Fréttablaðið - 07.11.2017, Blaðsíða 4

HEYRNARSTÖ‹INKringlunni • Sími 568 7777 • heyra.is
Við hjálpum þér
að bæta lífsgæðin
Rexton™ heyrnartækin opna nýjar leiðir í samskiptum
og auka lífsgæðin. Komdu í ókeypis heyrnarmælingu
og fáðu heyrnartæki lánuð til reynslu.
LEIÐRÉTTING
Dómkirkjan í Reykjavík var vígð 30.
október 1796, ekki 6. nóvember eins
og fram kom í Fréttablaðinu í gær.
SLYS Fólkið sem lést er bifreið
þeirra lenti í sjónum við höfnina á
Árskógssandi síðastliðinn föstudag
var frá Póllandi, búsett í Hrísey til
nokkurra ára.
Um var að ræða sambúðarfólk, 36
og 32 ára og 5 ára dóttur þeirra. Bíll
fjölskyldunnar fór fram af bryggj-
unni á Árskógssandi um klukkan
hálf sex á föstudag. Voru þau flutt á
sjúkrahúsið á Akureyri þar sem þau
voru úrskurðuð látin.
Að ósk aðstandenda verða nöfn
þeirra ekki gefin upp eða nánari
upplýsingar.
Samveru- og bænastund var hald-
in í Hríseyjarkirkju í gær. Þar hittust
íbúar eyjunnar og minntust þeirra
þriggja sem fórust.
Rannsókn lögreglunnar á Norður-
landi eystra á tildrögum slyssins er
ólokið. Verið er að ræða við vitni til
að fá betri mynd á atburði. Bílnum
hafi verið ekið á eðlilegum hraða
eftir bryggjunni þar sem hann
stöðvaði aldrei áður en hann fór
fram af. – ósk
Pólsk fjölskylda
lést á föstudag
DÓMSMÁL Héraðsdómur Norður-
lands eystra dæmdi síðastliðinn
fimmtudag mann í tveggja mánaða
fangelsi fyrir tvær líkamsárásir gegn
fyrrverandi sambýliskonu hans.
Manninum var gefið að sök að
hafa veist tvívegis að konunni á
heimili mannsins. Hann játaði
sök fyrir dómi og taldi dómur-
inn því nægilega sannað að
hann hafi gerst sekur um þau
brot sem hann var  sakaður um.
Í fyrri árásinni sló hann konuna
hnefahöggi og skallaði hana í and-
lit. Því næst ýtti hann konunni
upp að vegg með því að leggja
framhandlegg sinn upp að hálsi
hennar og halda henni þann-
ig fastri. Eftir að hún náði að losa
sig réðst maðurinn að henni
á ný og hélt henni á gólfinu.
Í síðari árásinni réðst hann að
konunni með hnefahöggum
og skallaði hana ítrekað í and-
lit. Hann hrinti henni í gólfið
svo enni hennar skall í gólfið.
Konan hlaut bólgur og mar um
allt andlit í kjölfar árásanna.
Maðurinn var dæmdur til að greiða
konunni 300 þúsund krónur í
skaðabætur.
Maðurinn á langan sakaferil að
baki sem teygir sig aftur til ársins
1999. Hann hefur margsinnis verið
dæmdur til refsingar fyrir akstur
undir áhrifum ávana- og fíkniefna.
Þar að auki hefur hann verið
dæmdur í fangelsi fyrir þjófnað,
brot gegn valdstjórninni og fyrir að
raska umferðaröryggi og stofna lífi
og heilsu vegfaranda í háska með
akstri sínum.
Hann hefur einnig ítrekað sætt
sektum fyrir umferðarlagabrot og
hefur verið sviptur ökurétti ævi-
langt.
Dómurinn leit til þess að mað-
urinn hafi nú í annað sinn ítrekað
brot sem tengt er við vísvitandi
ofbeldi og leiddi það því til þess að
maðurinn hlaut þyngri refsingu en
ella. Hins vegar féllst dómurinn á
það með manninum að lækka beri
refsingu hans vegna þess að árás-
irnar hafi verið unnar í áflogum.
– þv
Tveggja mánaða fangelsi fyrir tvær líkamsárásir
Maðurinn kýldi og skallaði konuna
ítrekað. NORDICPHOTOS/GETTY
DÓMSMÁL Einkahlutafélagið For-
ysta ehf., sem rekur meðal annars
vefinn Veggurinn.is, hefur stefnt
Framsóknarflokknum. Viðar Garð-
arsson, forsvarsmaður Forystu,
vildi ekki veita upplýsingar um efni
stefnunnar þegar Fréttablaðið tal-
aði við hann í gær. Fyrirtaka er eftir
hádegi í dag.
Forysta sinnir miðlun á frétta-
tengdu efni. Hins vegar starfar
fyrirtækið á sviði almannatengsla
og markaðsþjónustu. – jhh
Forysta stefnir
Framsókn
STJÓRNMÁL „Allt galopið,“ segja
flestir heimildarmenn Frétta-
blaðsins um möguleika á stjórnar-
myndun eftir að formlegar viðræður
Vinstri grænna, Framsóknarflokks,
Samfylkingar og Pírata fóru út um
þúfur í gær. Kostunum virðist fara
fjölgandi fremur en hitt og eru nú
nefndir fimm mögulegir kostir.
Heimildarmenn blaðsins úr
röðum Sjálfstæðismanna segja for-
ystumenn flestra flokka vera að
tala saman og flest símtöl vera milli
forystumanna fjórflokksins. Logi
Einarsson og Bjarni Benediktsson
hafa þó ekki ræðst við beint, en Katr-
ín ræðir mjög við þá báða og reynir
nú til þrautar að koma á samtali milli
þessara þriggja flokka. Þetta herma
heimildir Fréttablaðsins. Framsókn-
armenn þrýsta hins vegar á samtal
milli Sjálfstæðisflokks, Framsóknar-
flokks og Vinstri grænna.
Mjög virðist hins vegar hafa
dofnað talsambandið milli Fram-
sóknarflokks og Miðflokksins sem
lifnaði yfir í síðustu viku, líkt og
blaðið greindi frá. Formaður Fram-
sóknarflokksins lýsti því yfir í gær
að honum hugnaðist ekki lengur
stjórn til hægri og viðmælendur
Fréttablaðsins úr hópi Sjálfstæðis-
manna eru á einu máli um að Sjálf-
stæðismenn eigi frekar að mynda
stjórn með Vinstri grænum og
Samfylkingu eða Framsóknarflokki
frekar en með Miðflokki, Framsókn
og Flokki fólksins, þó ekkert sé úti-
lokað í þeim efnum.
Þá hafa nokkrir viðmælendur
blaðsins nefnt mögulega stjórn
Sjálfstæðisflokks, Framsóknar-
flokks, Vinstri grænna og Samfylk-
ingar, sem yrði þá stjórn fjórflokks-
ins á móti rest. Helsti farartálminn í
því mynstri er Samfylkingin.
Píratar eiga fáa möguleika á þátt-
töku í stjórnarmyndun eftir að upp
Oftast á tali hjá fjórflokknum
Fimm stjórnir eru nú ræddar meðal forystumanna flokkanna og sitt sýnist hverjum. Formenn VG, Sjálf-
stæðisflokks og Framsóknar eru í aðalhlutverki. Möguleikar Pírata til stjórnarþátttöku eru litlir sem engir.
Katrín Jakobsdóttir, formaður VG, skilaði stjórnarmyndunarumboðinu til forsetans í gær. FRÉTTABLAÐIÐ/ANTON BRINK
✿ Mögulegar stjórnir sem nú eru ræddar
úr flosnaði milli fráfarandi stjórnar-
andstöðuflokka.
Þingmenn Viðreisnar eru senni-
lega afslöppuðustu þingmenn
landsins um þessar mundir og geta
vel hugsað sér að vera í stjórnarand-
stöðu þetta kjörtímabil. Þeir útiloka
þó ekki þátttöku í ríkisstjórn sem
stuðlar að auknum stöðugleika.
Forystumenn flokkanna eru þó
flestir sammála um að samtöl milli
flokkanna þurfi tíma til að þroskast
og tíðinda sé líklega ekki að vænta
fyrr en í fyrsta lagi upp úr miðri
viku. adalheidur@frettabladid.is
34
þingmenn
35
þingmenn
38
þingmenn
42
þingmenn
35
þingmenn
7 . N Ó V E M B E R 2 0 1 7 Þ R I Ð J U D A G U R4 F R É T T I R ∙ F R É T T A B L A Ð I Ð