Fréttablaðið - 12.04.2017, Síða 36

Útgefandi:
365 miðlar
Veffang:
Visir.is
Ábyrgðarmaður:
Svanur Valgeirsson
Sölumaður auglýsinga:
Ólafur H. Hákonarson, olafurh@365.is, s. 512 5433
Mikið er lagt
upp úr fallega
skreyttum
og máluðum
eggjum. NORDICP-
HOTOS/GETTY
Við skreytum
matarkörfuna
okkar en í Póllandi er
hefð fyrir því að fara með
matarkörfu í kirkju og fá
matarblessun hjá prest-
inum daginn fyrir páska-
dag.
Sigríður Inga
Sigurðardóttir
sigriduringa@365.is
Magdalena heldur í pólskar páskahefðir. MYND/EYÞÓR Ein pólsk hefð er að láta blessa matinn NORDICPHOTOS/GETTY
Í Póllandi eru páskarnir mikil hátíð
líkt og hér á landi en þar eru páska-
hefðirnar með aðeins öðru sniði en
við þekkjum. Magdalena Kossak er
frá Póllandi en hefur búið á Íslandi
í tólf ár. Hún er gift, tveggja barna
móðir og vinnur við skrifstofustörf
hjá bæjarskrifstofum Kópavogs.
„Á föstudaginn langa sýð ég egg
og síðan málum við fjölskyldan
eggin. Þau geta verið mjög fallega
máluð og það þykir merkilegt
þegar barn málar sitt egg sjálft.
Við skreytum matarkörfuna okkar
en í Póllandi er hefð fyrir því að
fara með matarkörfu í kirkju og
fá matarblessun hjá prestinum
daginn fyrir páskadag. Þetta getur
verið alls konar matur, eins og
brauð, skinka, smjör, ostur, pipar
og salt og ávextir. Við fjölskyldan
förum í Kristskirkju á laugardaginn
með okkar matarkörfu. Ég fer ekki
með mikinn mat en finnst þetta
samt sem áður mikilvægur siður,“
segir Magdalena. Matarins er síðan
neytt á páskadagsmorgun og skipt
bróðurlega á milli fjölskyldunnar.
„Presturinn dýfir kústi í vígt vatn
og dreypir vatninu yfir matinn
og blessar hann,“ segir hún. Siður
þessi á rætur sínar að rekja allt
aftur á fimmtándu öld og er vel
þekktur í Austur-Evrópu. Ekki er
vani að borða kjöt eða þungan mat
dagana fyrir páska og heldur Mag-
dalena í þá hefð.
Fer í pólska messu
Á páskadag fer Magdalena í
páskamessu í Kristskirkju, ásamt
fjölskyldunni. Þar er haldin páska-
messa ár hvert sem jafnan er mjög
vel sótt. „Páskadagur er mikill
hátíðisdagur í Póllandi. Fjölskyld-
an hittist og borðar saman góðan
mat, oft kjúklingarétt eða svínakjöt
eða það sem er í uppáhaldi hverju
sinni. Ég ætla að elda kalkúna á
páskadag. Systur mínar búa líka
á Íslandi og við munum verja
páskadegi saman með fjölskyldum
okkar. Um páskana er mikilvægt
að slaka á og vera í fríi, ekki eyða
tímanum í vinnu eða þrif,“ segir
Magdalena. Hún fer einnig í messu
annan í páskum, líkt og margir
landar hennar.
Óvön súkkulaðieggjum
Í heimalandi Magdalenu er til siðs
að skreyta heimilið fyrir páskana
og þemað er líkt og það íslenska;
páskaungar og máluð egg og oftast
er gulur eða appelsínugulur litur
í aðalhlutverki. „Við skreytum þó
ekki mikið,“ segir hún.
Áður en Magdalena flutti til
Íslands hafði hún ekki vanist því
að borða súkkulaðiegg yfir páska-
hátíðina en hins vegar gerir hún
það í dag. Innt eftir því hvort hún
sakni einhvers frá Póllandi yfir
páskahátíðina segir hún svo ekki
vera. „Reyndar sakna ég oft góða
veðursins. Núna er hlýtt og gott
veður í Póllandi,“ segir hún.
Heldur í pólskar páskahefðir
Magdalena Kossak byrjar páskahátíðina á laugardaginn með því að fara í
kirkju með matarkörfu og fá matarblessun að pólskum sið.
Söfnuðir Áskirkju og Laugarnes-
kirkju halda sameiginlega messu
í Laugarneskirkju á skírdags-
kvöld klukkan 20. Séra Davíð Þór
Jónsson og séra Sigurður Jónsson
þjóna fyrir altari.
Söngsveitin Fílharmónía flytur
Requiem eftir Gabriel Fauré undir
stjórn Magnúsar Ragnarssonar
og Arngerðar Maríu Árnadóttur.
Einsöngvarar verða Kristrún Frið-
riksdóttir og Valdimar Hilmars-
son.
Sálumessa Gabriels Fauré er
með þekktustu verkum hans og
hefur notið ómældra vinsælda frá
því hún var frumflutt árið 1888.
Sjálfur sagði Fauré sálumessu sína
einkennast frá upphafi til enda af
trú á eilífa hvíld í dauðanum.
Ýmsir samtímamenn Fauré
höfðu orð á því að í sálumessu
hans væri ekki að finna ótta við
dauðann og sumir kölluðu hana
vögguvísu um dauðann. Það
er einmitt þannig sem hann sá
dauðann, sem frelsun fremur en
kvalafulla reynslu.
Requiem Fauré á skírdag
Umsóknarfrestur er til 5. maí 2017. Umsóknum ásamt fylgiskjölum skal skila rafrænt á
menningarsjodur@skriduklaustur.is.
Menningarsjóður Gunnarsstofnunar hefur tvíþættan tilgang: að renna stoðum undir starfsemi
Stofnunar Gunnars Gunnarssonar á Skriðuklaustri með árlegum framlögum; og að styðja
rithöfunda, listamenn, fræðimenn og námsfólk til verka er samræmast hlutverki Gunnarsstofnunar.
Stjórn sjóðsins hefur ákveðið að áherslan árið 2017 verði lögð á:
• Verkefni sem tengjast ritverkum og ævi Gunnars Gunnarssonar.
• Önnur verkefni sem samræmast hlutverki Gunnarsstofnunar.
Til úthlutunar eru kr. 1.000.000 og gerir sjóðsstjórn ráð fyrir að úthluta til að hámarki 4ja verkefna.
Hægt er að nálgast úthlutunarreglur og umsóknareyðublað á www.skriduklaustur.is ásamt frekari
upplýsingum um sjóðinn. Tilkynnt verður um styrkhafa á fæðingardegi Gunnars Gunnarssonar,
18. maí, á Skriðuklaustri.
Stjórn Menningarsjóðs Gunnarsstofnunar
auglýsir eftir umsóknum
Söngsveitin Fílharmónía flytur
Requiem eftir Gabriel Fauré.
2 KYNNINGARBLAÐ 1 2 . A P R Í L 2 0 1 7 M I ÐV I KU DAG U R