Fréttablaðið - 21.03.2016, Qupperneq 24

Jóhanna Ella Jónsdóttir, sálfræð­
ingur hjá Hugtaki, mannauðsráð­
gjöf, segist kannast við þessa van­
líðan. „Við höfum komið að ýmsum
erfiðum starfsmannamálum,“ segir
hún. „Það eru eineltismál, áreitni,
ágreiningur á vinnustað, sam­
skiptaörðugleikar, vinnustreita
eða merki um kulnun í starfi,“ út­
skýrir hún. Yfirleitt eru það stjórn­
endur fyrirtækja sem leita til Hug­
taks um aðstoð vegna vandamála á
vinnustað.
Jóhanna Ella hefur verið með
námskeið og fræðslu í fyrirtækjum
víðs vegar um landið. „Við höfum
verið með mjög vinsælt námskeið
sem heitir Jákvæð samskipti á
vinnustað og lausn ágreiningsmála.
Þar tökum við dæmi um ágrein­
ing sem getur komið upp í opnum
rýmum. Þetta námskeið hefur feng­
ið mjög góðar viðtökur. Við höfum
bæði farið í stærri og minni fyrir­
tæki og stofnanir, til dæmis hjá
lögreglunni um allt land. Góð sam­
skipti eru mikilvæg í öllu vinnu­
umhverfi. Það hjálpar mikið þegar
stjórnendur viðurkenna að vandi sé
til staðar hjá fyrirtækinu og leita
sér faglegrar aðstoðar.“
Þegar Jóhanna Ella er spurð
hvort opin vinnurými geti skapað
óþægindi á vinnustað svarar hún
því játandi. „Það þekkist. Vegna
nándarinnar er alltaf möguleiki á
truflun og óþægindum. Opin rými
eru góð að mörgu leyti, þau eru
hagkvæm og auðvelda samráð og
samvinnu. Hins vegar er meira um
hljóð­ og sjónáreiti sem getur haft
truflandi áhrif á athygli, líðan og
skapandi hugsun. Það eru kostir og
gallar.
Fólk er auðvitað mjög mismun­
andi móttækilegt fyrir utanað­
komandi áreiti. Sumir taka ekkert
eftir umhverfishljóðum á meðan
aðrir eru mjög viðkvæmir fyrir
þeim. Sömuleiðis er fólk mismun­
andi félagslynt upp á samvinnu
og samtöl. Básar teljast líka til op­
inna rýma þótt þeir gefi smáveg­
is einangrun. Það fer eftir starf­
semi fyrirtækisins hvað sé heppi­
legra. Stjórnendur fyrirtækja þurfa
þó alltaf að bjóða upp á eitthvert
lokað rými þar sem fólk getur farið
í einrúm. Ákveðin verkefni krefj­
ast stundum mikillar einbeitingar.
Best væri að bjóða upp á sveigjan­
leika, að hægt sé að komast í lokað
athvarf eða vinna heima þegar þörf
er á slíku næði.“
Jóhanna Ella kannast við ónæði
af snjallsímum sem margir kvarta
yfir. „Stundum þarf að setja
ákveðnar vinnureglur um notkun
á snjalltækjum í vinnu. Símar geta
líka truflað fundi. Það yrði til bóta
að fyrirtæki settu reglur varðandi
þessa notkun,“ segir hún.
Ánægja í vinnu skiptir vinnu­
veitendur máli, neikvæð samskipti
geta skapað mikla erfiðleika og
óánægju. Slík staða getur þróast í
alvarleg vandamál á vinnustað. Jó­
hanna segir að fólk hafi látið ýmis­
legt yfir sig ganga eftir hrunið en
það sé að breytast. „Ég held að með
komandi kynslóðum láti fólk meira
í sér heyra. Ungt fólk er opið og
meðvitaðra um vinnuréttindi. Allir
verða þó að hafa í huga að starfs­
menn er líka ábyrgir fyrir því að
skapa góða vinnumenningu og sýna
gott fordæmi.“
Jákvæð samskipti á
vinnustað mikilvæg
Líðan í vinnunni skiptir miklu máli fyrir framleiðni. Samkvæmt sænskri könnun finnur
tæplega helmingur skrifstofufólks fyrir einhvers konar streitu eða vanlíðan í opnum
vinnurýmum. Mikilvægt er að allir séu meðvitaðir um góð samskipti á vinnustað.
Jóhanna Ella Jónsdóttir, sálfræðingur og einn eigenda Hugtaks, mannauðsráðgjafar. Vanlíðan í vinnu geta skapað vandamál á
vinnustað. MYND/STEFÁN
Vefurinn TED (www.ted.com)
hefur notið mikilla vinsælda um
allan heim um margra ára skeið.
Þar má finna fjölda áhugaverðra
og um leið hæfilega stuttra fyrir­
lestra um ýmis ólík viðfangsefni,
þ. á m. mörg sem gagnast fólki í
atvinnulífinu.
Fyrirlestrarnir hafa verið ókeypis
síðan árið 2006 og í dag er hægt
að finna þar um 2.400 fyrir lestra,
m.a. sem tengjast markaðsfræði,
sölu, fjármálum, frumkvöðlafræði
og stjórnun. Nær allir fyrirlestr­
arnir eru undir 20 mínútum að
lengd sem gerir þá enn þægilegri
og formið á þeim er létt, skemmti­
legt og fyrir lesarar upp til hópa af­
slappaðir og áreynslulausir.
Meðal frægra stjórnenda úr at­
vinnulífinu sem hægt er að hlýða
á er Bill Gates stofnandi Micro­
soft, Sheryl Sandberg, einn lykil­
stjórnenda hjá Facebook, Rich­
ard Branson, stofnandi Virgin, og
Indra Nooyi, forstjóri PepsiCo, svo
nokkur nöfn sé nefnd.
Vefurinn er mjög vinsæll og hafa
vinsældirn­
ar aukist
jafnt og
þétt. Sem
dæmi má
nefna að
árið 2011
hafði verið
horft og hlustað
á um 500 milljónir fyrirlestra. Ári
síðar var talan komin í um 1 millj­
arð og hún hefur hækkað jafnt og
þétt síðan þá.
Þrátt fyrir vinsældir þeirra og út­
breiðslu eru þeir ekki allra. Sumum
finnst þeir draga upp full einfalda
mynd af viðskiptalífinu og öðrum
þáttum lífsins. Sívaxandi vinsæld­
ir gefa þó til kynna að sá hluti sé í
miklum minnihluta.TED vefurinn er
starfræktur af Sapling stofnuninni
sem er ekki rekin í gróðaskyni.
GaGnleGur fróðleikur
Markaðsgúrúinn Seth Godin er einn
fjölmargra sérfræðinga á TED.
525 2080 // sala@valitor.is // www.valitor.is
Posar sem henta
þínum rekstri
Söluaðilar geta leigt posabúnað sem uppfyllir
þeirra kröfur. Hægt er að velja um frístandandi
posa, þráðlausa og posa tengda afgreiðslukerfi.
Hvernig posi hentar þínum rekstri?
ÞÚ SÉRÐ UM SÖLUNA – VIÐ SJÁUM UM GREIÐSLUNA
H
V
ÍT
A
H
Ú
S
IÐ
/S
ÍA

1
6
-0
9
2
4
FYrirTækJaþJóNuSTa kynningarblað
21. mars 20164