Fréttablaðið - 07.11.2017, Blaðsíða 38

Upplýsingar um
verkin, fengnar
frá Ármanni
Kvintettinn fyrir klarinettu og
strengjakvartett eftir Carl María
von Weber var skrifaður árið
1815 með klarinettuvirtúósinn
Henrich Bearmann í huga en alls
urðu klarinettuverkin sex sem
Webertileinkaði vini sínum.
Mikhail Glinka samdi Tríó Pat-
hétique í d-moll fyrir klarinettu,
selló og píanó árið 1832. Verkið
er stutt en gullsteinn verksins er
hægi þátturinn þar sem hljóð-
færin syngja hvert um sig sína
aríu.
Samband Mozarts við klarin-
ettuna var einstakt. Í aríunni
„Parto parto“ úr La Clemenza di
Tito fá stefin og laglínurnar að
fljóta á milli söngsins og klarin-
ettunnar.
Verkin sem við flytjum eru öll dáð í bók-menntum klarinett-unnar og sýna henn-ar bestu hliðar bæði í dýnamík og litrófi.
Þar er dramatík og líka létt og leik-
andi tónlist,“ segir Ármann Helga-
son klarinettuleikari í tónlistar-
hópnum Camerarctica sem kemur
fram í sal Tónlistarskóla Garðabæjar
við Kirkjulund í kvöld, ásamt söng-
konunni Ingibjörgu Guðjónsdóttur
sem einnig er listrænn stjórnandi.
Ármann segir dagskrána svolítið
litaða af óperuheiminum. Þar eru
verk þriggja tónskálda klassíska
og rómantíska tímabilsins. Þau
eru Carl Maria von Weber, Mik-
hail Glinka og Wolfgang Amadeus
Mozart. „Þessi tónskáld heyrðu
greinilega óperutón í klarinettunni
og hrifust af honum,“ segir hann
glaðlega.
Auk Ármanns verða Hildigunnur
Halldórsdóttir fiðluleikari, Bryndís
Pálsdóttir fiðluleikari, Svava Bern-
harðsdóttir víóluleikari, Sigurður
Halldórsson sellóleikari og Ingunn
Hildur Hauksdóttir píanóleikari
með Camerarctica í kvöld. Þrjú
þeirra voru meðal stofnenda hóps-
ins fyrir 25 árum, þau Ármann,
Hildigunnur og Sigurður. Hallfríður
Ólafsdóttir flautuleikari hefur líka
tilheyrt Camerarctica frá fyrstu tíð
en spilar ekki með að þessu sinni.
Ármann segir fjóra fulltrúa sveit-
arinnar búa í Garðabæ og fagnar því
að fá að spila í sal Tónlistarskólans
þar, sem sé frábær kammersalur, fal-
legur og bjartur.“
Söngkonan Ingibjörg Guð-
jónsdóttir er líka Garðbæingur.
Hún hefur áður komið fram með
Camerarctica og kveðst þekkja vel
snillingana þar.
Ingibjörg segir prógramm kvölds-
ins svakalega flott. Gerir samt ekki
mikið úr sínum hlut. „Ég kem bara
inn í einu atriði. Hljóðfæraleikar-
arnir bera þessa dagskrá uppi,“
tekur hún fram. „En ég held utan um
tónleikaröðina, Þriðjudagsklassík í
Garðabæ fyrir menningar-og safna-
nefnd bæjarins sem stendur á bak
við hana. Þetta er í fyrsta sinn sem
tónleikarnir eru að hausti til, þeir
hafa alltaf verið á vormánuðum en
við erum ánægð með þennan árs-
tíma.“
Tónleikarnir hefjast klukkan
20 og standa í um klukkutíma.
Aðgangseyrir er 1.500 krónur.
gun@frettabladid.is
Bæði léttleiki og dramatík
Camerarctica og Ingibjörg Guðjónsdóttir söngkonu, koma fram
í sal Tónlistarskólans í Garðabæ  við Kirkjulund í kvöld.
Félagar Camerarctica sem spila í kvöld eru Ármann, Svava, Bryndís, Ingunn Hildur og systkinin Hildigunnur og Sigurður.
Gunnþóra
Gunnarsdóttir
gun@frettabladid.is
Save the Children á Íslandi
Hágæða amerísk heilsurúm
sem auðvelt er að elska
Sofðu rótt í alla nótt
MERKIÐ
MITT
Skoðaðu litríkt úrval á bros.is
Bros auglýsingavörur,
Norðlingabraut 14.
Bros auglýsingavörur með þínu merki
7 . N Ó V E M B E R 2 0 1 7 Þ R I Ð J U D A G U R22 M E N N I N G ∙ F R É T T A B L A Ð I Ð
MENNING