Fréttablaðið - 26.11.2019, Side 115

Arnar Tómas
Valgeirsson
arnartomas@frettabladid.is
Jólin eru líklega sá tími ársins þegar landsmenn halda hvað fastast í hefðirnar. Það ein-
skorðast ekki við hvort það sé
rjúpa eða hnetusteik á aðfanga-
dagskvöldi heldur horfa líka
margir á sömu jólamyndirnar ár
eftir ár. Hvort sem það er Bruce
Willis eða Chevy Chase sem verður
fyrir valinu er vissulega notalegt
að hjúfra sig í nostalgíu en á sama
tíma missir fólk af skemmtilegu
tækifæri. Hátíð ljóssins á sér nefni-
lega stað á myrkasta tíma ársins
sem er gróðrarstía fyrir gæsahúð
og góðar hrollvekjur. Það er því
um að gera að brjóta aðeins upp, fá
sér salsasósu með rjúpunni og gefa
jólahryllingsmyndum séns.
Svört
jól
Slökktu á jólaseríunni,
gefðu Kevin McCallister
verðskuldaða
pásu á jólunum og
smelltu nokkrum
jólahrollvekjum á
skjáinn í myrkrinu.
Black Christmas (1974)
Vanmetin mynd sem hefur
orðið költ á síðari árum. Stúlkur
í háskólasystralagi fá perralegar
upphringingar frá trufluðum ein-
staklingi sem er ekki jafn meinlaus
og hann hljómar í fyrstu. Sögu-
þráðurinn kemur sífellt á óvart og
mikið er gert fyrir lítinn pening.
Ástæðan fyrir því að myndin hefur
að mestu gleymst er líklega sú að
lítið sést af morðingjanum sem er
fyrir vikið ekki jafn einkennandi
og kollegar hans Michael Myers
og Jason. Það vita þó flestir ótta-
sæknir að það ýtir aðeins undir
óhugnaðinn.
Gremlins (1984)
Það er eiginlega mesta furða að
gráðugir framleiðendur hafi ekki
stokkið á Greppitrýnin í núverandi
gósentíð endurgerðanna. Ungur
strákur eignast einkennilegt
gæludýr og því fylgja önnur og
fleiri sem breytast í skrímsli við
furðulegar aðstæður. Myndin er
stórskemmtileg og mætti eigin-
lega flokkast sem ævintýramynd
þótt hún sé virkilega trufluð á
köflum. Mælt er með að halda
fyrir augun á þeim yngstu þegar
örbylgjuofninn birtist á skjánum.
Krampus (2015)
Jólin eru ekki eins alls staðar.
Íslendingar sitja uppi með Grýlu,
en annars staðar þarf fólk að hafa
áhyggjur af Krampusi gamla. Þegar
ungur strákur missir hátíðar-
andann á glötuðum jólum með
vonlausum ættingjum, kallar hann
yfir þau hinn djöfullega Krampus
og hræðilegt fylgdarlið hans. Það
er hughreystandi að vita að við
erum ekki eina landið sem nýtur
þess að hræða líftóruna úr ungum
börnum á hátíð ljóss og friðar.

Gleði í jólapakkann
Rare Exports (2010)
Ef það er einhver þjóð sem heldur
jafnvel enn myrkari jól en við þá
eru það Finnarnir. Hér bjóða þeir
okkur upp á brenglað jólaævintýri
þar sem Sveinki gamli er grafinn
upp úr jörðinni, og hann er ekki
alveg jafn rjóður og góður eins og
við munum eftir honum. Myndin
er blóðug og drepfyndin – frábær
leið til að rífa sig úr hátíðarskap-
inu sem á það til að halda sér allt
of lengi.
JÓL 2019 2 6 . N Ó V E M B E R 2 0 1 994