Fréttablaðið - 19.09.2015, Side 6

„Hvað er að frétta af heilanum?“
Árlega er alþjóðlega Alzheimersdagsins
hinn 21. september minnst um heim allan.
FAAS mun í tilefni dagsins standa fyrir málstofu á Grand Hóteli mánudaginn
21. september 2015 kl. 17:00 -19:00 þar sem skyggnst verður inn í heilann og
leitað frétta af því sem er að gerast þar.
Dagskrá:
Ragnhildur Þóra Káradóttir,
doktor í taugalífeðlisfræði er einn virtasti vísindamaður landsins
á sviði rannsókna á taugasjúkdómum. Hún rekur rannsóknarstofu
í Cambridge og er í teymishópi fremstu vísindamanna af yngri
kynslóðinni í Evrópu.
Kári Stefánsson,
vísindamaður og forstjóri Íslenskrar erfðagreiningar.
Steinunn Þórðardóttir,
öldrunarlæknir fjallar um snemmgreiningu Alzheimerssjúkdómsins
Ari Eldjárn, uppistandari
Umræður og fyrirlesarar munu svara fyrirspurnum.
Málstofustjóri verður Guðlaugur Þór Þórðarson
Allir eru velkomnir, ókeypis aðgangur
✿ Ríkin sem Ísland beitir þvingunaraðgerðum
1 Afganistan
2 Norður-Kórea
3 Nagorno Karabakh
4 Hvíta-Rússland
5 Bosnía og
Hersegóvína
6 Mjanmar
7 Fílabeinsströndin
8 Kongó, lýðstjórnar-
lýðveldið
9 Egyptaland
10 Erítrea
11 Gínea
12 Gínea-Bissá
13 Íran
14 Írak
15 Jemen
16 Úkraína
17 Líbanon
18 Líbería
19 Líbía
20 Mið-Afríkulýðveldið
21 Moldóva
22 Rússland
23 Simbabve
24 Sómalía
25 Suður-Súdan
26 Súdan
27 Sýrland
28 Túnis
1
6
12
18
8
919
23
25
27
28
24
1317
10
3
21
22
2
UtanRÍkismál Ísland er með virkar
þvingunaraðgerðir við 29 þjóðir
í dag. Þar af eru sex þeirra meðal
tuttugu fátækustu ríkja heims sam­
kvæmt gögnum Alþjóðabankans.
Nýverið hefur hávær umræða
í þjóðfélaginu verið uppi um
þvingunar aðgerðir gegn Rússum.
Einnig um samþykkt borgarstjórnar
Reykjavíkur að sniðganga vörur
Ísraela.
Kjartan Magnússon, borgarfulltrúi
Sjálfstæðisflokksins, segist almennt
vera á móti þvingunaraðgerðum og
ef eigi að setja á slíkar aðgerðir sé
Alþingi réttur vettvangur. „Ég óttast
að þessi ákvörðun borgarstjórnar
muni hafa slæmar afleiðingar í för
með sér. Erlendar fréttasíður hafa
verið að taka upp þessa frétt og tals­
maður utanríkisráðuneytis Ísra­
ela hefur tjáð sig um málið,“ segir
Kjartan.  „Erlendir aðilar gera ekki
greinarmun á Reykjavík annars vegar
og íslensku þjóðinni allri hins vegar.“
Um er að ræða tvenns konar
aðgerðir sem íslensk stjórnvöld
fylgja. Annars vegar aðgerðir sem
stafa frá öryggisráði Sameinuðu
þjóðanna, en þær er skylt að inn­
leiða vegna aðildar að SÞ. Hins vegar
er um að ræða ráðstafanir sem taldar
eru nauðsynlegar til að framfylgja
ályktunum alþjóðastofnana, sam­
starfsríkja eða ríkjahópa um þving­
unaraðgerðir sem eru samþykktar
til að viðhalda friði, öryggi, virðingu
fyrir mannréttindum og mannfrelsi.
Þvingunaraðgerðir ESB eru í
síðarnefnda flokknum. Ásmundur
Friðriksson, þingmaður Sjálfstæðis­
flokks, hefur gagnrýnt þær opinber­
lega. Hann segir mikilvægt að Ísland
gæti hlutleysis sem lítið efnahags­
kerfi sem byggi á fáum stoðum. „Við
eigum ekki frekar en aðrar þjóðir að
skaða þessar útflutningsgreinar,“
segir Ásmundur. „Ég held almennt að
þessar viðskiptaþvinganir hafi ekki
haft neina þýðingu heldur herðir
það bara þessa bófa sem þær bein­
ast gegn. Ég sé ekki að slíkar refsi­
aðgerðir hafi borið nokkurs staðar
árangur.“
Ásmundur telur nokkurn tvískinnung
felast í þvingunaraðgerðum íslenskra
stjórnvalda. „Mér finnst það svolítið
skrítið að við setjum þvinganir á Rússa en
á sama tíma erum við í fullum viðskipt­
um við ríki þar sem troðið er á mannrétt­
indum, í því er fólginn tvískinnungur og
ég held að við sjáum það að slíkar þving­
anir eru ekki til þess fallnar að laga rétt­
indi þeirra hópa sem þarf að laga,“ segir
Ásmundur.  sveinn@frettabladid.is
Íslensk stjórnvöld með
þvinganir við 29 ríki
Íslensk stjórnvöld eru með virkar þvingunaraðgerðir vegna aðildar að SÞ og til
að framfylgja ályktunum alþjóðastofnana og ríkjahópa. Þingmaður og borgar-
fulltrúi Sjálfstæðisflokks segja þessar aðgerðir bera lítinn sem engan árangur.
stjóRnmál Baldur Þórhallsson, pró­
fessor við stjórnmálafræðideild
Háskóla Íslands, segir sérstakt að
borgarstjórn hafi ekki haft sam­
ráð  við  íslensk stjórnvöld áður
en tillaga Bjarkar Vilhelmsdóttur
um sniðgöngu á ísraelskum vörum
var samþykkt.
„Þessi tillaga mun
litlu skila ef borg­
in fylgir þessu
ekki eftir með
því að tala t.d.
við höfuðborgir
annarra Norður­
landa, vinaborgir
sínar eða íslensk
stjórnvöld fylgi for­
dæminu,“ segir Baldur.
En fylgi aðrar borgir eða ríki for­
dæmi Reykjavíkurborgar geti tillagan
haft mikil áhrif. Ísraelar óttist mjög
að vera beittir viðskiptabanni og því
hafi Reykjavíkurborg verið svarað af
mikilli hörku. Þá séu borgir sífellt að
eiga í auknu alþjóðlegu samstarfi og
því ekki endilega einkennilegt að þau
hafi skoðanir á alþjóðamálum.
Dagur B. Eggertsson telur sjálfur
að  undirbúa hefði mátt tillöguna
betur og ekki sé stefnt að því að snið­
gangan nái til allra ísraelskra vara.
Dagur segir ekki ljóst hvenær nánari
tillögur liggi fyrir, nú sé mikilvægt að
vanda sig.
Utanríkisráðuneytið áréttar í
fréttatilkynningu að ákvörðun
borgarstjórnar sé ekki í samræmi við
utanríkisstefnu Íslands og sé heldur
ekki til marks um tengsl Íslands og
Ísraels. – ih
Samráðs-
leysi við
stjórnvöld 
Baldur
Þórhallsson
Blómahaf Hér sást indverskar konur og stúlkur á blómamarkaði að undirbúa hátíðina Ganesh Chaturthi, í Bangalore á Indlandi. Hátíðin er til heiðurs
guðinum Ganesha sem hefur fílshöfuð og hófst hátíðin á fimmtudag. Fréttablaðið/EPa
Afmæli guðsins með fílshöfuðið
Erlendir aðilar gera
ekki greinarmun á
Reykjavík annars vegar og
íslensku þjóð-
inni allri hins
vegar.
Kjartan
Magnússon
borgarfulltrúi Sjálf-
stæðisflokksins
1 9 . s E P t E m b E R 2 0 1 5 l a U G a R D a G U R6 F R é t t i R ∙ F R é t t a b l a ð i ð