Morgunblaðið - 23.09.2019, Blaðsíða 19

asti leikvöllur á neðri hæðinni og
hægt að undirbúa flottar fimleika-
sýningar eða leiksýningar með
öllum barnabörnunum til að sýna
ykkur fullorðna fólkinu. Þú varst
alltaf svo dugleg að halda veislur
og hafa alla stórfjölskylduna sam-
an við fjölda tækifæra og við bú-
um öll að því og sækjum mikið
hvert í annað. Það að við systkinin
ólumst upp í sama húsi og þú ólst
upp í og heyra sögurnar af húsinu
og umhverfinu eins og það var þá
er svo skemmtilegt og fyrir vikið
þykir mér enn vænna um upp-
eldisheimilið. Ekki má gleyma
sérstaklega góðum minningum úr
öllum veiði- og bústaðaferðunum
þegar við vorum yngri, útlanda-
ferðunum sem öll stórfjölskyldan
fór saman í, til Portúgals í sum-
arfrí og svo til Danmerkur á af-
mælinu hans afa. Þetta er svo
góður og skemmtilegur hópur
sem þið afi hafið alið af ykkur. Síð-
ustu árin hafa börnin okkar Gauja
notið þess að vera mikið með ykk-
ur og þykir vænt um að eiga lang-
ömmu og langafa sem setjast með
þeim, spjalla, leika og dekra þau
með sætindum og gjöfum.
Saknaðarkveðja,
Elín, Gaui, Bryndís,
Bergur og Breki.
Elskuleg amma mín og nafna
hefur nú kvatt þennan heim. Orð
fá því varla lýst hversu mikið ég
sakna hennar og mun gera um
ókomna tíð.
Þegar ég var unglingur var ég
svo heppin að fá að búa um tíma
heima hjá ömmu og afa í Kringl-
unni. Þá fékk ég alltaf eitthvað
hollt og gott að borða, en amma
var snillingur í matargerð og þá
voru fiskibollur með kartöflum í
sérlegu uppáhaldi hjá mér. Ég er
þakklát fyrir að hafa fengið að
búa með þeim því það mynduðust
sterk tengsl milli mín og ömmu.
Tengsl sem verða ekki rofin.
Amma var með svo hlýja nærveru
og við áttum ótal gæðastundir
saman á kvöldin uppi í sófa að
horfa á eitthvað skemmtilegt í
sjónvarpinu.
Í gegnum tíðina höfum við átt
svo mörg skemmtileg samtöl um
lífið og tilveruna, ástina og í raun
allt milli himins og jarðar.
Það var yndislegt að upplifa
ástríkt samband afa og ömmu.
Þau voru alltaf svo góð hvort við
annað og ég á erfitt með að sjá afa
án ömmu.
Vertu sæl amma mín. Ég syrgi
þig en góðu minningarnar og
þakklætið eru sorginni yfirsterk-
ari. Þú hefur markað líf mitt sem
og okkar allra í fjölskyldunni og
sá sem auðgar líf annarra hefur
vissulega lifað góðu og þýðingar-
miklu lífi.
Elsku amma ég bið Guð að
geyma þig.
Takk fyrir samveruna, skiln-
inginn, gleðina og umhyggjuna.
Saknaðarkveðjur.
Þín nafna,
Ólöf Sif Ólafsdóttir
og fjölskylda.
Við viljum minnast elskulegrar
ömmu okkar með nokkrum orð-
um. Við munum ávallt minnast
þess hve það var notalegt og hlý-
legt að koma heim til ömmu og
afa, bæði á Fáfnisnesið og seinna í
húsið við Kringluna. Þar hefur
okkur alltaf verið tekið opnum
örmum og boðið upp á kaffi og
með því. Olla amma var mjög fær
í eldhúsinu og gerði hún meðal
annars bestu kjöt- og blómkáls-
súpuna, plokkfiskinn og pipar-
kökurnar. Hún var mjög nýjunga-
gjörn og fengum við að smakka
nokkrar nýjungar fyrst hjá
ömmu, meðal annars mango chut-
ney-fisk. Mikið er til af uppskrift-
um frá ömmu sem við notum, mik-
ið var oft gott að geta bjallað og
fengið ráð um hina og þessa mat-
seldina.
Þegar við vorum krakkar
fannst okkur mjög gaman að fá að
leika með slæðurnar hennar
ömmu og oft var mikið fjör á
Fáfnisnesinu þar sem neðri hæð-
inni var breytt í fimleikasal og við
krakkarnir fengum að hlaupa um
og vera með læti og hamagang.
Við ferðuðumst töluvert með
ömmu og afa, við fórum flest sum-
ur í veiðiferðir með þeim norður í
Hrútafjörð. Það var kannski ekki
mikið veitt en alltaf gaman að
vera saman og margt brallað, t.d.
farið í berjamó. Einnig eigum við
ógleymanlegar minningar um ut-
anlandsferðir með þeim, meðal
annars okkar fyrstu Spánarferð.
Við borðuðum saman nánast
vikulega, ýmist heima hjá ömmu
og afa eða hjá mömmu og pabba
þar sem alltaf var desert í boði.
Okkur finnst ómetanlegt að
börnin okkar hafi fengið að kynn-
ast og njóta samverustunda með
langömmu sinni – þau lýsa henni
sem góðri, fallegri og fínni konu
sem ávallt var til í að dekra þau
með góðgæti eins og piparkökum.
Amma var mikil fjölskyldukona
sem hélt vel utan um sitt fólk, hún
var hjartahlý og hafði gaman af
því að tala fallega um og segja frá
afrekum og góðum eiginleikum
sinna fjölmörgu afkomenda.
Amma var alltaf falleg og vel til
fara, hún hafði gaman af því að
spá í tískuna og fylgdist vel með
nýjustu straumum. Heimili þeirra
afa hefur alltaf verið smart og fal-
legt og staður þar sem okkur líður
vel.
Hennar verður sárt saknað í
okkar fjölmörgu samverustund-
um og hefðum sem hún hefur átt
svo stóran þátt í að skapa og á
sama tíma kennt okkur gildi þess
hversu mikilvægt það er að hlúa
að og rækta sambönd við sína
nánustu.
Hvíl í friði, elsku amma okkar –
við munum geyma fallegar minn-
ingar um þig í hjarta okkar.
Hildur Pála, Inga Rán,
Atli Freyr og Illugi Þór
Gerðu- og Gunnarsbörn.
Við munum þær góðu stundir
sem við áttum með þér hvort sem
það var heima fyrir, í sumarfríi,
veiðiferðum, utanlandsferðum
með stórfjölskyldunni eða í boð-
um og veislum.
Í Skerjafirðinum vorum við ná-
grannar á uppvaxtarárum okkar
systra og sællar minningar var
það ósköp notalegt að vita af
ömmu og afa í næsta húsi. Amma
átti alltaf til góðan mat og sætindi
og var því ekki óvinsælt hjá okkur
systrum að fara í heimsókn yfir
götuna á Fáfnisnesinu. Þar var
gott að vera og áttum við það til að
fara oft á dag til að fá snarl, lesa
bækur og spjalla um daginn og
veginn. Einnig var ósköp notalegt
að gista hjá þeim og þá kom ber-
lega í ljós hversu lík önnur okkar
var ömmu sinni sem fór oft seint
að sofa og naut þess að sofa út í ró-
legheitum.
Amma átti ótal margar fallegar
slæður og nutum við systur og all-
ar frænkurnar góðs af því og héld-
um ófáar tískusýningarnar fyrir
þau hjón. Amma var líka alltaf
mjög fín til fara og vissi oftar en
ekki af bestu útsölunum og rák-
umst við ósjaldan á hana í Kringl-
unni sem endaði oft með kaffiboði
hinumegin við götuna.
Eitt af því sem amma hefur
kennt okkur er hversu mikilvægt
það er að eiga áhugamál, hvort
sem það tengist matargerð, tísku,
bíómyndum eða íþróttum. Við
þekkjum ekki margar ömmur
sem vita allt um öll þau íþróttamót
sem í gangi eru og vilja tala um
leikinn. Svo var líka alltaf jafn
notalegt á námsárunum erlendis
að fá hringingu frá ömmu síðla
kvölds í gegnum skype, þegar hún
var orðin ein á fótum á heimilinu
og ekkert að spá í tímamismun-
inn.
Þú lékst stórt hlutverk í lífi
okkar og allra í fjölskyldunni og
mun þín verða sárt saknað. Við
minnumst þín með gleði, hlátri og
góðum minningum og verðum æv-
inlega þakklátar fyrir allan þann
tíma sem við áttum með þér. Hvíl í
friði, elsku amma.
Þínar
Margrét og Bryndís.
MINNINGAR 19
MORGUNBLAÐIÐ MÁNUDAGUR 23. SEPTEMBER 2019
✝ Þórunn Ólafs-dóttir fæddist
16. júní 1932 í
Reykjavík. Hún lést
á Hrafnistu í
Hafnarfirði 10.
september 2019.
Foreldrar henn-
ar voru Ólafur Guð-
jónsson vélstjóri og
Emelía Einars-
dóttir. Bróðir henn-
ar var Brynjólfur
Ólafsson, f. 1928, d. 1990.
Þórunn giftist 11. apríl 1959
Magnúsi Oddssyni vélstjóra, f.
14.10. 1934, d. 7.4. 2014. Börn
þeirra: 1) Hörður Sigurgeirsson,
f. 24.10. 1955. Hans kona Matt-
hildur Sonja Matthíasdóttir.
annarat. Börn Odds: Ólafur
Magnús, hans sonur Valtýr
Nökkvi og Hörður Þór, f. 29.9.
2008, d. 12.9 2013. Dóttir Met-
hiku er Pannee Tortun. 3) Ólaf-
ur Magnússon, f. 29.8. 1960,
maki Wai Tipson. Börn Rangsan
Wongkhamjan, Leó Ólafsson og
Magnús Þór Ólafsson. 4) Magn-
ea Lovísa Magnúsdóttir, f. 25.6.
1967. Hennar maður Stefán
Kjartan Kristjánsson. Börn, a.
Kristján Stefánsson, hans kona
Jóhanna Halldóra Hinz, barn
Stefán Kjartan. Hennar börn:
Matthildur Magdalena og El-
ísabeth Elva. b. Þórunn, c.
Magnús.
Þórunn vann um árabil hjá
Vinnuveitendasambandi Íslands
og í iðnaðarráðuneytinu.
Útför fer fram frá Hafnar-
fjarðarkirkju í dag, 23. septem-
ber 2019, klukkan 13.
Sonur Harðar er
Ingi Þór, hans kona
Ingibjörg Ása Júl-
íusdóttir. Börn
þeirra: Styrmir Þór
og Júlíus Þór. Börn
Matthildar Sonju:
a. Sigrún Jóhann-
esdóttir, maki Val-
geir J. Birch. Börn
a. Karl Anton og
Valgeir Þór. b. Re-
bekka Jóhann-
esdóttir, börn Sonja Marie,
Innika Sjöfn og Kolbrún Tinna.
c. Matthías Már Jóhannesson,
maki Katla Steinþórsdóttir.
Börn: Patrekur Már og Ragnar
Már. 2) Oddur Magnússon, f.
26.1. 1959, maki Methika Suv-
Elsku mamma. Það er komið
að kveðjustund. Margs er að
minnast, eingöngu fallegar minn-
ingar. Þú varst alin upp á Grett-
isgötu 72 við ást og öryggi harð-
duglegra forelda ásamt Billa
bróður þínum. Þrjú systkini dóu í
fæðingu, öll fyrirburar. Eftir
hefðbundna skólagöngu og gagn-
fræðapróf fóruð þið tvær vinkon-
ur til Svíþjóðar, fyrst í skóla og
svo vinnu. Tveggja ára ævintýri
fyrir ungar stúlkur af Íslandi.
Þegar þú komst heim kynntistu
pabba og brátt stækkaði fjöl-
skyldan og þið festuð kaup á lítilli
kjallaraíbúð á Grundarstíg. Þá
herjuðu berklar á fjölskylduna.
Það eru ekki mörg ár síðan þú
sagðir mér frá því hversu erfitt líf-
ið var þegar berklar herjuðu og þú
þurftir að ganga Grundarstíginn
og tilkynna um berklasmit með
okkur þrjá bræðurna heima veika
og pabba á Vífilsstöðum.
Við bræðurnir brögguðumst en
pabbi náði sér aldrei þrátt fyrir
tveggja ára vist á Vífilsstöðum. Þá
var gott að eiga ömmu að og við
fluttumst á Grettisgötuna.
Tryggð þín og stuðningur við
pabba var aðdáunarverður, pabbi
hafði gott hjartalag en glímdi við
veikleika sem hafði mikil áhrif á
okkur öll. Hann talaði oft um það í
seinni tíð að stóra lánið í lífinu
hefði verið að giftast mömmu.
Kannski voru seinni árin þau
bestu og yndislegt að sjá hve góð
þið voruð hvort við annað.
Þegar ég var 12 ára fór ég með
pabba til London vegna hjarta-
gallans. Þú sagðir þá að allt myndi
ganga vel, en ég vissi að þú varst
jafnkvíðin og ég. Ég sá það í tár-
unum. Þegar ég kom heim og var
að jafna mig varst þú til staðar.
Þegar erfið unglingsárin tóku við
varstu til staðar. Þegar skap-
brestir leiddu mig í ógöngur
varstu til staðar. Þú varst alltaf til
staðar fyrir okkur öll, systkinin.
Þegar við vorum rúmlega tvítugir
var ég heima hjá Óla bróður á
Mánagötu og þú hringdir og
spurðir hvort við ætluðum ekki að
koma í sunnudagslærið. Nei, við
vorum að skemmta okkur að
hætti ungra manna og máttum
ekki vera að því. Þú lést það ekki
stoppa þig, komst með niðursneitt
læri á tveimur djúpum diskum
með álpappír yfir, komst við í búð
og tveggja lítra kók keypt. Dreng-
irnir voru búnir með blandið.
Þér þótti vænt um vinnustað-
ina, bæði VSÍ og iðnaðarráðu-
neytið. Þar kynntist þú góðu og
skemmtilegu fólki. Þitt aðals-
merki hefur ávallt verið þar sem
annars staðar; heiðarleiki og orð-
varkárni. Seinna þegar Hörður
Þór litli drengurinn minn dó
reyndi ég að fela sorg mína fyrir
þér en ég held þú hafir vitað
hvernig mér leið. Þú sagðir þegar
ég sjálfur var lítill drengur með
ærsl og óþekkt: ég þekki mitt fólk.
Þá taldi ég sjálfsagt að eiga
mömmu með endalausa ást og
þolinmæði. Þegar ég varð eldri
gerði ég mér grein fyrir að svo var
ekki, þess vegna er söknuður
minn blandaður þakklæti.
Oddur.
Þórunn Ólafsdóttir
Minningar
og andlát
Vefur þar sem er sameinað efni sem snýr að andlátum og útförum.
Þar eru birtar andláts-, útfarar- og þakkartilkynningar sem eru aðgengilegar öllum
en auk þess geta áskrifendur lesið minningargreinar á vefnum.
Á vefnum er að finna upplýsingar um þjónustuaðila sem aðstoða þegar andlát
ber að höndum og aðrar gagnlegar upplýsingar ætlaðar aðstandendum við fráfall ástvina.
www.mbl.is/andlát
Minningargreinar
Hægt er að lesa minningargreinar,
skrifa minningargrein ogæviágrip.
Þjónustuskrá
Listi yfir aðila og fyrirtæki sem aðstoða
þegar andlár ber að höndum.
Gagnlegar upplýsingar
Upplýsingar og gátlisti fyrir
aðstandendum við fráfall ástvina
Nýr minningarvefur á mbl.is