Fréttablaðið - 12.04.2017, Page 42

Róbert, Friðrika
og Haraldur
Örn við skála
Alpaklúbbsins í
Tindföllum.
Starri Freyr
Jónsson
starri@365.is
Brynhildur Ólafs-
dóttir á fjöllum.
Með púlku í eftirdragi við Mófellsbætur.
Útivistarhjónin Bryn-hildur Ólafsdóttir og Róbert Marshall hafa stundað
útivist í einhverju formi stóran
hluta ævinnar. Yfir veturinn eru
þau mikið á fjallaskíðum, splitt-
brettum og gönguskíðum en yfir
sumartímann taka fjallgöngur,
fjallahjól og kajakróður gjarnan
við. Utan þess klifra þau bæði í
ís og klettum og stunda köfun
þannig að enginn skortur er á
skemmtilegum ævintýrum í lífi
þeirra hjóna.
Undanfarna páska hafa þau
oft nýtt í krefjandi og skemmti-
legar ferðir um hálendið enda
er fegurðin á fjöllum á þessum
árstíma að sögn Brynhildar. „Það
er víða snjór yfir öllu, sérstaklega
á hálendinu, en á sama tíma eru
dagarnir farnir að lengjast. Þannig
að oft er sól og blíðuveður þótt allt
sé á kafi í snjó.“
Síðustu páska fóru þau hjónin,
ásamt vinafólki sínu, í fjögurra
daga ferð á skíðum í hálfhring í
kringum Tindfjöll í stórkostlegu
veðri að hennar sögn, köldu en
björtu. „Við erum eiginlega alltaf
tilbúin í góð ævintýri þannig að
undirbúningur var ekki mikill. Við
vorum fjögur saman, við hjónin
og vinafólk okkar, Haraldur Örn
Ólafsson og Friðrika Hjördís
Geirsdóttir. Róbert og Haraldur
skiptu á milli sín að bóka skálana
og svo lögðum við í hann með eins
dags fyrirvara eftir að hafa skoðað
kort og veðurspá og skilið eftir
leiðarlýsingu hjá fólki í byggð.“
Snickers bjargaði málum
Fyrst ók hópurinn jeppaslóða upp
í Tindfjöll eins langt og hægt var
að komast einbíla og án þess að
hleypa lofti úr dekkjum. Þaðan
gengu þau á skíðum með allan
farangur í púlkum, sem eru sleðar
sem dregnir eru á eftir skíðafólki.
„Fyrstu nóttina gistum við í skála
Alpaklúbbsins sem er efsti skálinn
í Tindfjöllum. Daginn eftir héldum
við svo á toppana Ými og Ýmu og
skíðuðum þaðan í norður og niður
í skálann í Hungurfitjum sem var
nokkuð krefjandi skíðamennska
á gönguskíðum og með þungan
sleða í eftirdragi.“
Þaðan gekk hópurinn á þriðja
degi í austur og stefndi að Emstru-
skála á Mosum við Markarfljót.
„Það reyndist líka nokkuð erfiður
brekkubarningur með gljúfra-
brölti og á einum stað þurftum
við að fleyta púlkunum yfir
á, ofan í þröngu gili. Þar
varð til málsháttur-
inn: „Oft getur
Snickers dimmu í
dagsljós breytt.“
Það er nefni-
lega oft þannig í
svona krefjandi
verkefnum að
stundum er
nauðsynlegt að
staldra aðeins
við og fá sér smá
næringu áður en
hægt er að halda lengra.
Við vorum orðin ansi lerkuð
þegar við komum í skálann þar
sem við vöknuðum á páska-
sunnudegi. Þaðan skíðuðum við
svo niður á Einhyrningsflatir en
skammt sunnan þeirra höfðum
við skilið hinn bílinn eftir. Sannar-
lega dásamleg fjögurra daga ferð
frábæru en köldu veðri.“
Mörg verkefni fram undan
Páskarnir eru skemmtilegur tími
á fjöllum og gönguskíðin gera
ferðalöngum kleift að ferðast hratt
í landslagi þar sem erfitt væri
að ganga í snjó. „Það er hægt að
halda sér vel heitum á hreyfingu
í flestum veðrum þannig að þetta
er spurning um að vera þannig
búinn að hægt sé að kasta
yfir sig einhverju hlýju,
þegar stoppað er
fyrir hressingu eða
myndatökur, og
fara svo létt-
klæddur af stað
aftur. Ólíkt því
sem flest fólk
telur þá er líka
mjög þægilegt að
tjalda í snjó, yfirleitt er
auðveldara að finna slétt
undirlag og svo er hægt að grafa
gryfju í fortjaldinu fyrir elda-
mennsku. Þetta er allt spurning
um rétta búnaðinn.“
Ekkert er ákveðið varðandi
páskana í ár enda ýmis stór verk-
efni fram undan hjá þeim hjónum.
„Kannski látum við duga að skíða
niður af Eyjafjallajökli eða að taka
þátt í gönguskíðamóti. Það er svo
margt skemmtilegt hægt að gera
að það er smá valkvíði í gangi!“
Fegurðin er alltaf á fjöllum
Páskarnir eru kjörinn tími fyrir ferðalög, ekki síst á hálendi Íslands. Þá er víða snjór yfir öllu en um
leið eru dagarnir farnir að lengjast og dagsbirtan meiri. Útivistarhjónin Brynhildur og Róbert fóru í
fjögurra daga hringferð á skíðum í hálfhring í kringum Tindfjöllin um síðustu páska í fallegu veðri.
8 KYNNINGARBLAÐ 1 2 . A P R Í L 2 0 1 7 M I ÐV I KU DAG U R