Fréttablaðið - 26.11.2019, Blaðsíða 93

Sigríður Inga
Sigurðardóttir
sigriduringa@frettabladid.is
Þegar við fluttum til Sviss ákváðum við vera þar yfir jólin en flugum oftast til
Íslands milli jóla og áramóta til að
vera í faðmi fjölskyldunnar. Jólin í
Sviss voru yndisleg á sinn máta. Við
fjölskyldan erum samheldin svo
öllum leið vel. Það var ekkert áreiti
og þá meina ég virkilega ekkert, svo
við vorum oft í náttfötunum allan
daginn yfir hátíðirnar. Einu sinni
fór það þannig að við borðuðum
jólamatinn í þeim, svo slök vorum
við. Þess á milli fórum við á skíði
eða gönguferðir í Ölpunum,“ segir
Eva Lind, sem er gift Árna Hrannari
Haraldssyni en þau eiga þrjú börn,
Þengil, Hrannar Má og Eygló Lind.
Hún segir að Svisslendingar
séu ekki eins skreytingaglaðir og
Frónbúar. „Í Sviss eru ekki öll hús
tendruð ljósum og allir gluggar
skreyttir, heldur þarf maður að hafa
fyrir því að setja sig í jólagírinn. Það
er svo langt frá því að vera eins jóla-
legt um að litast þar og hér á Íslandi.
Þeir staðir sem eru skreyttir á annað
borð gætu verið að keppa um verð-
laun, enda öllu tjaldað til, sérstak-
lega í ævintýralegu jólaþorpunum,“
segir Eva Lind og bætir við að
ilmurinn af ristuðum hnetum, sem
fást í jólaþorpunum, hafi sannar-
lega kallað fram jólaskapið.
Jólasveinar á sveimi í Sviss
Íslensku jólasveinarnir náðu alla
leið til Sviss og gáfu börnunum í
skóinn, sem stundum vakti undrun
svissneskra vina þeirra. „Sviss-
lendingar eiga sinn eigin jólasvein,
Samichlaus, sem gefur börnunum
poka fullan af hnetum og ávöxtum
og brýnir fyrir þeim að vera góð,
kurteis og gjafmild. Núna þegar
við erum flutt heim ætlar yngri
kynslóðin að láta reyna á hvort
Sami chlaus rati til Íslands svo það
verður spennandi að fylgjast með
því,“ segir Eva Lind kankvís.
Fjölskyldan er alsæl með að vera
flutt heim aftur og er þegar byrjuð
að undirbúa jólin. „Þegar ég lít til
baka átta ég mig á að ég var með
eins íslensk jól og hægt er í útlönd-
um. Jólamaturinn er til dæmis
alltaf alveg eins og hann var á æsku-
heimili mínu; aspassúpa í forrétt,
svínabógur með stökkri puru í aðal-
rétt og heimagerður ís í eftirrétt.
Þetta hráefni fæst allt í Sviss en ég
lét senda lakkrískurl frá Íslandi svo
ég gæti bakað réttu smákökurnar
fyrir jólin,“ segir hún hlæjandi.
„Það er eitt sem ég tók með mér til
Íslands frá Sviss. Þarlend vinkona
mín bauð mér alltaf í heitt eplapæ
fyrir jólin og ég ætla að baka það
á aðventunni. Ég lærði líka að búa
til sykurlausa súkkulaðimola með
hnetusmjöri, enda jafnast fátt á
við svissneska súkkulaðið,“ segir
Eva Lind, sem er mikið jólabarn og
hefur náð að smita börnin sín af því
líka.
„Nú þegar ég stend í barnaupp-
eldi sjálf, hugsa ég oft til þeirra
hluta sem lituðu jólin rauð í mínum
augum sem barn. Ég leitast við að
hafa jákvæð áhrif á líf þeirra svo
þau hafi seinna meir góða sögu að
segja. Samverustundir og gleði ber
þar hæst, það er að gefa sér tíma og
njóta. Það var lítið stress á mínu
bernskuheimili og sú ró sem fylgdi
smákökugerð með útvarpið stillt á
jólalögin stendur upp úr,“ segir Eva
Lind og bætir við: „Jólin eru svolítið
blanda af tilfinningum eins og
hamingju, sorg og jafnvel söknuði.
Það sem ég kann best að meta við
þennan árstíma er þessi jákvæða
orka og kærleikur sem fylgir fólki.
Það er auðvelt að smitast af brosi
barnanna og láta sig hlakka til við-
burða sem eru í boði. Þetta er líka
erfiður tími fyrir marga sem upp-
lifað hafa missi eða standa í ströngu
í lífinu. Þetta er svolítið tíminn sem
fólk staldrar við og minnir sig á að
lífið er núna.“
Samverustundir og gleði á jólum
Eva Lind Helgadóttir bjó með fjölskyldu sinni í Sviss í átta ár. Hún hélt jól að íslenskum hætti þar í landi. Svisslendingar eiga þó sína
eigin jólasiði og -venjur. Þar er sérstakur jólasveinn sem gefur börnunum poka með hnetum og ávöxtum ef þau eru stillt og góð.
„Jólin eru svolítið blanda af tilfinningum eins og hamingju, sorg og jafnvel söknuði. Það sem ég kann best að meta
við þennan árstíma er þessi jákvæða orka og kærleikur sem fylgir fólki,“ segir Eva Lind, hér með börnum sínum.
Ljúffengir súkkulaðimolar með svissnesku ívafi sem bragðast unaðslega.
Eplapæ að svissneskum hætti sem Eva Lind gefur lesendum uppskrift að.
SVISSNESKT EPLAPÆ
1 pakki smjördeig
2 msk. sykur
½ tsk. kanill
4 msk. saxaðar möndlur (eða
heslihnetur)
3 epli (rauð eða græn)
150 ml nýmjólk
2 egg
2 msk. vanilluskyr (má vera
sýrður rjómi)
2 msk. hveiti
1 msk. aprikósusulta
Hitið ofninn 200°C. Komið smjör-
deiginu fyrir í hentugu u.þ.b. 24
cm bökunarformi með bökunar-
pappír undir. Þrýstið deiginu vel út
í kantana og gerið göt á botninn á
deiginu með gaf li. Blandið saman
sykri, kanil og söxuðum möndlum
í lítilli skál og dreifið blöndunni
jafnt yfir deigið. Setjið kalt vatn í
skál og blandið 2 msk. af sítrónu-
safa út í. Skrælið eplin, skerið til
helminga, kjarnhreinsið og setjið
strax í kalda vatnið (svo þau verði
ekki brún). Takið síðan hvern
helming fyrir sig og skerið í jafnar
skífur og raðið þeim jafnt í formið.
Setjið formið neðarlega í ofninn
og bakið í um 12 mín. á blæstri. Á
meðan þetta er að bakast, hrærið
saman nýmjólk, eggjum, vanillu-
skyri og hveiti. Takið bökuna
úr ofninum og hellið blöndunni
varlega yfir hana. Setjð aftur inn í
ofninn og bakið neðarlega í honum
við 200°C í 15-20 mín.
Hitið apríkósusultuna í potti,
sigtið og berið á kökuna með pensli
eftir að bakan hefur kólnað aðeins.
Berið bökuna fram volga með ís
eða rjóma.
LINDT-MOLAR ÁN SYKURS
150 g smjör
200 g Lindt-súkkulaði, 70-85%
2 msk. sukkrin (eða eftir smekk)
hnetusmjör, gróft
Bræðið saman smjör, Lindt-súkku-
laði og sukkrin í potti á vægum
hita. Finnið til silíkonform og
hálffyllið hvert hólf með súkku-
laði. Setjið ¼ tsk. af hnetusmjöri í
hvert hólf og klárið síðan að fylla
hólfin með súkkulaðiblöndunni
(um 30 molar). Komið formunum
fyrir í frysti. Þau ættu að vera
tilbúin innan 30 mín. Ef þið viljið
meira hnetubragð er hægt að setja
salthnetukurl á molana áður en
súkkulaðinu er hellt yfir í lokin.
Einnig er hægt að setja möndlu-
smjör í stað hnetusmjörs eða
möndlur, hnetur eða kókos, allt
eftir smekk. Svo er bara að njóta
þess að borða um hátíðirnar.
GERIR GÆFUMUNINN!
JÓL 2019 2 6 . N Ó V E M B E R 2 0 1 972