur um jólin. Sú
bók finnst mér ofsalega
skemmtileg. Að öðru leyti las ég
tilviljanakennt það sem barst inn
á heimilið, þar á meðal las ég
mér til töluverðrar ánægju bókina um hann Gísla
Sigurðsson lækni í Kúvæt og Fógetavald Illuga
Jökulssonar. Svo var það ein bók sem ég las oft-
ar en aðrar þessi jól fyrir börn fjölskyldunnar en
það var hin yndislega bók Þórains Eldjárns Óð-
fluga. Sú bók naut alveg sérstakrar hylli þessi jól
á mínu heimili. Börnin voru fljót að læra hana
utan að og fóru með ljóðin í tíma og ótíma sem
sýnir svo sannarlega hvaða þörf börn hafa fyrir
rím og ljóðlist almennt," sagði Guðrún Helga-
dóttir. „Mér finnst einnig nauðsyn að lesa Guð-
berg, Guðmund Andra og um Jónas frá Hriflu.
Svo ætla ég að lesa Ólaf Jóhann Ólafsson enda er
ég ekki nærri nógu kunnug hans skrifum,“ bætti
Guðrún við.
Guðrún hefur sjálf hugsað sér að vera með í
næstu jólabókaskriðu ef tími gefst til og halda sig
við skrif fyrir börnin.
argir hafa
haft orð á
því hvað
Vigdís Finn-
bogadóttir forseti Islands líti
ljómandi vel út þessa dag-
ana. Hún hefur verið forseti
Islands í rúman áratug og
þær ljósmyndir sem hafa
verið teknar af henni á því
tímabili skipta ugglaust orð-
ið þúsundum. Af þeim má
merkja hvernig forsetinn
hefur smátt og smátt breytt
um hárgreiðslu og nýlega
hefur hún látið stytta hár
sitt. Það fer henni mjög vel
- eins og margir sjónvarps-
áhorfendur tóku eftir þegar
hún talaði til þjóðarinnar á
nýársdag. Það er upplífgandi
að sjá fólk blómstra í starfi!
Það eru ekki margir þjóðar-
leiðtogar sem eldast svona
vel í starfi en þessi forseti
segir líka sjálf að það sé
heilmikið eftir af sumrinu í
sér.