Fréttablaðið - 27.04.2016, Blaðsíða 19

fólk
kynningarblað 2 7 . a p r í l 2 0 1 6 M I Ð V I K U D a G U r
Alþjóðlegi borðspiladagurinn verð­
ur haldinn hátíðlegur í versluninni
Spilavinum í Reykjavík laugar­
daginn 30. apríl. Boðið verður upp
á fjölbreytta spiladagskrá, mót,
kynningar og ýmsar aðrar uppá­
komur. Dagskráin hefst kl. 11 og
stendur yfir langt fram á dag að
sögn Svanhildar Evu Stefánsdótt­
ur og Lindu Rósar Ragnarsdóttur,
eigenda Spilavina.
„Alþjóðlegi borðspiladagurinn
er hátíð fyrir þá sem hafa gaman
af því að spila. Hún var fyrst haldin
árið 2013 þegar Boyan Radakovich
og félagar hans á YouTube­rásinni
Geek & Sundry streymdu heilan
dag af borðspilum fyrir áhorfend­
ur sína. Með þátttöku stórra nafna
í spilaheiminum hefur dagurinn
þróast út í að vera haldinn í yfir 80
löndum og er þá spilað allan daginn,
bæði í sérstökum spilabúðum og svo
í heimahúsum ef það er enginn vett­
vangur nálægur,“ segir Linda Rós.
Flókin Framkvæmd
Dagskráin er fjölbreytt að sögn
Svanhildar Evu og erfitt að draga
eitthvað sérstakt út enda er fólk með
mismunandi smekk í spilum. „Þó má
segja að Pandemic Survival mótið
sé það flóknasta í framkvæmd. Þar
munu allir þátttakendur spila ná­
kvæmlega sama spilið en aðeins
viðbrögð þeirra við því sem gerist
munu skera úr um velgengni þeirra.
Þetta er því spennuþrungnasti við­
burður dagsins þótt vissulega séu öll
mót og keppnir spennandi.“
Einnig nefna þær spilið Varúlf
sem verður í gangi allan daginn.
„Spilið þekkja margir úr skólum og
félagsmiðstöðvum en það gengur út
á að hópur þorpsbúa reynir að svæla
út varúlfa sem herja á þorpið.“
Annað skemmtilegt borðspil er
hópspilið Two Rooms and a Boom.
„Spilið leyfir jafnvel tugi þátttak­
enda í sama spilinu og er spilað í
tveimur herbergjum. Annað liðið
hefur forseta og hitt liðið tilræðis­
mann og vinna stuðningsmenn til­
ræðismannsins ef þeir enda í sama
herberginu í lok leiks.“
EFtirminnilEgur dagur
Þær segja alls konar fólk mæta
til að spila og meðalaldurinn sé
vafalaust hærri en marga grun­
ar. „Dagskráin verður bæði stíluð
inn á reynda spilara og þá sem eru
byrjendur. Maðurinn hefur spilað í
mörg þúsund ár og því er það okkur
eðlislægt að etja kappi við hvert
annað, eiga í áhugaverðum sam­
skiptum og bara hreinlega dunda
okkur eitthvað saman. Borðspilin
eru tæki sem hjálpa okkur við þetta
allt. Við munum a.m.k. bjóða upp á
alls konar spil allan næsta laugar­
dag á öllum borðum. Dagurinn á
eftir að verða skemmtilegur og eft­
irminnilegur þar sem við ætlum að
prófa alls konar nýja hluti og hitta
æðislegt fólk.“
Nánari upplýsingar og dagskrá má
finna á Facebook undir Alþjóðlegi
borðspiladagurinn.
Spilað með skemmtilegu fólki
Árlegur alþjóðlegur borðspiladagur verður haldinn næsta laugardag í Spilavinum. Dagskráin miðar við bæði byrjendur og
lengra komna og er mjög fjölbreytt. Skipuleggjendur búast við eftirminnilegum degi með hópi fólks á öllum aldri.
Linda Rós Ragnarsdóttir (t.v.) og Svanhildur Eva Stefánsdóttir eru eigendur Spilavina. Með þeim er Andri Þór Sturluson, starfsmaður verslunarinnar. MYND/ANTON BRINK
Veglegt sérblað um
EM í Frakklandi
kemur út 1. júní
Jón Ívar Vilhelmsson
Sími 512-5429
jonivar@365.is
Bryndís Hauksdóttir
Sími 512-5434
bryndis@365.is
Atli Bergman
Sími 512-5457
atlib@365.is
Jóhann Waage
Sími 512-5439
johannwaage@365.is
Fyrir auglýsingar eða kynningar hafið samband við: