Fréttablaðið - 05.01.2013, Blaðsíða 40

| FÓLK | HELGIN6
Grýla, Leppalúði, jólasveinarnir og jólin verða kvödd í samfylgd
álfa, trölla, huldufólks og annarra vætta í Sólheimum í Grímsnesi
á morgun, þrettándanum. Gleðin hefst í íþróttaleikhúsi Sólheima
klukkan 16 þar sem gestum verður boðið að velja sér gervi, fá and-
litsmálun og klæðast fjölbreyttum búningum í eigu Sólheima.
Þegar klukkan slær 17 leiða álfakóngur og álfadrottning blys-
för að brennustæði Sólheima við undirleik trommusláttar, söngs
og sprells. Kveikt verður í tilkomumiklum bálkesti klukkan 17.10
og sungið og kveikt á blysum við þrettándabrennuna. Skemmtun á
sviði hefst klukkan 17.30 og dagskráin endar með flugeldasýningu.
Í Grænu könnunni verður boðið upp á ljúffenga Leppalúðasúpu
og nýbakað lífrænt nornabrauð á foreldravænu verði. Rjúkandi heitt
kakó og brakandi piparkökur verða einnig á boðstólum í anda jóla.
Allir eru hjartanlega velkomnir í Sólheima. Margir hafa fyrir sið
að koma einnig við á þrettándagleði Selfyssinga í bakaleiðinni, en
blysför verður farin frá Tryggvaskála klukkan 20 að brennustæði
við tjaldstæði Gesthúsa þar sem kveikt verður í þrettándabálkesti
og jólin kvödd með glæsilegri flugeldasýningu í félagsskap álfa og
trölla.
Sé veðurútlit tvísýnt er rétt að athuga hvort dagskrá breytist áður
en haldið er af stað. Sjá heimasíðurnar solheimar.is og arborg.is.
Jólin kvödd í Sólheimum
Fólk og forynjur með logandi kyndla á þrettándagleði í Sólheimum um jólin í fyrra.
af öllum vörum
25-60% afsláttur
Opið laugardag 11-16
www.worldclass.is
NÝ NÁMSKEIÐ HEFJAST FRÁ 7. JANÚAR
VERTU MEÐ!