Fréttablaðið - 26.11.2019, Page 81

Ein vinsælasta spurning barna víða um heim er þessi: Er jólasveinninn til? Frægasta
svar við þeirri spurningu er leiðari
dagblaðsins The Sun í New York
árið 1897. Svarið var afdráttarlaust
og svo afgerandi og heillandi að enn
þann dag í dag er vitnað til þess.
Forsagan er sú að þetta ár, 1897,
spurði átta ára gömul stúlka í New
York, Virginia O’Hanlon, föður sinn
að því hvort jólasveinninn væri
raunverulega til. Hann stakk upp
á því að hún skrifaði The Sun, þar
Jólasveinninn er til
Virginia vildi vita hvort jólasveinninn væri til.
Virginia á efri árum. Henni bárust fjölmörg bréf vegna leiðarans fræga.
Leiðarinn og leiðarahöfundurinn
sem var mikill efasemdamaður.
Já, Virginia, jóla-
sveinninn er til.
Hann er jafn örugglega til
og ást og örlæti og holl-
usta, og þú veist að slíkt
fyrirfinnst í ríkum mæli
og gæðir lífið hinni æðstu
fegurð og gleði.
Frægasti leiðari í
sögu Bandaríkjanna
fjallaði um tilvist
jólasveinsins og var
skrifaður af miklum
efasemdamanni.
Kolbrún
Bergþórsdóttir
kolbrunb@frettabladid.is
sem það væri áreiðanlegt dagblað
sem færi ekki með fleipur. Virginia
litla settist niður og skrifaði stutt
bréf:
„Kæri ritstjóri. Ég er átta ára
gömul. Sumir litlir vinir mínir segja
að jólasveinninn sé ekki til. Pabbi
segir: Ef það stendur
í The Sun þá er það
rétt. Viltu segja mér
sannleikann: Er jóla­
sveinninn til?
Trúleysingi
bregst við
Bréfið kom á borð
ritstjórans Francis
Pharcellus Church
sem var kaldhæðinn
trúleysingi. Hann
svaraði Virginiu í 500
orða leiðara blaðsins
og þar var tónninn
alls ólíkur því sem
venja var í skrifum
hans. Leiðarinn var
ómerktur því Church
vildi ekki leggja nafn
sitt við þennan hlýja
og heimspekilega
leiðara, sem síðan
hefur verið endurbirtur
ótal sinnum og er sagður frægasti
leiðari í bandarískri blaðasögu.
Hann hóf leiðarann á orðunum:
„Virginia, litlu vinirnir þínir hafa
á röngu að standa. Þeir eru undir
áhrifum vantrúar á öld efahyggj­
unnar. Þeir trúa einungis því sem
þeir sjá. Það sem hugur þeirra
skilur ekki flokka þeir sem ómögu­
legt …“
Seinna í leiðaranum sagði
Church: „Já, Virginia, jólasveinninn
er til. Hann er jafn örugglega til og
ást og örlæti og hollusta, og þú veist
að slíkt fyrirfinnst í ríkum mæli
og gæðir lífið hinni æðstu fegurð
og gleði. Hve drungaleg veröldin
væri án jólasveinsins. Hún væri
jafn drungaleg og ef það væru engar
Virginiur til. Þá væri engin barnsleg
trú, enginn skáldskapur eða sögur
til að gera þessa tilveru bærilega …“
Og Church hélt áfram: „Þú gætir
fengið pabba þinn til að ráða
menn til að vakta alla strompa á
jólanótt í von um að handsama
jólasveininn, en væri það einhver
sönnun ef þeir sæju hann ekki?
Það raunveru legasta í þessum
heimi er það sem hvorki börn
né menn geta fest augu á. Sástu
einhvern tímann álfa dansa á gras­
flötinni? Auðvitað ekki, en það
er engin sönnun þess að þeir séu
ekki þarna. Enginn getur skilið eða
ímyndað sér öll þau undur sem eru
hulin og ósýnileg.“
Leiðaranum lauk á orðunum:
„Enginn jólasveinn! Guði sé lof
að hann lifir og það eilíf lega. Að
þúsund árum liðnum, Virginia,
nei, eftir tíu sinnum tíu þúsund
ár, mun hann enn gleðja barns­
hjörtun.“
Jákvæð áhrif
Virginia litla varð ung kona og
giftist en eiginmaðurinn yfirgaf
hana áður en dóttir þeirra fæddist.
Hún varð farsæll kennari og síðar
skólastjóri. Alla ævi streymdu til
hennar bréf vegna leiðarans fræga
og svaraði hún þeim flestum. Í
viðtali seint á ævinni sagði hún
leiðarann hafa haft afar jákvæð
áhrif á líf sitt. Hún lést árið 1971,
81 árs gömul.
Leiðari Church hefur verið
innblástur að sjónvarpsþáttum,
teiknimyndum og tónverkum og
er reglulega rifjaður upp í heims­
pressunni.
HLUTI AF FJÖLSKYLDUNNI
Dálæti sumra á Kofareykta hangikjötinu frá Kjarnafæði virðist
engum takmörkunum háð, enda skapar það
sannkallaða hátíðar- og jólastemmningu.
Veldu gæði - veldu Kjarnafæði
JÓL 2019 2 6 . N Ó V E M B E R 2 0 1 960