Fréttablaðið - 16.06.2017, Síða 8

UMHVERFISMÁL „Við erum á milli
steins og sleggju því það er gerð
krafa til okkar, sveitarfélagsins, um
að ráðast í framkvæmdir sem kosta
um það bil tvær milljónir króna
á hvern íbúa á sama tíma og við
höfum ekkert fjárhagslegt bolmagn
til þess,“ segir Þorsteinn Gunnars-
son, sveitarstjóri Skútustaðahrepps,
spurður um stöðu fráveitumála í
sveitarfélaginu.
Mývetningar hafa farið þess á
leit við stjórnvöld að sveitarfélagið
verði styrkt til þess að gera úrbætur
í fráveitumálum. Tilefnið er bæði
reglur um hreinsun frárennslis frá
árinu 2012, en þær gera kröfu um
nýtt fráveitukerfi í sveitarfélaginu,
og ekki síður áhyggjur manna af líf-
ríki Mývatns.
Sveitarfélagið og fimmtán rekstr-
araðilar afhentu í gær heilbrigðis-
nefnd Norðurlands eystra sameigin-
lega umbótaáætlun um fráveitumál
í sveitarfélaginu til fimm ára. Í áætl-
uninni er meðal annars lögð áhersla
á að kanna nánar þann möguleika
að losa fráveituvatn í borholur.
Verður gerð tilraun með slíka niður-
dælingu næsta sumar, fáist til þess
fjármagn frá ríkinu.
Heildarkostnaður fyrirhugaðra
framkvæmda er áætlaður um 500
til 700 milljónir króna, en ætla má
að kostnaður rekstraraðila muni
hlaupa á hundruðum milljóna
króna. Þorsteinn ítrekar í samtali
við blaðið að fjárhagsleg aðkoma
ríkisins að lausn vandans sé grund-
vallarforsenda. Sveitarfélagið
fundaði með fjármálaráðherra og
umhverfisráðherra í lok síðasta
mánaðar. „Það var bara gott sam-
tal sem við áttum. En þetta kemur
í ljós í haust þegar fjárlagavinnan
fer af stað. Við höfum ekki fengið
neitt loforð frá ríkinu um aðkomu
þess, þannig að þetta er enn á byrj-
unarstigi. En það er allavega búið að
funda einu sinni og sá fundur lofar
góðu um framhaldið,“ segir hann.
Gert er ráð fyrir að viðræður við
stjórnvöld standi til áramóta.
„Skútustaðahreppur er lítið
sveitarfélag. Veltan á síðasta ári var
um 460 milljónir króna og rekstur-
inn hefur verið þungur undanfarin
ár. Það birti þó aðeins til á síðasta
ári sem gefur okkur tækifæri til
þess að fara að undirbúa verkið.“
Kostnaðurinn við fyrirhugaðar
framkvæmdir sé gríðarlegur fyrir
svona lítið sveitarfélag. „Það sjá
allir að þetta er eitthvað sem geng-
ur ekki upp. Þess vegna lít ég á það
sem samfélagslegt verkefni, hvað
varðar náttúruperluna Mývatn, að
Íslendingar standi saman, komi að
borðinu með okkur og fjármagni
þessar fráveituframkvæmdir með
okkur, eins og ríkinu ber samkvæmt
lögum um vernd Mývatns og Laxár
frá árinu 2004. Þar kemur skýrt fram
að kostnaður sem hlýst af þessum
lögum, sem eru klárlega íþyngjandi
gagnvart okkur í fráveitumálum, á
að greiðast úr ríkissjóði.“
Hann segir sveitarfélagið hafa
þegar hafið undirbúning að fram-
kvæmdum, til dæmis með breyt-
ingum á deiliskipulagi vegna
hreinsistöðva í Reykjahlíð og á
Skútustöðum. Einnig sé verið að
undirbúa útboð á hönnun fráveitu-
kerfisins, svo eitthvað sé nefnt. „Við
erum að vinna okkar heimavinnu
samkvæmt umbótaáætluninni.“
Enn er hins vegar beðið svara frá rík-
isvaldinu. kristinningi@frettabladid.is
Mývetningar á milli steins og sleggju
Skútustaðahreppur og fimmtán rekstraraðilar afhentu í gær heilbrigðisnefnd Norðurlands eystra umbótaáætlun í fráveitumálum
til næstu fimm ára. Sveitarstjórinn segir að fjárhagsleg aðkoma ríkisvaldsins að lausn vandans sé grundvallarforsenda.
Magn blábaktería í Mývatni árin 2014 og 2015 er talið merki ofauðgunar í vatninu. FRÉTTABLAÐIÐ/VILHELM
Segir umræðuna oft á tíðum sorglega
Þorsteinn Gunnarsson sveitarstjóri segir að umræðan um fráveitumál í
Mývatnssveit sé oft á tíðum sorgleg. Stundum mætti skynja af henni að
málin væru þar í miklum ólestri. Því hafi til dæmis verið haldið fram að
skólpi sé dælt beint út í Mývatn. Það sé mikill misskilningur.
„Í gegnum tíðina hafa Mývetningar verið til fyrirmyndar þegar kemur
að fráveitumálum með sínar rotþrær og annað. Þetta var bara í nokkuð
góðu ásigkomulagi þar til reglugerðinni var breytt með einu pennastriki
árið 2012,“ segir Þorsteinn. „Við vorum að skila sameiginlegri umbóta-
áætlun og ætlum að vera til fyrirmyndar í fráveitumálum.
sólgleraugum
Úrval af
Gleraugnaverslunin þín
MJÓDDIN
S:587 2123
FJÖRÐUR
S: 555 4789
SJÁVARÚTVEGUR Héraðsdómur Suð-
urlands hefur vísað frá máli sem Brim
höfðaði á hendur Vinnslustöðinni til
ómerkingar á stjórnarkjöri sem fram
fór á aðalfundi og hluthafafundi
Vinnslustöðvarinnar síðasta sumar.
Var það niðurstaða dómsins að
Brim, sem er næststærsti hluthafi
Vinnslustöðvarinnar með tæplega 33
prósenta hlut, hefði ekki sýnt fram á
að félagið hefði lögvarða hagsmuni
af því að fá úrlausn um kröfur sínar.
Brim kvaðst hafa lögmæta hags-
muni af því að krefjast þess
að fyrra stjórnarkjörið á
aðalfundinum, sem fram
fór 6. júlí, gilti, enda væri
ljóst að úrslit síðari kosn-
inganna hefðu ekki verið
félaginu eins hagstæð og
úrslit fyrri kosninganna.
Eins og kunnugt er
skilaði atkvæða-
seðill eins hlut-
hafa sér ekki í
kjörkassa en
það atkvæði
hefði ráðið
úrslitum um
stjórnarkjörið. Ákvað fundarstjóri
því að endurtaka stjórnarkjörið en
þá náðu fulltrúar Brims, bræðurnir
Guðmundur og Hjálmar Kristjáns-
synir, ekki kjöri í stjórn og varastjórn.
Stjórn Vinnslustöðvarinnar boðaði
í kjölfarið til hluthafafundar, sem fór
fram þann 31. ágúst, þar sem kosið
var til stjórnar á ný. Brim mótmælti
því harðlega og vísaði til þess að fyrir-
tækjaskrá ríkisskattstjóra hefði málið
til skoðunar. Á hluthafafundinum var
stjórn félagsins sjálfkjörin, en full-
trúar Brims drógu framboð sitt til
baka rétt fyrir fundinn.
Var það niðurstaða dómsins,
eins og áður segir, að Brim hefði
ekki sýnt fram á að félagið hefði
lögvarða hagsmuni af því að fá
úrlausn um kröfur sínar í skiln-
ingi 1. mgr. 25. gr. laga
um meðferð einka-
mála. -kij
Máli gegn VSV vísað frá
Guðmundur Krist-
jánsson útgerðar-
maður, kenndur
við Brim.
DÓMSMÁL Hæstiréttur hefur snúið
dómi Héraðsdóms í máli manns sem
var dæmdur fyrir kynferðisbrot gegn
konu sem hann ók fyrir Ferðaþjón-
ustu fatlaðra.
Var honum gefið að sök að að hafa
í byrjun árs 2013 í fjögur skipti haft
samræði og önnur kynferðismök
við konuna í bifreið á vegum ferða-
þjónustunnar. Þannig hafi hann
notfært sér að hún gat ekki spornað
við verknaðinum sökum andlegrar
fötlunar.
Í héraðsdómi var maðurinn sýkn-
aður af þeim hluta ákærunnar sem
laut að sakargiftum um samræði og
önnur kynferðismök, en sakfelldur
fyrir kynferðislega áreitni í eitt skipti
þann 14. mars 2013.
Fyrir Hæstarétti undi konan hér-
aðsdómi að því leyti sem sýknað var
en krafðist þess að refsing karlsins
yrði að öðru leyti þyngd.
Hæstiréttur komst að þeirri niður-
stöðu að sá akstur sem maðurinn
átti að sinna sem síðasta verkefni
umrædds dags renndi engum stoð-
um undir það að hann hefði skilað
konunni seinna á áfangastað en eðli-
legt mætti telja miðað við þá umferð
sem gera mætti ráð fyrir á umrædd-
um tíma dags. Þá hefði akstursleið
mannsins verið eðlileg með hliðsjón
af fyrirliggjandi verkefnum.
Loks var vísað til þess að við flutn-
ing málsins í Hæstarétti hefði konan
lýst því yfir að ekki væri víst að mað-
urinn hefði ekið henni 14. mars en
atvik hefðu allt að einu getað gerst á
öðrum degi. – sój
Sýknaður í Hæstarétti
1 6 . J Ú N Í 2 0 1 7 F Ö S T U D A G U R8 F R É T T I R ∙ F R É T T A B L A Ð I Ð