Fréttablaðið - 26.10.2018, Blaðsíða 6

Grikk
eða GOTT?
599 kr.stk.
Grasker Halloween
Afgreiðslutímar á www.kronan.is
Öll verð eru birt með fyrirvara um prentvillur og/eða myndabrengl.
Á tækinu var að finna miða með
grínútgáfu af fána hryðjuverkasam-
takanna ISIS. Á fánanum er að finna
útlínur þriggja kvenna og frasann
„Get er done“ sem eru eins konar
einkennisorð grínistans Larry the
Cable Guy. Grínfréttasíðan World
News Bureau bjó myndina til og
hefur henni síðan verið deilt á spjall-
borðum hins hægrisins (e. Alt-right).
ABC News birti fyrst myndina af þessu tæki
en það var sent á fréttastofu CNN í New York
og einnig stílað á John Brennan, fyrrverandi
yfirmann leyniþjónustunnar CIA. Að sögn
heimildarmanns CNN ber tækið þess ekki
merki að reyndur sprengjugerðarmaður hafi
búið það til. Annar sagði að sprengjumaður-
inn hefði ekki einu sinni reynt að fela tækið
almennilega og það væri vísbending um að
því hefði verið ætlað að finnast. Sprengjan
hefði þó vissulega verið „í nothæfu ástandi“.
✿ Rýnt í sprengjuna sem barst CNN
Stafræn
klukka
var á
tækinu og finna má slíka
klukku á Amazon fyrir
nokkra hundraðkalla. Sam-
kvæmt frásögn The New
York Times er klukkan
vísbending um að tækið
sé í raun ekki gert til að
springa. Alvöru sprengja
hefði ekki klukku með
niðurtalningu fyrir fórnar-
lambið heldur tíðkist það
bara í kvikmyndum.
00:01
BANDARÍKIN Umfangsmikil leit
að sprengjuvargi stendur nú yfir
í Bandaríkjunum eftir að fjöldi
áhrifamanna innan bandaríska
Demókrataflokksins fékk sendar
sprengjur í pósti. Í gær kom í ljós að
tvær sprengjur hefðu verið sendar
Joe Biden, fyrrverandi varaforseta,
og ein leikaranum Robert De Niro.
Áður hafði verið greint frá
sprengjusendingum til Baracks
Obama, Clinton-hjóna, George
Soros, CNN og fyrrverandi leyni-
þjónustustjórans Johns Brennan,
þingkonunnar Maxine Waters og
fyrrverandi dómsmálaráðherrans
Erics Holder. Síðastnefndi pakk-
inn var þó endursendur til Debbie
Wasserman Schultz, fyrrverandi
formanns miðstjórnar Demókrata-
flokksins, en heimilisfang hennar
var að sögn heimildarmanna
bandarískra fjölmiðla að finna á
fleiri pökkum.
Sprengjurnar sem ætlaðar voru
Biden og De Niro, en komust aldr-
ei í hendur þeirra, voru áþekkar
sprengjunum sem áður hafði verið
fjallað um og þær því taldar hluti af
þessu sama máli. Um rörasprengjur
er að ræða. Sprengjupúður og gler-
brot sett inn í plaströr sem var svo
þakið svörtu límbandi. Á sprengj-
unni sem send var Brennan og CNN
mátti einnig finna stafræna klukku
og ef til vill á öðrum sprengjum líka.
Sprengjan sem ætluð var De Niro
var send á Tribeca Grill, veitingastað
í hans eigu í New York-borg. Fram-
leiðslufyrirtæki hans, TriBeCa Films,
er í sama húsi. Samkvæmt fréttastofu
NBC var enginn inni á staðnum
þegar sprengjan uppgötvaðist.
Öryggisvörður á staðnum hafði verið
heima hjá sér að fylgjast með fréttum
af þessu máli þegar hann mundi eftir
því að hafa séð álíka pakka í pósther-
bergi byggingarinnar. Hann hringdi
svo í lögreglu sem fór á staðinn og
fjarlægði pakkann.
Sprengjurnar sem ætlaðar voru
Joe Biden fundust hins vegar sín
á hvorri póstflokkunarstöðinni í
heimaríki hans, Delaware. Önnur
í Wilmington og hin í New Castle.
Ekki er enn vitað hvort sprengj-
Leita logandi ljósi að sökudólgi
FBI stýrir rannsókn á sprengjusendingum til áhrifamanna innan bandaríska vinstrisins. Ekki víst að
sprengjunum hafi verið ætlað að springa. Forsetinn kennir fjölmiðlum um hatursfulla orðræðu en eitt
fórnarlamba skýtur til baka á forsetann og segir æsimennsku hans og hótanir til háborinnar skammar.
urnar hefðu í raun og veru getað
sprungið og ber sérfræðingum og
heimildarmönnum bandarískra fjöl-
miðla ekki saman um það. Viðmæl-
endur The New York Times drógu
það til að mynda í efa á meðan við-
mælendur CNN sögðu sprengjurnar
„illa gerðar en nothæfar“.
Öll skotmörkin hafa gagnrýnt
Donald Trump, forseta Banda-
ríkjanna, harðlega í fortíðinni og
Trump skotið afar fast til baka. Til
að mynda kallað Hillary Clinton
spillta og Maxine Waters greindar-
skerta. Forsetanum hefur í gær og
fyrradag verið kennt um að skapa
sundrað og hatursfullt pólitískt
andrúmsloft í Bandaríkjunum og
því haldið fram að það hafi leitt til
þessa voðaverks.
Trump sagði í gær að stór hluti
þeirrar reiði sem greina mætti í
bandarísku samfélaginu væri til-
kominn vegna „falskrar og rangrar“
umfjöllunar meginstraumsfjöl-
miðla. „Þetta er orðið svo slæmt og
hatursfullt að það er varla hægt að
lýsa því lengur. Meginstraumsfjöl-
miðlar þurfa að taka sig saman í
andlitinu Í SNATRI,“ tísti forseti.
Brennan, eitt skotmarkanna, svar-
aði um hæl á sama miðli: „Hættu að
kenna öðrum um og líttu í spegil.
Æsimennska þín, móðganir, lygar
og hvatningar til líkamlegs ofbeldis
eru til háborinnar skammar. Takt
þú þig saman í andlitinu. Reyndu
að haga þér eins og forseti.“
Samkvæmt CNN rannsaka yfir-
völd málið sem innanríkishryðju-
verk og liggja alþjóðleg hryðju-
verkasamtök ekki undir grun. Verið
er að reyna að rekja sendingarnar til
baka til sendanda og stýrir hryðju-
verkadeild alríkislögreglunnar FBI
rannsókninni.
thorgnyr@frettabladid.is
Þetta er orðið svo
slæmt og hatursfullt
að það er varla hægt að lýsa
því lengur. Meginstraums-
fjölmiðlar þurfa að taka sig
saman í andlitinu Í SNATRI.
Donald Trump,
forseti
Bandaríkjanna
Hættu að kenna
öðrum um og líttu í
spegil. Æsimennska þín,
móðganir, lygar og hvatn-
ingar til líkamlegs ofbeldis
eru til háborinnar skammar.
Takt þú þig saman í and-
litinu.
John Brennan,
fyrrverandi
yfirmaður CIA
Alls hefur verið greint frá
því að tíu sprengjur hafi
verið sendar á áhrifamenn í
Bandaríkjunum.
BANDARÍKIN Gina Haspel, yfirmaður
bandarísku leyniþjónustunnar CIA,
mun funda með Donald Trump for-
seta um ferð sína til Tyrklands fyrr
í vikunni. Þar fékk hún að hlusta á
hljóðupptöku sem yfirvöld í Tyrk-
landi fullyrða að sé frá því þegar
sádiarabíski blaðamaðurinn Jamal
Khashoggi var aflimaður, pyntaður
og myrtur á ræðisskrifstofu Sádi-
Araba í tyrknesku borginni Istan-
búl.
Ríkissaksóknaraembætti Sádi-
Arabíu sagði í yfirlýsingu í gær að
útlit væri fyrir að morðið á Khash-
oggi hefði verið þaulskipulagt. Þetta
stangast á við fyrri yfirlýsingar um
að Khashoggi hafi látist í slagsmál-
um þegar leyniþjónustumenn yfir-
heyrðu hann í óþökk stjórnvalda.
Þá greindi ríkisfréttastöð Sádi-
Arabíu frá því í gær að Mohammed
bin Salman, krónprins og þjóðar-
leiðtogi, hefði stýrt fyrsta fundi
nýrrar nefndar um umbætur á
störfum leyniþjónustunnar í gær.
Nefndin var skipuð í kjölfar morðs-
ins á Khashoggi. Auk þess að skipa
nefndina hafa tveir ráðgjafar verið
reknir og átján einstaklingar hand-
teknir vegna málsins. – þea
Haspel hlýddi
á upptökuna
Gina Haspel, yfirmaður leyniþjón-
ustunnar (CIA). NORDICPHOTOS/AFP
Yfirmaður CIA hlýddi á
upptöku sem Tyrkir segja að
sé frá því þegar Jamal Khash-
oggi var aflimaður, pyntaður
og myrtur.
2 6 . O K T Ó B E R 2 0 1 8 F Ö S T U D A G U R6 F R É T T I R ∙ F R É T T A B L A Ð I Ð