Fréttablaðið - 04.09.2018, Blaðsíða 24

Margt er reyndar
sameiginlegt með
Expedition og F-150 og
undirvagninn sá sami þó
lengdur sé en segja má að
uppbygging þessa bíls sé
mix á milli F-150 og
F-250/F-350.
Reynsluakstur
Finnur
Thorlacius
finnurth@frettabladid.is
KOSTIR OG GALLAR
FORD
EXPEDITION
● 3,5 LÍTRA BENSÍNVÉL,
● 375 HESTÖFL
● FJÓRHJÓLADRIF
Eyðsla frá: 12,4 l/100 km í bl. akstri
Mengun: ekki þekkt g/km CO2
Hröðun: 6,5 sek. í 100 km hraða
Hámarkshraði: 193 km/klst
Verð frá: 14.990.000 kr.
Umboð: Brimborg
● Útlit
● Stærð
● Lúxusinnrétting
● 8 sæti
● Aksturshæfni
● Verð
● Eyðsla
Stærsti jeppi sem fá má á Íslandi nú er vafalaust Ford Expedition en þar fer risastór
bíll með þrjár sætaraðir, pláss fyrir
8 manns og vel getur farið um alla
farþega. Ef hægt er að tala um jeppa
í XL flokki er þessi XXL. Þennan
bíl má fá hjá Brimborg og er hann
allrar athygli verður en kostar sitt,
sem skiljanlegt er fyrir svo stóran
bíl. Expedition hefur farið í mikla
megrun milli kynslóða hvað vigt
bílsins varðar, en Ford tókst að
létta hann um ein 350 kíló milli
kynslóða með aukinni álnotkun
og munar um minna fyrir bæði
eyðsluna, upptakið og léttleika í
akstri. Þessi bíll er alls ekki fyrir
alla, annaðhvort þarftu að eiga
mjög stóra fjölskyldu, þurfa mikið
pláss í ferðlög eða hreinlega reka
ferðaþjónustu og nota hann til far-
þegaflutnings því óbreyttur er hann
góður kostur til að flytja fólk í lúxus
og tekur 7 farþega. Enn fremur
þarftu að hafa djúpt veski því
kaupverðið er 15 milljónir króna.
Auk þess þarftu að vera tilbúinn
að punga út slatta á dælunni, því í
reynsluakstrinum reyndist hann
vera með 18,1 lítra eyðslu.
Aflmikil vél og 10 gírar
Vélin í reynsluakstursbílnum
var 3,5 lítra V6 EcoBoost vél með
tveimur forþjöppum, 375 hestöfl
og hentar þessum bíl sannast sagna
einkar vel. Hann er prýðilega frískur
með henni og alls ekki brennandi
þörf fyrir meira afl, þó svo Ford
bjóði þessa vél háþrýstari og skráða
fyrir 400 hestöflum. Með ári góðri
10 gíra skiptingu, já, ég sagði 10 gíra
skiptingu, er aflið alltaf til staðar.
Það er ekki svo að greinarritari
muni hægt að fá bíl með fleiri gírum
í sjálfskiptingunni, en hvar endar
þetta? Þessi vél og skipting kemur
beint úr Ford F-150 pallbílnum,
mest selda bíl Bandaríkjanna og
því má treysta þessum vélbúnaði.
Margt er reyndar sameiginlegt með
Expedition og F-150 og undirvagn-
inn sá sami þó lengdur sé en segja
má að uppbygging þessa bíls sé mix
á milli F-150 og F-250/F-350. Það
sem helst greinir á milli Expedition
og þeirra er vandaðri innrétting,
flottari efnisnotkun og lúxus sem
frekar ætti heima í Lincoln bílum
en Lincoln er einmitt í eigu Ford.
Það þarf stundum ekki að leita
langt yfir skammt. Einnig verður að
segjast að ytra útlit bílsins er flott og
ákveðinn glæsileiki felst í stærðinni.
Innréttingin í Expedition rassskellir
þá sem er í Chevrolet Suburban og
lætur hann líta út eins og einhvern
iðnaðarbíl. Hverjum þeim sem ekur
Expedition líður hins vegar eins og
forstjóra eða einkabílstjóra þjóð-
höfðingja.
Ljúflingur en slakur
í fimleikum
Akstur Expedition er ferlega þægi-
legt „ride“ svo lengi sem farið er
beint. Það á reyndar við ansi marga
eða flesta ameríska bíla, þeir eru
ágætir í beinni línu en þegar kemur
að því að henda þeim fyrir hornin
vandast málið. Það var svo sem ekki
við því að búast að þetta risastóra
flugmóðurskip væri mjög gott í fim-
leikum. Bíllinn er ári lipur í flestum
innanbæjarakstri en þegar hratt er
farið, t.d. á hringtorgunum, er eins
gott að vara sig. Nokkur hringtorgin
finnast þegar ekið er milli Reykja-
víkur og Mosfellsbæjar og reynt
var á gripinn með því að fara þau
nokkuð hratt og góði Guð, það er
bara hættulegt. Þar missti hann
grip og reyndi að leiðrétta aksturs-
leiðina með aðstoðarkerfum sínum,
en þetta gerðist bara á alltof litlum
hraða og olli vonbrigðum. Lipurt og
létt stýri, þokkalegur beygjuradíus
og enginn biðtími þegar stillt er
á milli D og R gerir þennan bíl þó
furðu þægilegan í borgarakstrinum,
svo fremi sem maður finni nógu
stórt stæði til að leggja honum í.
Hentar vel ákveðnum þörfum
Ford Expedition er gríðarlega
vel útbúinn bíll tæknilega með
öllum hugsanlegum aðstoðar- og
öryggiskerfum og miklum lúxus.
Of langt mál er að telja þetta allt
upp, en sem dæmi er bæði kæling
og hiti í rafdrifnum framsætunum
og hiti í aftursætum. Feikilega gott
Bang & Olufsen hljóðkerfi var í
reynsluakstursbílnum sem veitti
greinarritara mikla ánægju. Sam-
skiptakerfið er með raddstýringu
og 6 USB-tengi eru um allan bíl og
þráðlaust hleðslusvæði fyrir far-
síma. Vel er hugsað fyrir drykkju-
þörf allra farþega og aukageymslu-
hólf um allan bíl. Tignarlegt var að
sjá að halla má öftustu sætaröðinni
rafrænt og þar er merkilega gott
fótarými en höfuðrými leyfir ekki
stærri einstaklinga en 180 cm.
Minnstu vinirnir fara því þangað,
eða börnin. Ford Expedition er
sérstakur bíll sem hentar þó vel
þröngum hópi með ákveðnar
þarfir. Ekki fæst stærri jeppi og það
gefur mikla möguleika, en þeir sem
ætla að kaupa sér fimlegan aksturs-
bíl þurfa einfaldlega að fá sér minni
bíl og líklega evrópskan eða frá
Asíu. Þessi bíll getur þó dregið 4
tonna aftanívagn, geri aðrir betur.
Risinn í jeppaflórunni
Ford Expedition er risastór átta sæta jeppi sem hentar stærri fjölskyldum, þeim sem þurfa mikið pláss fyrir farangur eða fyrirtækjum í ferðaþjónustu.
Ekki skortir flutningsrými og minnir það einna helst á 20 rúmmetra gám.
Gríðarlega vel fer um alla farþega í glæsilega innréttuðum risajeppanum.
Gríðarstóri jepp-
inn Ford Expedi-
tion er bíll fyrir
þá sem leita að
miklu plássi, lúxus
og þægilegum
akstri en svona
„flugmóðurskip“
verður seint gott
í fimleikum. Góð
drifrás, glæsileg
innrétting og
þægilegheit ein-
kenna bílinn.
4 . S E P T E M B E R 2 0 1 8 Þ R I Ð J U D A G U R6 B Í L A R ∙ F R É T T A B L A Ð I Ð
BÍLAR