Fréttablaðið - 16.05.2015, Blaðsíða 12

16. maí 2015 LAUGARDAGUR| FRÉTTIR | 12
Gleraugnaverslunin þín
MJÓDDIN
Sími 587 2123
FJÖRÐUR
Sími 555 4789
SELFOSS
Sími 482 3949
Sólgler með
styrkleika
fylgja kaupum
á gleraugum
í Augastað
PI
PA
R\
TB
W
A
•
S
ÍA
INDÓNESÍA Hundruðum manna
hefur verið bjargað á land á
Indónesíu undanfarna daga, þótt
stjórnvöld þar vilji ekki sjá flótta-
fólk frá Búrma og hóti að senda
alla aftur á haf út. Hundruð
manna hafa einnig komist á land
í Malasíu og rúmlega hundrað
manns hafa komist til Taílands.
Indónesískir sjómenn hafa
bjargað fólkinu, en þúsundir
manna eru enn í hrakningum á
hafi úti og óvíst um örlög þeirra.
Indónesíustjórn segir að öllum
bátum og skipum flóttafólks
verði vísað jafnharðan burt frá
landinu.
Flóttafólkið kemur flest frá
Búrma eða Bangladess. Flestir
eru af Rohingya-þjóðinni, sem
býr í Rakhine-héraði á vestur-
strönd Búrma við Bengalhaf.
Sumir eru einnig að flýja fátækt
í Bangladess.
Rohingya-menn eru múslima-
trúar og hafa árum saman sætt
hörðum ofsóknum af hálfu búdd-
ista, sem eru í meirihluta íbúa í
Búrma. Fólkið siglir um hafið á
yfirfullum og misstórum bátum,
og hafa skipstjórar og smyglarar
yfirgefið suma bátana.
Alls hafa um tvö þúsund manns
komist á land í Indónesíu og Mal-
asíu, en stjórnvöld í báðum þess-
um löndum segja nú nóg komið.
„Við hverju er eiginlega búist af
okkur?“ sagði Wan Junaidi Jaaf-
ar, aðstoðarinnanríkisráðherra í
Malasíu, við fjölmiðla í gær. „Við
verðum að senda rétt skilaboð um
að fólkið er ekki velkomið hér.“
Hann segir vel hafa verið tekið
á móti þeim sem komnir eru til
landsins, en ekki sé hægt lengur
að taka á móti slíkum straumi
flóttafólks.
Sameinuðu þjóðirnar segja
neyðarástand ríkja og Mannrétt-
indavaktin, alþjóðleg samtök með
aðsetur í New York, hafa fordæmt
stjórnvöld í Indónesíu, Malasíu og
Taílandi fyrir að neita að taka við
fólkinu.
Stjórnvöld landanna þriggja
fara þar að dæmi Ástralíu, sem
fyrir nokkrum misserum tók
upp á því að vísa flóttamanna-
skipum jafnharðan til baka. Þeir
sem komust í land í Ástralíu hafa
verið settir í einangrun á eyju og
neitað um alla möguleika á að fá
ríkisborgararétt.
Flóttamannastraumurinn frá
Búrma hefur margfaldast það
sem af er þessu ári. Talið er að
um 25 þúsund manns hafi siglt
þaðan á flóttamannaskipum á
árinu, en það eru nærri helmingi
fleiri en flúðu allt árið í fyrra.
gudsteinn@frettabladid.is
Átta þúsund
á hrakningi
Nærri átta hundruð flóttamönnum var bjargað á land
í Indónesíu í gær. Fólkið er á flótta frá Búrma, flestir
múslimar sem sætt hafa ofsóknum af hálfu búddista.
KOMNIR TIL INDÓNESÍU Flóttamaður frá Búrma lyftir barni sínu í land í Kúala
Langsa í Aceh-héraði í Indónesíu, en þangað komu hundruð flóttamanna í gær.
FRÉTTABLAÐIÐ/EPA
SAMFÉLAGSMÁL Bæjarstjórn
Árborgar vísaði í gær tillögu um
átak í eflingu hinsegin fræðslu í
grunnskólum í samstarfi við Sam-
tökin ´78 til fræðslunefndar og
íþrótta- og menningarnefndar
sveitar félagsins.
Í greinargerð með tillögu fulltrúa
Samfylkingar og Bjartrar framtíð-
ar segir að hinsegin ungmenni upp-
lifi gjarnan mikinn skort á upplýs-
ingum, umræðu og fyrirmyndum
og eigi í erfiðleikum með að þróa
jákvæða sjálfsmynd.
„Efling hinsegin fræðslu getur
gert þeim auðveldara að takast á
við þær tilfinningar sem tengjast
kynhneigð og kynvitund. Auk þess
getur hinsegin fræðsla verið mikil-
vægur liður í að útrýma fordómum
og uppræta hatursfulla orðræðu
gegn hinsegin einstaklingum,“
segir í greinargerðinni.
Ásta Stefánsdóttir úr Sjálfstæðis-
flokki bókaði að forvarnahóp-
ur Árborgar hefði lagt áherslu á
hinsegin fræðslu. Fyrir liggi drög
að samningi við Samtökin ´78. - gar
Drög að samningi við Samtökin ´78 í Árborg og tillaga um frekara samstarf:
Hinsegin fræðsla í tíunda bekk
SELFOSS Fulltrúar minnihlutans í
bæjarstjórn vilja uppræta hatursfulla
orðræðu gegn samkynhneigðum.
FRÉTTABLAÐIÐ/PJETUR
BRETLAND Í fjarlægri vetrarbraut, nánar tiltekið London, leggja
starfsmenn Madame Tussauds vaxmyndasafnsins lokahönd á vax-
myndasýningu tileinkaða Stjörnustríðsmyndunum. Hér eru starfs-
mennirnir að kemba vákinum Chewbacca fyrir opnun sýningarinnar
nú í maí.
Aðdáendur Stjörnustríðsmyndanna bíða spenntir eftir nýju inn-
slagi í myndabálkinn en sjöunda myndin kemur í kvikmyndahús í lok
desember. Kvikmyndirnar gengu í endurnýjun lífdaga þegar Disney
keypti höfundarréttinn af George Lucas, höfundi þeirra. - srs
Madame Tussauds opnar sýningu tileinkaða Stjörnustríði:
Vákurinn snyrtur fyrir sýningu
CHEWBACCA Hjálparhella Han Solo þarf að líta vel út. JUSTIN TALLIS/AFP
HAFRANNSÓKNIR Ástand rækju-
stofnsins við Snæfellsnes er
ágætt, sýnir nýafstaðin árleg
stofnmæling Hafrannsókna-
stofnunar. Stofnvísitalan er yfir
meðal lagi og er stærð rækjunnar
á svæðinu svipuð og í fyrra.
Á grundvelli niðurstaðna legg-
ur Hafrannsóknastofnun til að
leyfðar verði veiðar á 700 tonnum
af rækju á svæðinu við Snæfells-
nes á tímabilinu 1. maí 2015 til
15. mars 2016.
Lítið var af fiski á slóðinni. - shá
Rækjustofn með ágætum:
Mæla með 700
tonna veiði
ISIS Íslamska ríkið náði í gær
borginni Ramadi á sitt vald.
Borgin er höfuðborg fjölmenn-
asta héraðs Íraks, Anbar, og er í
um hundrað kílómetra fjarlægð
frá Bagdad, höfuðborg landsins.
Miklar orrustur hafa geis-
að síðustu mánuði milli íraskra
hermanna og liðsmanna ISIS í
borginni. Hernám borgarinnar
er mikill sigur fyrir ISIS-liða
sem hafa tapað stórum svæðum í
hendur Íraka undanfarið, meðal
annars borginni Tikrit. - þea
ISIS ræðst á íraska borg:
Íslamska ríkið
nær Ramadi
Við verðum að senda
rétt skilaboð um að fólkið
sé ekki velkomið hér.
Wan Junaidi Jaafar,
aðstoðarinnanríkisráðherra í Malasíu.
HEILBRIGÐISMÁL Landlæknis-
embættið hefur tilkynnt að frá
hausti 2015 verður gerð breyting
á bólusetningu
gegn HPV-
veirusýkingu.
Talið er að
bólusetning
gegn HPV
muni fækka
leghálskrabba-
meinum um að
minnsta kosti 70% hér á landi.
Til þessa hefur verið talið að
þrjár sprautur þurfi til að ná fullri
vernd en nú hefur komið í ljós að
tvær sprautur með minnst sex
mánaða millibili nægja.
Þátttaka 12 ára stúlkna hér á
landi í bólusetningu gegn HPV
hefur verið með því mesta sem
þekkist eða um 90%. Með því að
fækka sprautum í tvær er vonast
til að þátttakan aukist enn. - shá
Vörn gegn leghálskrabba:
Tvær sprautur
í stað þriggja