Fréttablaðið - 21.03.2016, Qupperneq 8

SKÁLDSAGA UM
KRISTMANN GUÐMUNDSSON
„Um ýmsa þætti í ævi Krist manns
fjallar Sigurjón á afar skemmti legan
og næman hátt í sögu sinni.“
Illugi Jökulsson
Einstæð skáldsaga um líf
Kristmanns í Hveragerði og
réttarhöldin gegn
Thor Vilhjálmssyni.
Bregðumst
við NÚNA!
Vegna þurrka í Eþíópíu eru 10 milljónir manns á barmi hungursneyðar:
Valgreiðsla í heimabanka
Söfnunarsími 907 2003 (2500 krónur)
Söfnunarreikningur 0334-26-886
kt. 450670-0499
Landbúnaður Mikil óánægja er
með nýjan sauðfjársamning meðal
sauðfjárbænda á Vestfjörðum. Telja
sauðfjárbændur að með nýjum
samningum sé verið að færa fé frá
afskekktustu byggðum landsins nær
suðvesturhorninu. „Hvet bændur til
að fella þessa helvítis vitleysu,“ segir
Jóhann Pétur Ágústsson, formaður
Félags sauðfjárbænda á Vestfjörðum.
Í nýjum sauðfjársamningum er
beingreiðslum til bænda hætt en
þess í stað greitt á hverja vetrar-
fóðraða rollu, svokallaðar gripa-
greiðslur. Um nokkurt skeið hafa
sauðfjárbændur sem eiga greiðslu-
mark aðeins þurft að hafa 70 pró-
sent af því sauðfé á vetrarfóðrum
sem þeir fá fullar greiðslur fyrir.
Bóndi með 100 ærgilda greiðslu-
mark þurfti því aðeins að hafa 70
kindur á vetrarfóðrum til að fá full-
ar greiðslur frá hinu opinbera. Nú
á að afleggja þá reglu. Við það eru
bændur á Vestfjörðum afar ósáttir.
„Við létum Rannsóknarmiðstöð
landbúnaðarins skoða hvaða áhrif
nýir sauðfjársamningar munu
hafa á okkar starfsvæði hér á Vest-
fjörðum. Samkvæmt þeirri úttekt
þá munu þessar breytingar hafa
alvarlegar afleiðingar í för með
sér. Ég hvet alla sauðfjárbændur
til að fella þessa helvítis vitleysu,“
segir Jóhann Pétur. „Ég hef engan
sauðfjárbónda hitt á mínu svæði
sem ætlar að samþykkja nýgerða
samninga.“
Þórarinn Ingi Pétursson, for-
maður Landssambands sauðfjár-
bænda, telur hins vegar nýja sauð-
fjársamninga vera til hagsbóta fyrir
sauðfjárbændur og að byggðafesta
skipti miklu máli.
„Beingreiðslur hverfa á níu árum
en í staðinn koma býlisstuðningur,
gripagreiðslur og aukin áhersla á
gæðastýringu. Mikil áhersla er í
samningnum á nýliðun, byggða-
festu, sjálfbærni og græn verkefni,“
segir Þórarinn Ingi.
Jóhann Pétur segir bændur á
afskekktum svæðum ekki geta
leitað í önnur störf eins og hægt er
nálægt stærri byggðakjörnum.
sveinn@frettabladid.is
Vill að bændur felli nýgerðan samning
Jóhann Pétur Ágústsson, formaður Félags sauðfjárbænda á Vestfjörðum, segir bændur á sínu svæði koma mjög illa út úr nýjum sauðfjár-
samningum. Hann hvetur alla til að fella nýgerðan samning. Segir verið að færa fé frá afskekktum byggðum nær höfuðborgarsvæðinu.
skipuLagsmáL Alþingi samþykkti í
liðinni viku þingsályktun Sigrúnar
Magnúsdóttur umhverfisráðherra
um landsskipulagsstefnu 2015-
2026. Samþykkt hennar markar
tímamót í skipulagsmálum hér á
landi þar sem í fyrsta sinn er sett
fram heildstæð stefna ríkisins á
landsvísu um skipulagsmál.
Landsskipulagsstefna samþættir
áætlanir á vegum stjórnvalda um
samgöngur, byggðamál, náttúru-
vernd, orkunýtingu og aðra land-
nýtingu, en með stefnunni hafa
sveitarfélög aðgang að stefnu ríkis-
valdsins um skipulagsgerð á einum
stað.
Landsskipulagsstefnan setur fram
stefnu um fjögur viðfangsefni, þ.e.
skipulag á miðhálendi Íslands,
skipulag í dreifbýli, búsetumynstur
og dreifingu byggðar og skipulag á
haf- og strandsvæðum – eins og
segir í tilkynningu.
Í landsskipulagsstefnu er lagt til
grundvallar að skipulag byggðar og
landnotkunar stuðli að sjálfbærri
þróun, skipulagið sé sveigjanlegt
og stuðli að seiglu gagnvart samfé-
lags- og umhverfisbreytingum, það
stuðli að lífsgæðum fólks og styðji
samkeppnishæfni landsins alls og
einstakra landshluta.
Í landsskipulagsstefnu eru sett
fram sjónarmið og áherslur í skipu-
lagsmálum, sem eru til útfærslu í
skipulagsáætlunum sveitarfélaga,
en sveitarfélögum ber að taka mið
af stefnunni við gerð skipulags-
áætlana. Landsskipulagsstefna
getur einnig haft áhrif á áætlanir
stjórnvalda á landsvísu í mála-
flokkum sem varða landnotkun og
byggðaþróun.
Auk þess að vera framfylgt í
gegnum skipulagsáætlanir sveitar-
félaga og áætlanagerð ríkisins,
felur landsskipulagsstefna einnig í
sér tiltekin verkefni, svo sem leið-
beiningar- og þróunarverkefni, til
að hrinda markmiðum stefnunnar
í framkvæmd. – shá
Fyrsta heildstæða stefnan
á landsvísu samþykkt
Sambúð manns og lands er brennipunktur stefnunnar. fréttablaðið/vilhelm
aLþingi Sigríður Ingibjörg Inga-
dóttir, þingmaður Samfylkingar-
innar, hefur lagt fram á Alþingi
þingsályktunartillögu þess efnis að
mennta- og menningarmálaráð-
herra verði falið að sjá til þess að frá
og með skólaárinu 2017-2018 verði
öllum framhaldsskólanemum tryggt
aðgengi að sálfræðiþjónustu innan
veggja skólanna þeim að kostn-
aðarlausu. Vakin er athygli á því
að í Hvítbók ráðherra um úrbætur
í menntun komi fram að aðeins 44
prósent íslenskra framhaldsskóla-
nema ljúka námi á tilsettum tíma.
Ungt fólk hverfur frá námi og það
megi að hluta rekja til slæmrar geð-
heilsu ungmenna hér á landi. – jhh
Vill sálfræðiþjónustu í
alla framhaldsskólana
bændur á vestfjörðum eru æfir vegna afnáms beingreiðslna. fréttablaðið/Pjetur
Einungis 44% íslenskra
framhaldsskólanema ljúka
námi á tilsettum tíma.
Mikil áhersla er í
samningnum á
nýliðun, byggðafestu,
sjálfbærni og græn verkefni.
Þórarinn Ingi Péturs-
son, formaður
Landssambands
sauðfjárbænda
2 1 . m a r s 2 0 1 6 m á n u d a g u r8 f r é t t i r ∙ f r é t t a b L a ð i ð