Morgunblaðið - 23.09.2019, Blaðsíða 25

ÍÞRÓTTIR 25
MORGUNBLAÐIÐ MÁNUDAGUR 23. SEPTEMBER 2019
VANTAR ÞIG STARFSFÓLK?
Suðurlandsbraut 6, Rvk | S. 419 9000 info@handafl.is | handafl.is
Við útvegum hæfa
starfskrafta í flestar
greinar atvinnulífsins
Traust og fagleg
starfsmannaveita
sem þjónað hefur íslenskum
fyrirtækjum í áraraðir
HANDBOLTI
Ívar Benediktsson
Bjarni Helgason
Jóhann Ingi Hafþórsson
Afturelding hefur áfram fullt hús
stiga í Olísdeild karla í handknattleik
eftir sigur á lánlausum leikmönnum
Fram, 25:23, á Varmá í gærkvöldi í
viðureign þar sem Framliðið var
sterkara lengst af. Það dugði þeim
Safamýrardrengjum skammt og þeir
sitja enn á botni deildarinnar án
stiga en geta þó huggað sig með að
framfaramerki eru á leik þeirra.
Hvort sem þeim er nú huggun í
þeirri staðreynd eða ekki.
Fram var nánast án undantekn-
inga með yfirhöndina í viðureigninni
á Varmá í 45 mínútur. Mest var for-
skotið fimm mörk. Aftureldingarliðið
virtist miður sín lengi vel og leik-
menn gerðu sig seka um einföld mis-
tök í sóknarleiknum. Þegar á leið
hrifu hins vegar breytingar á sókn-
ar- og varnarleik liðsins. Sjö manna
sóknarleikur Mosfellinga reyndist
Framliðinu þrautin þyngri að leysa
auk þess sem 5/1-vörn heimamanna
olli gestunum búsifjum, svo slæmum
að þeim féll nánast allur ketill í eld
um tíma. Mosfellingar nýttu tæki-
færið, sneru taflinu við og náðu að
hanga á forskotinu eins og hundur á
roði á endasprettinum. iben@mbl.is
Markvarsla Stephens ekki nóg
Haukar sluppu með skrekkinn
þegar liðið tók á móti Stjörnunni í
úrvalsdeild karla í handknattleik, Ol-
ísdeildinni, á Ásvöllum í Hafnarfirði í
þriðju umferð deildarinnar í gær.
Leiknum lauk með þriggja marka
sigri Hauka, 23:20, en Garðbæingar
leiddu með fjórum mörkum í hálf-
leik.
Haukar spiluðu hreinlega illa
fyrstu fjörutíu mínútur leiksins og
sóknarleikur liðsins var langt frá því
að vera til útflutnings. Leikmenn
voru hægir, sóknirnar mjög tilvilj-
unarkenndar og skotin slök. Grétar
Ari Guðjónsson og Brynjólfur Snær
Brynjólfsson komu sínu liði inn í
leikinn á ögurstundu.
Garðbæingar voru fínir í fyrri
hálfleik en í þeim síðari dró mikið af
liðinu. Varnarleikurinn var hins veg-
ar góður mestallan leikinn og Steph-
en Nielsen langbesti maður vallarins
með 21 skot varið. Ákvarðanatakan í
seinni hálfleik var alls ekki góð í
sóknarleiknum og þar tapaðist leik-
urinn.
Sigur Hauka var ósannfærandi og
ef þeir hefðu verið að mæta betra liði
hefðu þeir aldrei farið með sigur af
hólmi, einfaldlega vegna þess að það
vantaði allan hraða í liðið. Það sem
vantaði einna helst upp á hjá
Garðbæingum í gær var reynsla til
þess að klára dæmið. Þá klikkuðu
lykilmenn á ögurstundu eins og
þjálfari liðsins benti blaðamanni á í
viðtali eftir leik. bjarnih@mbl.is
Meistararnir gáfust ekki upp
Valur og Selfoss mættust á
laugardag í fyrsta skipti síðan Sel-
foss sló Valsmenn sannfærandi úr
leik í undanúrslitum Íslandsmótsins
á síðustu leiktíð. Liðin skiptu með
sér stigunum á Hlíðarenda eftir
27:27-jafntefli í skemmtilegum leik.
Valur komst mest sex mörkum yfir í
seinni hálfleik, en eins og oft áður
neituðu Selfyssingar að gefast upp.
Þeir komust yfir í lokin, en Vals-
menn náðu að jafna 20 sekúndum
fyrir leikslok.
Leikurinn var jafn framan af en
um leið og Hreiðar Levý Guðmunds-
son leysti óvenjuslakan Daníel Frey
Andrésson af í markinu náðu Vals-
menn undirtökunum. Hreiðar lokaði
rammanum og Valur fékk auðveld
mörk hinum megin í kjölfarið. Það
má hins vegar ekki slaka á gegn Sel-
fossliðinu. Haukur Þrastarson er
kominn í enn stærra hlutverk eftir
að Elvar Örn Jónsson hvarf á braut.
Haukur virðist njóta þess, því hann
tók hvað eftir annað af skarið í sókn-
inni og skilaði boltanum í netið þar
sem Hreiðar Levý komst hvergi
nærri því að verja. Selfoss er eins og
óstöðvandi lest þegar liðið kemst í
réttan gír.
Bæði lið eru með þrjú stig eftir
þrjá leiki, sem er ekki alslæmt, en
þau vilja meira. Leikmenn og þjálf-
arar beggja liða voru svekktir í leiks-
lok. johanningi@mbl.is
Afturelding á sigurbraut
gegn lánlausu Framliði
 Garðbæingar nýttu ekki tækifærið  Jafntefli hjá Val og Selfossi
Morgunblaðið/Hari
Hittinn Birkir Benediktsson skoraði sjö mörk úr aðeins átta skotum fyrir Aftureldingu í sigri á Fram.
Þrjú lið eru með fjögur stig eftir
tvær umferðir í Olísdeild kvenna í
handbolta. Eins og við var að búast
unnu Fram og Valur tvo fyrstu leiki
sína, en Stjarnan er einnig með tvo
sigra.
Þórey Anna Ásgeirsdóttir fór á
kostum fyrir Stjörnuna og skoraði
tíu mörk í 26:23-sigri á KA/Þór á
heimavelli í eina leik gærdagsins.
Þórey skoraði átta mörk í fyrsta
leik og byrjar með látum. Martina
Corkovic og Hulda Bryndís
Tryggvadóttir skoruðu fimm hvor
fyrir KA/Þór.
Á laugardag vann Fram sannfær-
andi 32:17-sigur á ÍBV. Fram skor-
aði níu af tíu fyrstu mörkunum og
var ekki að spyrja að leikslokum
eftir það. Eins og oft áður var
Ragnheiður Júlíusdóttir drjúg fyrir
Fram með sjö mörk.
Nýliðar Aftureldingar stóðu
lengi vel í Val á útivelli, en staðan í
hálfleik var 16:12, Val í vil. Vals-
konur bættu í og unnu að lokum
sannfærandi 28:18-sigur. Valur
fékk skell gegn Fram í meistara-
keppninni í byrjun tímabils en hef-
ur síðan þá endurheimt Lovísu
Thompson og Díönu Dögg Magnús-
dóttur. Allt annað er að sjá til Vals
þegar þær eru með.
HK náði í fyrstu stig sín með
27:23-sigri á Haukum á heimavelli.
Hin 17 ára gamla Jóhanna Margrét
Sigurðardóttir skoraði sjö mörk
fyrir HK, sem er með tvö stig eins
og ÍBV og eru þau í 4. og 5. sæti.
Haukar, KA/Þór og Afturelding
eru án stiga. Afturelding mætir
Fram í næstu umferð og Haukar
mæta Val. Það getur því verið eitt-
hvað í að neðstu liðin komast á blað.
johanningi@mbl.is
Stjarnan gæti bland-
að sér í baráttuna
Morgunblaðið/Kristinn Magnúss
Læti Þórey Anna Ásgeirsdóttir
byrjar Íslandsmótið með látum.
HANDBOLTI
Olísdeild karla
Valur – Selfoss ...................................... 27:27
Fjölnir – KA.......................................... 25:32
Haukar – Stjarnan ............................... 23:20
Afturelding – Fram.............................. 25:23
Staðan:
Afturelding 3 3 0 0 83:72 6
Haukar 3 3 0 0 77:67 6
ÍR 2 2 0 0 68:54 4
ÍBV 2 2 0 0 57:47 4
Valur 3 1 1 1 70:67 3
Selfoss 3 1 1 1 87:92 3
KA 3 1 0 2 82:79 2
FH 2 1 0 1 56:55 2
Fjölnir 3 1 0 2 78:90 2
HK 2 0 0 2 49:55 0
Fram 3 0 0 3 60:72 0
Stjarnan 3 0 0 3 66:83 0
Olísdeild kvenna
Fram – ÍBV........................................... 32:17
HK – Haukar ........................................ 27:23
Valur – Afturelding .............................. 28:18
Stjarnan – KA/Þór ............................... 26:23
Staðan:
Fram 2 2 0 0 70:46 4
Valur 2 2 0 0 59:41 4
Stjarnan 2 2 0 0 51:45 4
HK 2 1 0 1 50:54 2
ÍBV 2 1 0 1 32:45 2
Haukar 2 0 0 2 45:52 0
KA/Þór 2 0 0 2 52:64 0
Afturelding 2 0 0 2 31:43 0
Meistaradeild karla
Barcelona – Celje Lasko..................... 45:21
 Aron Pálmarsson skoraði 3 mörk fyrir
Barcelona.
París SG – Pick Szeged ...................... 30:25
 Guðjón Valur Sigurðsson skoraði ekki
mörk fyrir PSG.
 Stefán Rafn Sigurmannsson var ekki í
leikmannahópi Pick Szeged.
Aalborg – Zagreb ................................ 30:20
 Janus Daði Smárason skoraði 2 mörk
fyrir Aalborg en Ómar Ingi Magnússon var
ekki í leikmannahópnum.
Veszprém – Kiel .................................. 31:37
 Gísli Þorgeir Kristjánsson skoraði ekki
fyrir Kiel.
GOG – Medvedi .................................... 38:31
 Óðinn Þór Ríkharðsson skoraði 1 mark
fyrir GOG og Arnar Freyr Arnarsson 1.
Viktor Gísli Hallgrímsson varði 3 skot.
Þýskaland
Magdeburg – RN Löwen .................... 28:32
 Alexander Petersson skoraði 2 fyrir
Löwen. Kristján Andrésson þjálfar liðið.
Lemgo – Füchse Berlín....................... 26:31
 Bjarki Már Elísson skoraði 7 mörk fyrir
Lemgo.
Flensburg – Leipzig ............................ 30:22
 Viggó Kristjánsson skoraði 3 mörk fyrir
Leipzig.
Leverkusen – Bietigheim ................... 21:29
 Hildigunnur Einarsdóttir skoraði 3
mörk fyrir Leverkusen.
Neckarsulmer – Oldenburg ............... 25:31
 Birna Berg Haraldsdóttir skoraði 3
mörk fyrir Neckarsulmer.