Fréttablaðið - 26.11.2019, Blaðsíða 76

Sparilegar fyrir litla Jesúbarnið
Fagurkerinn, matarhönnuðurinn og ljósmyndarinn Áslaug Snorradóttir hitti fyrir jafningja sinn í barnabarninu Ölbu sem skilur
ömmu sína upp á tíu. Allir dagar hjá þeim eru sparilegir og lekkerir en alveg sérstaklega þegar afmæli litla Jesúbarnsins nálgast. 
Áslaug og ömmugullið hennar Alba kunna báðar að meta sanna litagleði og glaðar stundir með miniature veislum fyrir munn, maga og ekki síst fegurðarskyn augans. MYNDIR/ÁSLAUG SNORRADÓTTIR
Við Alba höldum upp á hvern einasta dag með lekker-heitum en þegar við höldum
upp á Jesúbarnið erum við extra
sparilegar. Þá nýtum við öll tæki-
færi til að gæða okkur á súkkulaði
og heslihnetum,“ segir Áslaug í
undurfögru „miniature“ jólaboði
með Ölbu sem er fimm ára.
„Ilmurinn í Alba Piemonte á
Ítalíu setti sjálfsagt tóninn en
þangað fórum við fjölskyldan
þegar Alba var fimm mánaða. Þar
eru Nutella-verksmiðjurnar sem
einnig búa til Ferrero Rocher-mol-
ana og súkkulaði- og hnetuanganin
sem mætti okkur þegar við stigum
út úr bílnum í Alba er ógleymanleg.
Þar með hófst áhuginn á súkkulaði
og heslihnetum,“ upplýsir Áslaug
innan um litríka smárétti sem
gleðja lítil sem stór augu.
„Mér finnst mikilvægt að eiga
sitthvað fallegt fyrir augu, munn
og maga okkar Ölbu á aðventunni.
Það gefur lífinu lit og í aðdraganda
jóla á maður að gera sér sem flesta
glaða daga. Meira að segja er hafra-
grauturinn á mánudagsmorgni
borinn fram í fallegum skálum með
kertaljósum og gleði,“ segir Áslaug
sem hefur Ölbu oft í huga þegar
hún ferðast um heiminn og sankar
að sér litlum kökum og sætindum
til að gleðja þá litlu.
„Ég hef lært svo mikið af Ölbu.
Hún stingur reglulega upp á því
að baka pönnukökur og af því
mannskepnan á það til að segja:
„Ekki núna,“ segi ég alltaf: „Já, því
ekki það, Alba mín.“ Það er nefni-
lega engin hugmynd of galin hjá
börnum sem vilja gera lífið litríkt
og skemmtilegt og við eigum að
leyfa þeim sem mest að leggja á
borð og útbúa svolítil veisluhöld
eftir þeirra eigin skapi og smekk,“
segir Áslaug og víst er að þær Alba
eru einstakar vinkonur.
„Ölbu finnst allt svo sparilegt
og er eina týpan í heiminum sem
fattar mig alveg í botn. Hún er ljón
og ég rísandi ljón sem alveg smell-
passar og ekki spillir fyrir að hún
á sama afmælisdag og Madonna
sem ég býst við að tengist fagurker-
anum í henni líka,“ segir Áslaug og
skálar við Ölbu í dýrindis súkku-
laðisúpu.
„Nafnið Alba þýðir sólarupprás á
ítölsku. Hún fær því iðulega drykki
í mörgum litum sólarupprásarinn-
ar, allt frá ljósgulu yfir í fjólublátt.
Barnið espar upp ömmuna og vill
hafa allar máltíðir „miniature“,“
segir Áslaug og skellihlær.
„Alba veit að amma geymir
servíettur frá Grand Hotel Alba
síðan forðum daga og ég vona að
við eigum eftir að fara þangað aftur
saman til að borða besta súkkulaði
og heslihnetur í heimi. Súkkulaði
er svo mikil ofurfæða og hamingju-
gjafi og ég get verið óttalaus um
að barnið fái ekki sykursjokk því
sykurinn er í lágmarki.
Hér eru nokkrar hugmyndir
SÚKKULAÐIFLÆÐINGUR
Hnetusmjör eða súkkulaðif læðing
köllum við þetta góða viðbit sem
smellpassar á pönnukökur sem
við erum iðnar við að baka. Alba
er orðin frábær pönnukökustjóri
og ekki spillir að amman kann að
f lippa þeim á pönnunni eins og
Lína Langsokkur!
200 g ristaðar heslihnetur mauk-
aðar með 100 g sykri
450 g suðusúkkulaði, brætt og
bætt við 100 g bráðið smjör
ásamt 2 dl rjóma.
Hnetublandan hrærð út í og geymt í
krukkum í ísskáp.
SÚKKULAÐISÚPA
MEÐ RJÓMA
Hér fékk sparistellið að njóta sín en
þægilegast er að sötra súpuna úr
skál og er það mun meiri stemning.
300 g heslihnetur, vel þeyttar í 7
dl af vatni.
300 g brætt suðusúkkulaði bætt
út í ásamt slatta af vanillu, kardi-
mommum og appelsínuberki.
Fínt er að bæta mjólk út í súpuna til
kælingar í lokin en þykktin ræðst
eftir smekk.
Toppað með vænni slettu af
þeyttum rjóma.
SÚKKULAÐI FONDÚ
Súkkulaði fondú okkar Ölbu er
einstaklega gott og auðvelt. Við
skemmtum okkur við að dýfa bæði
þurrkuðum og ferskum ávöxtum
ofan í súkkulaðið en á þessum
árstíma er sérlega ljúffengt að dýfa
Panettone og Amarettí-kökum
bæði í fondúið og súpuna.

Súkkulaði má líka hella yfir
trépinna eins og sleikjó og toppa
með góðgæti.
JÓL 20192 6 . N Ó V E M B E R 2 0 1 9 55