Fréttablaðið - 16.06.2017, Blaðsíða 20

MMA Conor McGregor er í 24.
sæti yfir launahæstu íþróttamenn
heims á síðasta ári og hann mun
rjúka upp þann lista á næsta ári.
Hann mun nefnilega fá á milli sjö
til tíu milljarða króna fyrir bardaga
sinn við Floyd Mayweather. Meira
en hann mun fá fyrir feril sinn hjá
UFC.
Það er óhætt að segja að hann
hafi hækkað mikið í launum síðan
Haraldur Dean Nelson gerði fyrsta
samning hans við UFC.
„Ég held ég fari rétt með að ég
hafi samið um að hann fengi 10
þúsund dollara fyrir bardagann.
Það var góður samningur því
UFC vildi aðeins borga sex til átta
þúsund dollara,“ segir Haraldur
en það gerir rúma milljón á gengi
dagsins. Conor átti svo að fá 10
þúsund í viðbót ef hann ynni bar-
daga.
„Fyrsti samningurinn var upp á
fimm bardaga. Við höfðum ekki
áhyggjur af því þar sem við vissum
að UFC myndi vilja gera nýjan
samning er Conor væri búinn að
sanna sig þar. Það gekk eftir.“
Haraldur segist ekki hafa séð
fyrir á þessum tímapunkti að
Conor myndi nokkrum árum síðar
fá milljarða fyrir að berjast.
„Auðvitað ekki. Ég var bara að
hjálpa honum og fleiri strákum því
ég var vinur þeirra. Ég vissi samt
alltaf að Conor myndi slá í gegn hjá
UFC. Af því hann er eins og hann
er og af því hann er svo góður bar-
dagamaður. Maður veit samt aldrei
en ég hafði trú á því að hann myndi
slá í gegn. Ég sá samt ekki fyrir að
á tveim til þrem árum yrði hann
stærsta stjarnan í sögu UFC og tæki
yfir þessa sýningu.“
Fékk milljón fyrir fyrsta bardagann
Haraldur ásamt Conor og Peter Queally.
MMA „Conor kom fyrst til Íslands
árið 2012 og ég þurfti að skrifa bréf
fyrir hann til írskra yfirvalda svo
hann myndi ekki missa bótarétt-
inn í heimalandinu á meðan hann
æfði á Íslandi,“ segir Haraldur Dean
Nelson, faðir Gunnars Nelson og
framkvæmdastjóri Mjölnis, er hann
rifjar upp fyrstu Íslandsferð Conors
McGregor. Írans sem hefur lagt
UFC-heiminn að fótum sér á met-
tíma og mun í lok ágúst verða millj-
arðamæringur er hann mætir Floyd
Mayweather í hnefaleikabardaga.
Af bótum í milljarða tekjur á
fimm árum
Sá bardagi verður einn verðmætasti
bardagi sögunnar. Conor, sem var
atvinnulaus á bótum fyrir fimm
árum síðan, mun þá fá á milli sjö
til tíu milljarða króna í sinn hlut.
Stjarnfræðileg upphæð og óhætt að
segja að líf hans hafi breyst mikið á
örhraða því hann hefur í millitíð-
inni einnig náð að vinna tvo heims-
meistaratitla hjá UFC-bardagasam-
bandinu. Fyrstur allra hjá UFC til að
gera það.
„Ég hafði kynnst Conor áður úti
á Írlandi er Gunni var að æfa og
keppa úti. Hann gisti fyrst í kjallar-
anum hjá mér og svo flutti hann í
íbúð á Bárugötunni þar sem Gunni
og Jón Viðar [formaður Mjölnis]
bjuggu,“ segir Haraldur en það
þurfti stundum að kaupa samlokur
og annað fyrir Conor og aðra stráka
sem komu frá Írlandi og höfðu
lítið á milli handanna. Hvernig
leist honum samt á Conor er hann
kynntist honum fyrst?
Hafði alltaf mikla trú á sér
„Hann var, og er, ör týpa. Hafði
ofboðslega trú á sjálfum sér. Mér
leist ofboðslega vel á hann. John
Kavanagh [þjálfari Conors og Gunn-
ars] hafði mikið talað um hann við
mig. Ég vissi að hann væri að standa
sig vel og lofaði góðu,“ segir Har-
aldur og hlær við. Á þeim tíma var
Conor að pakka mönnum saman
í Cage Warriors bardagaröðinni.
Haraldur byrjaði þá að skrifa bréf
til UFC og benda þeim á þennan
efnilega Íra. Haraldur var þá í sam-
bandi við Joe Silva og Sean Shelby
sem sáu um að raða upp bardögum
fyrir UFC.
„Ég sendi UFC myndband af því er
Conor rotar Ivan Buchinger í Cage
Warriors og var þar með kominn
með tvö belti hjá þeim. Þetta er í
byrjun árs 2013 og það leið nokkur
tími án þess að við heyrðum frá
UFC. Við John erum svo staddir á
Vegamótum er Shelby hringir í mig
til að segja mér að þeir vilji að Conor
keppi við Marus Brimage í Stokk-
hólmi. John stekkur út til þess að
hringja í Conor því hann var leiður
yfir því að hafa ekki fengið nein við-
Írinn kjaftfori sem sigraði heiminn
Írinn Conor McGregor verður orðinn milljarðamæringur í lok sumars. Fyrir rúmum fjórum árum var hann á atvinnuleysisbótum.
Haraldur Dean Nelson var fyrsti umboðsmaður Conors og hjálpaði honum mikið. Írinn fékk að búa í kjallaranum hjá Haraldi.
Ofurstjarna. Á ótrúlegum skömmum tíma hefur Conor McGregor orðið stórstjarna og einn ríkasti íþróttamaður heims. Hann er ekki bara einn ríkasti íþrótta-
maður heims í dag heldur er hann líka einn sá vinsælasti. Conor elskar Ísland og mun örugglega halda áfram að koma hingað NORDICPHOTOS/GETTY
Conor varð strax
mjög hrifinn af
Íslandi. Hérna troðum við
alltaf hákarli og sviðumí
útlendinga en Conor elskar
svið.
Haraldur Dean Nelson
Henry Birgir
Gunnarsson
henry@frettabladid.is
brögð frá UFC. Conor hoppaði auð-
vitað hæð sína af gleði er hann fékk
tíðindin,“ sagði Haraldur sem gerði
síðan fyrsta samning Conors við
UFC um nóttina. Hann segist ekki
geta gleymt gleðinni hjá Íranum er
hann var með hann í símanum að
keyra Miklubrautina á leið heim.
Einstakur ruslakjaftur
Írski vélbyssukjafturinn hefur
mikið æft á Íslandi í gegnum tíðina
og meðal annars fengið belti í jiu
jitsu hjá Mjölni. Hann elskar að æfa
á Íslandi og var einmitt á Íslandi
fyrir rúmu ári er hann sagðist mjög
óvænt vera hættur hjá UFC. Þá fór
allt á hvolf en sem betur fer snerist
Conor hugur.
„Conor varð strax mjög hrifinn
af Íslandi. Hérna troðum við alltaf
hákarli og sviðum í útlendingana
en Conor elskar svið. Borðaði þau
með bestu lyst. Hann elskar flest við
landið.“
Það er ekki bara hversu frábær
bardagamaður Conor er sem gerir
hann að einni stærstu íþróttastjörnu
heims. Hann hefur einstakan per-
sónuleika sem fólk annaðhvort
elskar eða hatar. Hann rífur mikið
kjaft en stendur nær alltaf við stóru
orðin. Hann er besti ruslkjafturinn í
íþróttum síðan Muhammad Ali var
upp á sitt besta en á móti kemur að
hann virðist eyða peningum með
sama stæl og Mike Tyson. Fólkið í
heimalandi hans elskar Conor sem
er öllum innblástur þar.
„Það er gaman þegar hann stelur
línunum hans Alis og býr til sínar
eigin sem eru góðar. Það er ógleym-
anlegt er hann náði ekki að standa
við stóru orðin gegn Dennis Siver og
rota hann í fyrstu lotu. Hann klapp-
aði fyrir Siver eftir lotuna og rotaði
hann bara í næstu,“ segir Haraldur
og hlær.
Conor mun rota Floyd
Heimurinn mun fylgjast með er
Conor reynir hið ómögulega þann
26. ágúst. Að rota einn besta hnefa-
leikamann allra tíma í sínum fyrsta
boxbardaga. Mayweather hefur
unnið alla 49 bardaga sína en hætti
fyrir tveimur árum og er orðinn fer-
tugur. Þrátt fyrir það segja margir
sérfræðingar að Conor eigi ekki
möguleika en Haraldur hefur trú á
sínum manni.
„Það væri furðulegt að spá May-
weather ósigri miðað við flestar
forsendur en hann er ekkert að
fara að mæta hverjum sem er. Ég
segi að Conor vinni þennan bar-
daga. Ég geri það ekki út í bláinn. Ég
held að Conor henti Mayweather
illa. Er stærri og örvhentur sem
May weather á í vandræðum með.
Conor er líka með furðulegan stíl. Ég
er ekki viss um að Floyd hafi verið
sleginn af svona þungri vinstri hendi
áður. Ég held að Conor muni koma á
óvart og rota hann,“ segir Haraldur
ákveðinn.
1 6 . J Ú N Í 2 0 1 7 F Ö S T U D A G U R20 S P O R T ∙ F R É T T A B L A Ð I Ð