Fréttablaðið - 27.04.2016, Qupperneq 12

Frá degi til dags
Útgáfufélag: 365 miðlar ehf. Stjórnarformaður: Ingibjörg Stefanía Pálmadóttir forStjóri: Sævar Freyr Þráinsson Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Fanney Birna Jónsdóttir fanney@frettabladid.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is. Fréttablaðið kemur út í 90.000 eintökum og er dreift ókeypis
á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSn 1670-3871
fréttaBlaðið Skaftahlíð 24, 105 reykjavík Sími: 512 5000, ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Ólöf Skaftadóttir olof@frettabladid.is og Viktoría Hermannsdóttir viktoria@frettabladid.is
menning: Magnús Guðmundsson magnus@frettabladid.is ljóSmyndir: Pjetur Sigurðsson pjetur@frettabladid.is framleiðSluStjóri: Sæmundur Freyr Árnason sfa@frettabladid.is ÚtlitShönnun: Silja Ástþórsdóttir siljaa@frettabladid.is
Halldór
Fanney Birna
Jónsdóttir
fanney@frettabladid.is
Árni Páll
Árnason
formaður Sam-
fylkingarinnar
Við þurfum
líka að banna
Íslendingum
að halda fé í
skattaskjólum
og slitabú
hinna föllnu
banka eiga
að opna allar
upplýsingar
um viðskipti
þeirra á af­
landssvæðum
fyrir hrun.
Lilja Eggertsdóttir
sópran
Aladár Rácz
píanóleikari
Miðaverð 1.500 kr.
Í Fríkirkjunni í Reykjavík
fimmtudaginn 28. apríl kl. 12
Verk eftir Debussy, Grieg,
R. Strauss, A. Berg og fleiri.
Ást og
angurværð
- hádegistónleikar
Í umræðu undanfarinna vikna um skattaskjól höfum við ótal sinnum heyrt þær afsakanir að stofnun aflandsfélags hafi nú enga þýðingu haft,
því það hafi aldrei verið notað. Þetta heyrist jafnt
frá ráðherrum og forstjórum lífeyrissjóða.
Þessi röksemd kallar á stóra spurningu: Af hverju
var þá verið að búa félagið til? Ríkisskattstjóri stað-
hæfir að tilgangur með eign í skattaskjóli geti bara
verið tvenns konar: Að forðast skattlagningu eða
fela eignarhald. Þennan skilning hefur yfirskatta-
nefnd staðfest og hann er í samræmi við viðhorf
alþjóðastofnana sem best til þekkja.
Ef stjórnmálamenn eða forsvarsmenn lífeyris-
sjóða almennings stofna félög af þessum toga
blasir því við að ásetningur liggi að baki um annað
tveggja: Að forðast skattskil eða fela eignarhald
fyrir almenningi, fjölmiðlum eða þeim reglu-
vörðum og eftirlitsaðilum sem ætlað er að afstýra
innherjaviðskiptum. Við getum ekki búið við slíkt.
Við völd eru hér enn ráðherrar sem átt hafa
aflandsfélög og forsvarsmenn stjórnarflokkanna
fyrr og nú hafa verið á kafi í viðskiptum í skatta-
skjólum. Það er ófært. Fordæmi forsvarsmanna
lífeyrissjóða sem hafa vikið úr starfi ætti að verða
þrásetumönnum stjórnarflokkanna til umhugs-
unar. Ísland þarf að hrista af sér þennan orðspors-
hnekki. Hluti af því er að taka þátt í baráttu gegn
skattaskjólum og í því skyni taka þátt í alþjóðlegu
átaki eins og því sem Sergei Stanishev, formaður
PES, flokks evrópskra jafnaðarmanna, kynnti hér á
landi um helgina.
Við í Samfylkingunni munum leggja til að
Ísland gangist fyrir viðskiptabanni á skattaskjóls-
ríki á alþjóðavettvangi. Við þurfum líka að banna
Íslendingum að halda fé í skattaskjólum og slitabú
hinna föllnu banka eiga að opna allar upplýsingar
um viðskipti þeirra á aflandssvæðum fyrir hrun.
Hugsið ykkur: Allt sem við vitum kemur frá einni
lögmannsstofu í Panama. Það eru miklu fleiri lög-
mannsstofur í Panama og miklu fleiri lönd sem
sérhæfa sig í skattaskjólum en Panama. Það þarf
allt upp á borðið.
Stóra spurningin
Smjörklípan
Vilhjálmur Þorsteinsson, hlut-
hafi í Kjarnanum og fjárfestir,
átti félag á Tortóla samkvæmt
Panama-skjölunum. Frétta-
miðillinn Eyjan hafði raunar
sagt frá þessu í lok mars á þessu
ári en ásökununum hafnaði
Vilhjálmur alfarið og sagði
fréttirnar smjörklípu og upp-
spuna frá rótum. Margnefnd
brauðmolakenning gengur út
á að mylsna af borðum þeirra
ríku hrökkvi niður til hinna
fátæku og tryggi þar með sam-
félag þar sem allir hafa í sig og
á. Það er kannski ekkert skrítið
að almenningur sé pirraður,
hafandi borðað þurrt brauð á
meðan smjörið var á Tortóla.
Adolf Seljan
„Nú skiptir bara máli að ala
á ólgu og tortryggni alveg
eins Hitler og smámennin í
kringum hann gerðu,“ sagði
Sigurður G. Guðjónsson lög-
maður í pistli á Pressunni í
gær og á þá við vinnubrögð
Kastljóss í Panama-málinu.
Mike Godwin bjó til hugtakið
Reductio ad Hitlerum og er
fólk almennt sammála um að
það að beita samlíkingu ein-
hvers við Hitler sé sjálfkrafa
gengisfelling á rökfærslu við-
komandi. Sigurður er svo sem
ekki ókunnugur gengisfellingu
enda var hann stjórnarmaður í
Glitni fram að hruni. Þar urðu
nú einhver aflandsfélögin til.
snaeros@frettabladid.is
Milli níu og tíu prósent vinnuafls á Íslandi eru erlendir ríkisborgarar. Vegna vaxtar í ferðaþjónustu hefur hlutfallið hækkað hratt og nú styttist í að það verði hærra en var fyrir hrun. Sú breyting hefur
orðið að nú er ekki aðeins eftirspurn eftir karlmönnum
í störf í byggingariðnaði, heldur koma nú bæði karlar og
konur, flest til að vinna hér í ferðaþjónustunni. Þó hefur
eftirspurn í byggingariðnaði einnig aukist undanfarið.
Fréttablaðið greindi frá því fyrir helgi að hvala-
skoðunarfyrirtækið Elding hefði auglýst eftir tveimur
sérfræðingum í ólaunuð störf við rannsóknir á hegðun
hvala. Í auglýsingunni kom fram að ætlast væri til að auk
vísindastarfa ætti starfsfólkið að vera tilbúið að þrífa
salerni og jafnvel ælu, vinna á bar og færa til þunga hluti.
Framkvæmdastjóri fyrirtækisins, sem harmaði birtingu
auglýsingarinnar, sagði að þessi verk væru unnin til að
„létta á móralnum“ en oft væri þungur mórall meðal
áhafnar hvalaskoðunarskipanna vegna veru sérfræðing-
anna um borð.
Það kom ekki mikið á óvart að BHM gerði alvarlegar
athugasemdir við auglýsinguna. Hún fæli í sér skýrt
brot á kjarasamningum og lögum, greiða verði laun
samkvæmt kjarasamningum. Lögmaður BHM sagði
skýringar framkvæmdastjórans ekki duga til, störf verði
að vera launuð.
Á málþingi í síðustu viku var rætt um stöðu erlends
vinnuafls hér á landi. Halldór Grönvold, aðstoðarfor-
stjóri Vinnumálastofnunar, ræddi þar hagnýtingu ferða-
þjónustufyrirtækja á sjálfboðaliðum. „Nýjasta uppfinn-
ingin í þessari brotastarfsemi er erlent ungt fólk sem
er fengið hingað til sjálfboðaliðastarfs í starfsþjálfun
en er bara notað til undirboða á vinnumarkaði,“ sagði
Halldór. Hann nefndi framleiðslu á vöru og þjónustu á
markaði þar sem kjarasamningar gildi en sjálfboðalið-
unum sé aðeins boðið fæði og húsnæði sem endurgjald.
Brot þessi beinast að þeim sem veikastir eru fyrir,
þeim sem ekki þekkja réttindi sín, íslenskan vinnu-
markað og leikreglur. Þeim sem auk þess hafa fá tæki-
færi til að leita sér aðstoðar og gisið tengslanet á Íslandi.
Ljóst er að huga þarf vel að réttindum þeirra einstak-
linga sem hingað sækja störf og koma í veg fyrir brota-
starfsemi hjá fyrirtækjum. Atvinnuleysi hér á landi er
lítið og uppsveifla er í samfélaginu. Það er fagnaðarefni
en gamanið kárnar ef þessari bættu stöðu er mætt með
lögbrotum og misnotkun. Erlent launafólk og ung-
menni sem hingað vilja koma og taka þátt í atvinnulíf-
inu eru okkur nauðsynleg. Við þurfum að taka vel á móti
þeim sem hingað vilja koma og taka þátt í uppbyggingu
á íslensku atvinnulífi.
Upplýsa þarf erlent launafólk um réttindi þess og
skyldur og kenna því á íslenskan vinnumarkað. Virkt og
öflugt eftirlit er lykillinn. Starfsemi sem ekki hefur efni á
því að greiða lágmarkslaun er starfsemi sem gengur ekki
upp. Lendi atvinnurekendur í slíkri stöðu er lausnin
að pakka saman og gefast upp – ekki leita leiða til að
skera niður launakostnað með kjarasamningsbrotum.
Það þarf að herða viðurlög við brotum af þessu tagi.
Þeim sem stunda slíkt á að vera ljóst að það líðst engan
veginn.
Gróðasvindl
Starfsemi sem
ekki hefur
efni á því að
greiða lág­
markslaun er
starfsemi sem
gengur ekki
upp.
2 7 . a p r í l 2 0 1 6 M I Ð V I K U D a G U r12 s K o Ð U n ∙ F r É T T a B l a Ð I Ð
SKOÐUN