Fréttablaðið - 12.04.2017, Side 22

FÓTBOLTI Fyrir rétt rúmum mánuði
var Swansea City með jafn mörg stig
og Bournemouth og Leicester City
og ofar í töflunni en bæði Crystal
Palace og Hull City. Eftir erfiða mán-
uði fyrir áramót leit út fyrir að Gylfi
og félagar væru á góðri leið með að
bjarga sæti sínu í deildinni.
Stiga- og markaþurrð
Hlutirnir eru hins vegar fljótir að
breytast í boltanum og uppkoma
Crystal Palace og Hull City síðustu
vikur hefur slegið í takt við stiga- og
markaþurrð velska liðsins.
Eftir 1-0 tap fyrir West Ham á
laugardaginn er Swansea aftur
komið niður í fallsæti. Crystal
Palace vann Arsenal 3-0 á mánu-
dagskvöldið og hefur fengið átta
fleiri stig en Swansea í síðustu fimm
leikjum. Sömu sögu er að segja af
Hull þrátt fyrir tap fyrir Manchester
City um helgina.
Verður alltaf keyptur í sumar
Gylfi þarf nú örugglega ekki að hafa
miklar áhyggjur af því að spila ekki
í ensku úrvalsdeildinni á næsta
tímabil hvernig sem fer enda mikill
áhugi hjá nokkrum úrvalsdeildar-
liðum að kaupa hann í sumar. Eftir
frábæran tíma hjá Swansea væri
aftur á móti afar leiðinlegt að skilja
við liðið sem Championship-lið.
Það hefur verið algjört stiga- og
markahallæri hjá Swansea síðustu
vikur og þar hefur vantað það sem
hefur haldið liðinu á floti í vetur eða
sköpun frá Gylfa Þór Sigurðssyni.
Gylfi kom að marki í sjö leikjum
í röð frá 21. janúar til 11. mars og
Swansea vann fjóra af þeim og
komst alla leið upp í fimmtánda
sætið eftir sigur á Englandsmeist-
urum Leicester City 12. febrúar.
729 markalausar mínútur
Gylfi hefur nú ekki skorað í átta
leikjum í röð, samtals 729 mínútur,
og íslenski landsliðsmaðurinn hefur
enn fremur ekki komið að marki í
síðustu fjórum leikjum Swansea.
Gylfi kom síðast að marki í 2-1 tapi
fyrir Hull 11. mars síðastliðinn.
Hann hefur nú spilað í 360 mínút-
ur án þess að skapa mark fyrir sitt
lið. Síðan er liðinn einn mánuður
og á þessum 30 dögum hefur staða
Swansea versnað mikið.
Gylfi hefur komið með beinum
hætti að 19 af 37 mörkum Swan-
sea-liðsins í ensku úrvalsdeildinni í
vetur með því annaðhvort að skora
Gylfi Þór Sigurðsson svekktur eftir enn einn leikinn sem Swansea mistókst að skora í. Velska liðið þarf sárlega á mörkum frá íslenska landsliðsmanninum að halda á lokasprettinum. NORDICPHOTS/GETTY
Örlög Svananna ráðin án marka Gylfa
Swansea City er aftur komið niður í fallsæti í ensku úrvalsdeildinni eftir tap fyrir West Ham um síðustu helgi. Liðið hefur aðeins skorað
tvö mörk og fengið eitt stig út úr síðustu fimm leikjum sínum í deildinni og þar hefur tilfinnanlega vantað eitt.
51%
Gylfi Þór hefur skorað eða
gefið stoðsendingu í 19 af 37
deildarmörkum Swansea.
Gylfi á árinu 2017
Janúar
3. - Crystal Palace 2-1 sigur
14. - Arsenal 0-4 tap
21. - Liverpool 3-2 sigur
31. - Southampton 2-1 sigur
Febrúar
5. - Manchester City 1-2 tap
12. - Leicester 2-0 sigur
25. - Chelsea 1-3 tap
4. - Burnley 3-2 sigur
11. - Hull 1-2 tap
18. - Bournemouth 0-2 tap
Apríl
2. - Middlesbrough 0-0 jafntefli
5. - Tottenham 1-3 tap
8. - West Ham 0-1 tap
729
MÍNÚTUR ÁN MARKS
360
MÍNÚTUR ÁN STOÐSENDINGAR
STOÐSENDING
STOÐSENDING
STOÐSENDING
STOÐSENDING
STOÐSENDING
MARK
MARK
MARK
(8) eða gefa stoðsendingu (11) og
það þarf því ekki að koma mikið
á óvart að liðið hefur ekki skorað
mikið í þessum undanförnum fjór-
um leikjum.
Swansea er aðeins með eitt
stig og eitt mark í þessum fjórum
síðustu leikjum þar sem Gylfi
hefur ekki náð að búa til mark.
Á sama tíma hefur liðið farið úr
sextánda sæti niður í fallsæti.
Það sem er mesta áhyggjuefnið er
að Swansea hefur ekki verið að ná í
mörg stig í innbyrðisleikjum á móti
liðum í neðri hluta deildarinnar
eins og Hull City, Bournemouth,
Middlesbrough og West Ham.
Missa stigin til fallbaráttuliða
Uppskeran úr leikjum á móti þeim
undanfarinn mánuð eru aðeins eitt
stig sem kom í markalausu jafntefli
við Middlesbrough. Hinir leikirnir
hafa tapast og það boðar ekki gott
að bæði missa af stigum og færa um
leið helstu keppninautunum mikil-
væg stig í innbyrðisbaráttu liðanna
um að vera áfram í ensku úrvals-
deildinni 2017-18.
Næsti leikur Gylfa og félaga er á
móti Watford um komandi helgi.
Þar fær Gylfi tækifæri til að slá tvær
flugur í einu höggi – binda enda á
þessa fyrrnefndu bið og ná um leið
að koma að marki í fyrsta sinn á
móti Watford í ensku úrvalsdeild-
inni. Eitt er víst – Swansea þarf lífs-
nauðsynlega á því að halda.
ooj@frettabladid.is
1 2 . A P R Í L 2 0 1 7 M I Ð V I K U D A G U R22 S P O R T ∙ F R É T T A B L A Ð I Ð