Fréttablaðið - 21.03.2016, Page 62

SÍMAR AUGLÝSINGADEILDIR – AUGLÝSINGASTJÓRI: Svanur Valgeirsson svanur@365.is ALMENNAR AUGLÝSINGAR: SÍMI 512-5401: Gústaf Bjarnason gustaf@365.is,
Hjördís Zoëga hjordis@365.is, Sigfús Örn Einarsson sigfus@365.is, Svanhildur Ólöf Þórsteinsdóttir svansi@365.is, Örn Geirsson orn.geirsson@365.is FÓLK/SÉRBLÖÐ SÍMI
512-5402: Atli Bergmann atli.bergmann@365.is, Bryndís Hauksdóttir bryndis@365.is, Jóhann Waage johannwaage@365.is, Jón Ívar Vilhelmsson jonivar@365.is, FÓLK OG
SÉRBLÖÐ EFNI: Sólveig Gísladóttir solveig@365.is og Vera Einarsdóttir vera@365.is RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is,
Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Sigrún Helga Guðmundsdóttir sigrunh@365.is
Burt Bacharach er
Búinn að semja öll
uppáhalds lögin þín og þú
hefur ekki
hugmynd um
það,“ páll
Óskar.
Einn stærsti núlifandi lagahöfundur
heimsins, sjálfur Burt Bacharach,
heldur tónleika í Eldborgarsal
Hörpu þriðjudaginn 12. júlí næst-
komandi.
Þessi 87 ára snillingur hefur á 60
ára ferli sínum samið meira en 500
lög.
Margverðlaunaður listamaður
Guðbjartur Finnbjörnsson stend-
ur fyrir tónleikunum. „Burt hélt
ógleymanlega tónleika í fyrra, þegar
hann spilaði fyrir framan 100.000
gesti á Glastonbury-hátíðinni. Hann
hefur alls staðar verið að fá frábæra
dóma. Það kemur með honum
stór hljómsveit og svo spilar hann
auðvitað á flygilinn eins og algjör
meistari,“ segir Guðbjartur fullur
tilhlökkunar. „Ég væri til í að vera
svona þegar ég verð 87 ára gamall,“
bætir Guðbjartur við og hlær.
Með Bacharach kemur hingað til
lands stórhljómsveit og þrír söngv-
arar en þetta er í fyrsta sinn sem
Bacharach heldur tónleika á Íslandi.
Hann hefur unnið til ótal verð-
launa fyrir verk sín. Þar á meðal
eru átta Grammy-verðlaun, þrenn
Óskarsverðlaun, ein Golden Globe-
verðlaun og þá hefur hann samið 48
lög sem hafa farið á topp 10 í Banda-
ríkjunum, níu lög sem hafa farið í
efsta sæti vinsældalistans og árið
2012 fékk hann hin virtu Gershwin-
verðlaun og hélt þá frábæra tónleika
fyrir Barack Obama í Hvíta húsinu.
Lifandi goðsögn
„Burt Bacharach er búinn að semja
öll uppáhaldslögin þín og þú hefur
ekki hugmynd um það,“ segir tón-
listarmaðurinn Páll Óskar Hjálm-
týsson sem er gríðarlega mikill
aðdáandi tónskáldsins. „Ég hef
aldrei farið á tónleika með honum
svo hér er langþráður draumur
minn er að rætast.“
Hann segir tónlist Bacharachs oft
hafa bjargað lífi sínu. „Og gerir enn.
Burt Bacharach og textahöfundur-
inn Hal David höfðu jafn djúpstæð
áhrif á popptónlist og Bítlarnir og
Motown-gengið. Þetta fólk bjó til
formið sem popptónlist er mótuð
eftir enn í dag. Burt hefur ákveðna
sérstöðu vegna þess honum tókst
alltaf að gera þetta svo flókið-ein-
falt. Lögin hans virka ofsalega ein-
föld kannski við fyrstu heyrn, en
þegar þú ætlar þér að fara spila og
flytja þetta sjálfur þá eru þetta svo
gríðarlega flóknar taktskiptingar
og hljómagangarnir eru stöðugt að
taka óvæntar beygjur. Það er ekki
fyrir hvern sem er að leika þessa
músík, þú þarft að liggja yfir þessu.
Hann nær samt að krossa yfir til
almúgans með svona gríðarlega
flókna músík. Ef þú hefur einhvern
tíma ryksugað heima hjá þér, þá
hefur þú sungið með I Say a Little
Prayer,“ útskýrir Palli.
Safnar öllum upptökum
Palli var sautján ára gamall þegar
tónlist Burts Bacharach fór að læð-
ast inn í líf hans. Það var svo árið
1988 að hann kynntist tónlistinni
fyrir alvöru, þegar hann vann við
að skúra Kringluna.
„Ég var að skúra Kringluna þegar
hún var að opna og þar var plötu-
búð Skífunnar. Inni í Skífunni sá ég
tvöfalda safnplötu á vínyl með söng-
konu sem heitir Dionne Warwick og
þar hjó ég eftir því að hvert einasta
lag á þessari safnplötu var eftir sama
manninn. Öll þessi uppáhaldslög
mín sem höfðu verið að læðast til
mín voru samin af Bacharach og
Hal David þannig að ég sökkti mér
á kaf í þetta og ég fór að safna öllum
upptökum sem til eru af lögunum
hans. Það mun taka mig alla ævina
að fullkomna safnið, skal ég segja
þér,“ segir Palli léttur í lundu.
„Söngvarar slógust um að syngja
lögin hans, þannig að oft eru til
margar upptökur af sama laginu
með mismunandi flytjendum. Það
eru til meira en 120 útgefnar upp-
tökur af „The Look of Love“.
Eins og fyrr segir hefur Bacharach
samið meira en 500 lög en getur
Palli nefnt sín uppáhaldslög? „Ég
elska mest Walk on By, I Just Don’t
Know What to Do with Myself,
Close to You, Alfie, I’ll Never Fall
in Love Again, The Look of Love
og I Say a Little Prayer,“ segir Palli.
Miðasala hefst þriðjudaginn 4. apríl
á harpa.is. gunnarleo@frettabladid.is
Burt Bacharach
heldur tónleika á íslandi
Tónlistarmaðurinn Burt Bacharach er eitt virtasta tónskáld sögunn-
ar og hefur meðal annars unnið átta Grammy-verðlaun. Páll Óskar
Hjálmtýsson fagnar komu Bacharachs mjög, enda mikill aðdáandi.
Vinsælustu lög Burt
Bacharach eru:
Alfie
Anyone Who Had a Heart
Do You Know The Way to San
Jose
Raindrops Keep Fallin’ on My
Head
What’s New Pussycat?
Always Something There to
Remind Me
What the World Needs Now Is
Love
That’s What Friends Are For
I Say a Little Prayer
Burt hefur unnið:
8 Grammy-verðlaun
3 Óskarsverðlaun
Dionne Warwick, Dusty Spring-
field, Jackie DeShannon, Bobbie
Gentry, Tom Jones, Herb Alpert, B.
J. Thomas og The Carpenters eru
á meðal þeirra sem flutt hafa lög
Bacharachs.
Með Burt Bacharach kemur hingað til lands stórhljómsveit og þrír söngvarar en þetta er í fyrsta sinn sem Bacharach heldur
tónleika á Íslandi. MyND/GETTy
2 1 . m a r s 2 0 1 6 m Á N U D a G U r30 L í f i ð ∙ f r É T T a B L a ð i ð