Fréttablaðið - 26.11.2019, Side 97

Allt frá upphafi hafa þau Grýla og Leppalúði búið í Lúdentaborgum og hafa
þau alið af sér 13 jólasveina. Þegar
jólasveinarnir fóru að vaxa úr
grasi fannst Grýlu og Leppalúða
vera orðið heldur þröngt um sig í
híbýlunum og strákana var farið
að langa að vera út af fyrir sig.
Var því ákveðið að fara í land-
vinninga og finna nýtt heimili
fyrir afkvæmin. Leitað var úti um
allan heim, farið til Finnlands,
Grænlands og víðar. En þegar allt
kom til alls þá var best að vera í
nágrenni við mömmu og pabba,
Dimmuborgir var því tilvalinn
staður til að setjast að í.
Frá þeirri stundu hafa jólasvein-
arnir búið í Dimmuborgum og
liðið mjög vel með útsýni yfir hina
fögru Mývatnssveit. Í fyrstu voru
jólasveinarnir miklir ærslabelgir
og stunduðu það að gera prakk-
arastrik um sveitir landsins en í
seinni tíð hafa þeir róast og eru í
dag bestu vinir barnanna.
Jólasveinarnir hafa tekið upp
þann sið að taka á móti börnum
á öllum aldri á aðventunni í
Dimmuborgum. Gera þeir það
þannig að á ákveðnum tíma eru
þeir við hellismunnann sinn og
heilsa upp á börnin við stólinn
sinn inni á Hallarflöt.
Hinn 12. desember fara þeir svo
að koma til byggða, einn af öðrum
og færa góðum börnum gjafir í
skóinn. En þeim sem hafa ekki
verið góð færa þeir stóra, hráa
kartöflu.
Bræðurnir fá nokkur hundruð
bréf á ári, hvaðanæva úr heim-
inum. Þeir gera svo sitt besta til
að svara þeim öllum um jólin.
Mörg þeirra eru stíluð á Lappland
og norðurpólinn en að sjálf-
sögðu eiga þau að lenda hjá þeim í
Dimmuborgum, sem og þau gera.
Það hefur stundum verið smá
bras að sumri að fá sveinana til
að koma út úr hellunum sínum
og oft eiginlega bara ekki hægt.
Þeir kvarta yfir hversu heitt það
er úti og yfir þessu gula apparati
á himninum sem skín stundum
aðeins of skært. Undanfarin
sumur hefur líka verið frekar
blautt í Mývatnssveit og það er
heldur ekki beint uppá-
halds veðrið þeirra.
En þegar kólnar í lofti,
snjórinn fer að falla og
nálgast fer jólin eru
þeir f ljótir að hlaupa
út úr hellinum, gera
snjóengla og fara í snjó-
kast. Þeir bíða þess vegna
óþreyjufullir eftir að vertíðin
þeirra byrji og þeir geti farið að
leika sér með gestunum í Dimmu-
borgum í desember.
Skolaðu skítinn
Fyrir f lesta jólasveinana er
jólabaðið hin mesta skemmtun
og dýrmæt stund að geta tekið
jólabaðið með öllu þessu frábæra
fólki sem ákveður að skella sér í
bað með þeim á hinum árlega jóla-
baðsdegi.
Þó eru nokkrir jólasveinar sem
eru bara alls ekkert hrifnir af
tilhugsuninni um jóla-
baðið og eru algjörlega
á móti hugmyndinni
að það þurfi eitthvað
að baða sig. Þá láta þeir
afskaplega illa og eiga það
til að fela sig svo hinir jóla-
sveinarnir geti ekki dregið
þá í baðið.
Þótt þeir feli sig er samt aldrei
langt í stríðnispúkann, þannig
að þeir eiga það til að stríða og
grínast aðeins í þeim jólasveinum
sem fara í baðið. En eitt er á
hreinu, þeir baða sig bara einu
sinni á ári. Sveinarnir munu baða
sig 7. desember í Jarðböðunum í
sveitinni en sá dagur er sérstakur
dagur.
Sannkölluð aðventuhátíð
Jólasveinarnir mæta í Dimmu-
borgir á milli klukkan 11.00 til
13.00 og má búast við að það verði
margt um manninn og mikið stuð,
eins og gerist þegar jólasveinarnir
koma saman.
Um kl. 16 er komið að hinu
fræga jólabaði sem er skemmtileg
og fyndin upplifun fyrir alla fjöl-
skylduna. Annan í aðventu, 8.
desember, verða þeir svo skínandi
hreinir og fínir að taka á móti
gestum á Hallarflötinni.
Búast má við miklu fjöri fram
að jólum en Bjúgnakrækir og Kjöt-
krókur ætla líka að halda kjöt-
kveðjuhátíð þriðju helgi í aðventu.
Það verður forvitnilegt að vita
hvernig hún mun fara fram!
Allir ættu að prófa einu sinni
Hver og einn jólasveinn er að sjálf-
sögðu einstakur út af fyrir sig, en
umhverfið sem umvefur þá gerir
þá sérstaklega einstaka og hvað
þá upplifunin við að hitta þá. Það
ættu allir að prófa að heimsækja
Dimmuborgir í Mývatnssveit á
aðventunni. Fólki, hvaðan sem
það er af landinu, finnst þeir svo
skemmtilegir að það rúllar til
sveitarinnar enda margt hægt að
gera í þessari einstöku perlu fyrir
utan að sjá sveinana góðu.
Sveinarnir eru komnir á Tix.is
þar sem hægt er að kaupa miða,
bæði á jólagleðina í Dimmuborg-
um og í jólabaðið. Í desember er
líka fjöldi fjölskyldujólahlaðborða
og jólabrönsa í Mývatnssveit. Þá
er opið er í Kaffi Borgum alla daga
frá klukkan 11.00-14.00 – dásam-
legt kaffihús með einstöku útsýni.
Jólasveinarnir í Dimmuborgum
Dimmuborgir í Mývatnssveit eru heimkynni jólasveinanna og hafa verið það frá örófi alda. Eða síðan Grýlu og Leppalúða fannst
vera farið að þrengja að sér. Sveinarnir fara í sitt árlega jólabað, fá hundruð bréfa og hitta börn og fjölskyldur þeirra á Hallarflöt.
Gluggagægir, Þvörusleikir og Gáttaþefur bregða á leik.Hópmynd af sveinunum góðu á sínum heimaslóðum.
Stuðið er oft mikið á Hallarflötinni. Þvörusleikir og Gáttaþefur. Hurðaskellir bíður við hliðið. Dansað í kringum jólatréð.
Benedikt Bóas
Hinriksson
benediktboas@frettabladid.is
Í Safnbúðinni eru eigulegir list-gripir, bækur, kort og plaköt, sem tengjast sýningunum, safn-
eigninni og listinni almennt. Þessa
dagana er safnbúðin að komast í
jólaskapið og býður glæsilegt vöru-
val í jólapakkana smáa og stóra.
Vala Karen Guðmundsdóttir,
umsjónarmaður verslunarinnar,
segir vandað úrval af einstökum
listgripum til sölu í Safnbúðinni.
„Við erum stolt af miklu úrvali
listaverkakorta og plakata sem
safnið gefur sjálft út. Sömuleiðis
breiðu úrvali listaverkabóka, sem
gleðja augað og eru fallegar á sófa-
borðinu. „Ég get til dæmis nefnt
nýútkomna bók sem heitir 130
verk úr safneign Listasafns Íslands.
Í henni eru 130 valin listaverk og
ljósmynd og texti um hvert verk,“
upplýsir Vala Karen og bætir við
að þetta sé „aðgengileg og flott bók
sem kosti aðeins 6.700 krónur –
tvímælalaust jólagjöfin í ár fyrir
allt listaáhugafólk.“
Auk gjafakorta á hreinasta gjaf-
verði, plakata og bókaúrvals, segir
Vala að í búðinni leynist ýmsir dýr-
gripir sem sumir sjáist ekki annars
staðar. „Við erum með frumlega
list og vandað handverk, svo sem
gripi eftir íslenska leirlistamenn,
armbönd úr roði og leðri, fugla og
fé eftir Aðalheiði, silkislæður frá
Sögu Kakala, Krílin frá Línu Rut
og vörur frá Dimmalimm sem eru
sívinsælar til ungbarnagjafa. Mér
þætti líka flott gjöf að setja listrænt
plakat frá Listasafninu í ramma.“
Fésbókarsíða búðarinnar birtir
reglulega freistandi tilboð og þar
sést hluti úrvalsins, en „auðvitað
jafnast ekkert á við að fá fólk í búð-
ina og njóta þess að veita því góða
þjónustu,“ segir Vala að lokum.
Safnbúð Listasafns Íslands er opin
alla daga nema mánudaga frá
klukkan 10-17.
Eiguleg list hjá Listasafni Íslands
Vala Karen er hér í fallegri verslun í Listasafni Íslands. FRÉTTABLAÐIÐ/ANTON
Það er margt fagurra listgripa að
finna í Safnbúðinni, meðal þeirra
eru plaköt eftir þekkta listamenn.
Fallega listgripi sem prýða heimilið
má finna í Safnbúðinni í Listasafni
Íslands.
Listasafn Íslands við
Tjörnina er skemmtilegt
að heimsækja. Safnið
er í fallegri byggingu
þar sem spennandi
sýningar laða gesti
að. Einnig er þar
glæsileg Safnbúð með
eigulegum listgripum.
KYNNING
JÓL 2019 2 6 . N Ó V E M B E R 2 0 1 976