Fréttablaðið - 07.11.2017, Page 16

FÓTBOLTI „Þetta var ekki erfið
ákvörðun. Ég fór út um síðustu
helgi og fékk kynningu á þeirra hug-
myndum. Eftir það var þetta bara
spurning um ákveðin fjölskyldumál
sem þurfti að græja og það var gert.
Ég er mjög spenntur fyrir þessu og
fínt að prófa eitthvað nýtt,“ segir
knattspyrnuþjálfarinn Heimir Guð-
jónsson sem hefur verið ráðinn nýr
þjálfari færeyska félagsins, HB.
Heimir varð frekar óvænt
atvinnulaus á dögunum er FH ákvað
að reka hann eftir langt og farsælt
starf fyrir félagið. Uppsögnin kom
það seint að fátt var um störf í boði
fyrir Heimi hér heima. Hann ákvað
því að stökkva á þetta tækifæri.
Var ekkert að pæla í Færeyjum
„Ég verð alfarinn utan til Færeyja
í byrjun janúar. Tímabilið byrjar
um miðjan apríl og þeir klára í lok
október. Þeir byrja aðeins fyrr en
hér heima og enda aðeins síðar. Ég
hafði ekkert verið að pæla í Fær-
eyjum fyrr en ég fékk símtal frá
þeim. Þetta er stórveldi í Færeyjum
sem hefur unnið flesta titla en lenti
aðeins í fimmta sæti núna. Þeir
vilja gera betur og voru áhugasamir
að fá mig. Mér fannst þetta líta allt
saman mjög vel út og það verður
gaman að takast á við þetta verk-
efni,“ segir Heimir sem gerir tveggja
ára samning við félagið en þó með
uppsagnarákvæði af beggja hálfu
eftir fyrra árið.
Nýtur þess að þjálfa
Þó svo það hafi ekki verið stór störf
í boði hér heima er hann fór frá FH
má fastlega gera ráð fyrir því að
félögin hér heima færu að líta hýru
auga til hans er tímabilið byrjar
næsta sumar og einhver lið fara illa
af stað. Íhugaði hann ekkert að fá
sér eitthvað annað að gera og bíða
eftir að næsta tækifæri kæmi hér
heima?
„Auðvitað velti maður öllu fyrir
sér. Það kom vissulega til greina að
bíða en mér fannst þetta starf það
áhugavert að ég vildi taka því. Mér
finnst líka mjög gaman að vera úti á
velli og þjálfa. Ég mun ekkert koma
til greina í nein störf hér heima
snemma næsta sumar. Ég er búinn
að skuldbinda mig við HB og það
væri vanvirðing við félagið ef ég ætl-
aði að fara frá þeim á miðju sumri.
Við ræddum að það myndi aldrei
verða svoleiðis. Ég er að taka þetta
verkefni að mér af heilum hug.“
Skil ekkert í færeyskunni
Viðskilnaðurinn við FH hlýtur eðli-
lega að hafa verið nokkuð sár fyrir
Heimi eftir að hafa varið hátt í 20
árum hjá félaginu. Hann segist þó
ekki vera sár yfir viðskilnaðinum í
dag.
„Það hefur ekkert upp á sig að lifa
í fortíðinni. Nú er það bara fram-
tíðin. Ef maður hengir sig of lengi
í einhverju þá er það ávísun á að
maður lendi í einhverju veseni,“
segir Heimir en skilur hann eitthvað
í færeyskunni?
„Ég skil mjög lítið þannig að ég
mun beita fyrir mig enskri tungu
til að byrja með. Þeir skilja mig að
einhverju leyti en ég skil ekkert
hvað þeir segja. Ég stefni á að læra
málið. Hver veit nema ég komi heim
með færeyskan hreim síðar,“ segir
þjálfarinn léttur. henry@frettabladid.is
Fínt að prófa eitthvað nýtt
Hinn sigursæli þjálfari, Heimir Guðjónsson, flytur til Færeyja í byrjun næsta árs þar sem hann hefur tekið
við liði HB. Þjálfarinn er spenntur fyrir nýju starfi sem hann segist taka að sér af heilum hug.
Kóngurinn í Krikanum til áraraða mun nú reyna að leggja Færeyjar að fótum sér. FRÉTTABLAÐIÐ/ERNIR
Ég mun ekkert
koma til greina í
nein störf hér heima snemma
næsta sumar. Ég er skuld-
bundinn HB og það væri van-
virðing að fara frá þeim á
miðju sumri.
Heimir Guðjónsson
Olís-deild karla í handbolti
Stjarnan -Valur 25-27
Markahæstir: Stjarnan: Leó Snær Péturs-
son 7/3, Egill Magnússon 5, Aron Dagur
Pálsson 4, Andri Grétarsson 4 - Valur: Anton
Rúnarsson 10/1, Magnús Óli Magnússon
5/3, Vignir Stefánss. 4, Ýmir Örn Gíslason 3
FH - ÍR 32-24
Markahæstir: FH: Gísli Þorgeir Kristjáns-
son 8, Ásbjörn Friðriksson 7/2, Óðinn Þór
Ríkharðsson 6, Einar Rafn Eiðsson 5, Ágúst
Birgisson 5 - ÍR: Kristján Orri Jóhannsson
6, Halldór Logi Árnason 5, Bergvin Þór
Gíslason 4.
Olís-deild kvenna
19.30 Stjarnan - Selfoss
19.30 Grótta - Fram
Í dag
Staðan
Efst
FH 16
Valur 13
Haukar 12
ÍBV 12
Selfoss 10
Stjarnan 9
Neðst
Fram 8
ÍR 6
Afturelding 5
Fjölnir 3
Víkingur 2
Grótta 0
Malt-bikar karla í körfubolta
Þór Ak. -Höttur 74-81
Stigahæstir: Marques Oliver 19/19 fráköst,
Ingvi Rafn Ingvarsson 16/8 stoðsendingar,
Pálmi Geir Jónsson 16/10 fráköst - Kevin
Lewis 24/7 fráköst/7 stoðsendingar/5
stolnir, Mirko Stefan Virijevic 16/13 fráköst,
Ragnar Gerald Albertsson 10.
Keflavík - Fjölnir 85-76
Stigahæstir: Magnús Már Traustason 21,
Cameron Forte 16/16 fráköst, Ragnar Örn
Bragason 10, Guðmundur Jónsson 9, Davíð
Páll Hermannsson 8 - Samuel Prescott Jr.
38/13 fráköst, Sigvaldi Eggertsson 21.
Njarðvík - Grindavík 79-75
Stigahæstir: Terrell Vinson 25, Maciek
Baginski 17, Logi Gunnarsson 16, Ragnar
Nathanaelsson 11/10 fráköst - Ólafur Ólafs-
son 21/10 fráköst, Dagur Kár Jónsson 17//9
stoðsendingar/5 stolnir, Sigurður Gunnar
Þorsteinsson 16, Rashad Whack 11
Valur - Tindastóll 70-104
Stigahæstir: Urald King 17/14 fráköst,
Gunnar Ingi Harðarson 16, Oddur Birnir
Pétursson 11 - Sigtryggur Arnar Björnsson
35, Antonio Hester 31.
Liðin í pottinum í dag:
Maltbikar karla: Haukar, Breiðablik, KR, ÍR,
Keflavík, Njarðvík, Tindastóll og Höttur.
Maltbikar kvenna: Skallagrímur, Njarðvík,
Breiðablik, Keflavík, Snæfell, Valur, ÍR og KR.
ÖFLUG LAUSN VIÐ HÁLSBÓLGU!
Bólgueyðandi og verkjastillandi
munnsogstaa við særindum í hálsi
www.apotekarinn.is
- lægra verð
Strefen 8,75 mg munnsogstöflur og Strefen Orange 8,75 mg Sukkerfri, munnsogstöflur. Innihalda flurbiprofen. Strefen er notað sem skammtímameðferð til að draga tímabundið úr særindum í hálsi hjá fullorðnum og börnum eldir en 12 ára. Sjúga skal eina munnsogstöflu rólega og láta
leysast upp í munni á 3-6 klst. fresti eftir þörfum, mest 5 töflur á sólahring. Ekki er ráðlagt að nota lyfið lengur en í 3 sólarhringa. Lesið vandlega upplýsingar á umbúðum og fylgiseðli fyrir notkun. Leitið til læknis eða lyfjafræðings sé þörf á frekari upplýsingum um áhættu og aukaverkanir.
Sjá nánari upplýsingar um lyfið á www.serlyfjaskra.is.
7 . N Ó V E M B E R 2 0 1 7 Þ R I Ð J U D A G U R16 S P O R T ∙ F R É T T A B L A Ð I Ð
SPORT