Morgunblaðið - 01.10.2019, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 1. OKTÓBER 2019
Smiðjuvegi 9 · 200 Kópavogi
Sími 535 4300 · axis.is
Vandaðar íslenskar innréttingar
Helgi Bjarnason
helgi@mbl.is
Akureyrarbær stefnir að því að selja
Sigurhæðir, húsið sem þjóðskáldið
og presturinn Matthías Jochumsson
lét reisa og hýsir nú minningarsafn
um hann. Reikna má með því að hús-
ið verði auglýst til sölu á næstunni.
Helstu ástæður fyrir því að vilji er
til að selja húsið er að það hefur ekki
nýst síðustu árin vegna lélegs að-
gengis. Hilda Jana Gísladóttir,
bæjarfulltrúi og formaður stjórnar
Akureyrarstofu, segir að aðgengi að
húsinu sé svo slæmt að Akureyrar-
bæ sé ekki stætt á því að bjóða upp á
starfsemi í því. Þá hafi bærinn
áhyggjur af því að húsið fari illa
vegna langvarandi notkunarleysis.
„Kannski getur einhver annar fund-
ið flöt á því að nýta það á einhvern
hátt,“ segir Hilda Jana. Bendir hún
á að húsið sé friðað.
Áberandi í bæjarmyndinni
Sigurhæðir eru sögufrægt hús og
áberandi í bæjarmyndinni. Séra
Matthías lét byggja það árið 1903.
Það stendur í brattri brekku
skammt frá Akureyrarkirkju. Auk
Matthíasarstofu var árum saman
efnt til ýmissa viðburða í húsinu og
var skrifstofuaðstaða á efri hæðinni
leigð skáldum og fræðimönnum til
skapandi skrifa. Bærinn keypti
bókasafn Steingríms J. Þorsteins-
sonar prófessors og hefur það verið
til afnota fyrir notendur skrifstofu-
aðstöðunnar.
Sigurhæðum var lokað vorið 2017
vegna framkvæmda. Þeim er löngu
lokið en húsið hefur ekki verið opnað
aftur.
Aðgengi að húsinu er um stíg frá
kirkjutröppunum og um tröppur
upp hlíðina. Akureyrarbær telur
ekki unnt að lagfæra stígana þannig
að þeir verði færir fötluðum eða fólki
sem á erfitt með gang, ekki síst á
snjóþungum dögum.
Gísli Sigurgeirsson, sem var um
tíma umsjónarmaður Sigurhæða,
telur það fyrirslátt hjá bænum.
Telur hann lagfæringar mögulegar
en þær kosti þó væntanlega sitt.
Áform um sölu Sigurhæða voru
fyrst sett fram í starfs- og fjárhags-
áætlun Akureyrarstofu fyrir árið
2020. Nú hefur stjórn Akureyrar-
stofu ákveðið að óska eftir því við
umhverfis- og mannvirkjasvið bæj-
arins að húsið verði sett í sölu. Hilda
Jana segir að þótt málið hafi ekki
verið rætt formlega í bæjarstjórn
eða bæjarráði viti bæjarfulltrúar af
því. Veit hún ekki annað en sátt sé
um söluna. Ef húsið selst eru áform
um að gera sögu þess og séra Matt-
híasar skil með öðrum hætti, til
dæmis með söguskilti.
Áforma sölu á Sigurhæðum
 Minningarsafn um Matthías Jochumsson á Akureyri hefur verið lokað um tíma  Akureyrarbær
treystir sér ekki til að vera með viðburði þar vegna slæms aðgengis  Sala hússins komin á dagskrá
Ljósmynd/Skapti Hallgrímsson
Akureyri Sigurhæðir, hús Matthíasar Jochumssonar, stendur í brekkunni skammt frá Akureyrarkirkju.
„Þetta veldur mér miklum von-
brigðum og er vanvirðing við þá
hugsjónamenn sem lögðu mikið
á sig við að
safna fyrir
kaupum á hús-
inu,“ segir
Gísli Sigur-
geirsson, sem
sá um Sig-
urhæðir um
tíma.
Frammá-
menn í bænum
söfnuðu fé hjá
einstaklingum og fyrirtækjum til
að kaupa neðri hæð hússins og
söfnuðu munum til að koma þar
upp safni til að halda minningu
Matthíasar á lofti. Það var opnað
1961. Þar er stór hluti bókasafns
skáldsins, skrifborð hans og
stóll. Síðar gáfu samtökin bæn-
um hæðina til varðveislu en bær-
inn keypti síðar efri hæðina.
Gísli segir að því miður hafi
starfseminni ekki verið sinnt
nógu vel síðustu árin. Sú kynslóð
sem þekkti til Matthíasar sé
gengin og ekki hafi verið gert
nógu mikið til að kynna hann
fyrir yngri kynslóðinni. „Það er
reynsla mín að fólk hefur áhuga
á að sækja áhugavert menn-
ingarstarf ef það er í boði.“
Vanvirðing við
hugsjónamenn
GÍSLI SIGURGEIRSSON
Gísli
Sigurgeirsson
Borgarfulltrúar Sjálfstæðisflokksins
leggja fram tillögu á fundi borgar-
stjórnar í dag um samflot og sam-
ferðabrautir í Reykjavík. Flytjandi
tillögunnar er Jórunn Pála Jónas-
dóttir, fyrsti varaborgarfulltrúi
flokksins.
Tillagan hljómar þannig: „Borgar-
stjórn Reykjavíkur samþykkir að
nýta forgangsakgreinar fyrir al-
menningssamgöngur í Reykjavík
jafnframt sem samferðabrautir fyrir
þá sem fjölmenna í bíla í samfloti,
þrír eða fleiri, og draga þar með úr
bílaumferð með
bættri nýtingu.“
Markmiðið með
tillögunni er að
minnka umferð-
arteppur á höfuð-
borgarsvæðinu. Í
greinargerð með
tillögunni segir
m.a. að með svo-
nefndum sam-
ferðabrautum
yrði lögð áhersla á að flytja sem
flesta á milli staða á hverjum tíma en
ekki sem flesta bíla. Forgangs-
akreinar fyrir almenningssamgöng-
ur, sem hingað til hafa aðeins verið
fyrir strætó, leigubíla og forgang-
sakstur, yrðu þá einnig nýttar af öðr-
um ökutækjum með þrjá eða fleiri
farþega.
Minni útblástur og mengun
„Tillagan hvetur með jákvæðum
hætti til þess að fólk sem ferðast með
bílum verði í samfloti og fellur því vel
að þeim markmiðum að bæta um-
ferðina og flæði allrar umferðar á
höfuðborgarsvæðinu ásamt því að
minnka útblástur og mengun,“ segir
m.a. í greinargerðinni. Þar kemur
einnig fram að áætlaður kostnaður
við framkvæmdina liggi ekki fyrir.
Hann yrði þó hverfandi vegna þeirra
forgangsakreina sem þegar eru til
staðar. Framkvæmdatíminn yrði
jafnframt styttri og ávinningur
kæmi strax í ljós.
Samkvæmt tillögunni yrði um-
hverfis- og skipulagssviði borgarinn-
ar falin útfærsla á framkvæmdinni, í
samráði við Vegagerðina.
Leggja til samflot í bíla í borginni
 Borgarfulltrúar Sjálfstæðisflokksins stinga í dag upp á samferðabrautum
Jórunn Pála
Jónasdóttir
Háskólinn í
Reykjavík, HR,
býr að skýrri
stefnu og styrkri
stjórn sem styður
þarfir íslensks
samfélags og
hvetur til öflugs
rannsóknar-
starfs. Þetta
kemur fram í út-
tekt Gæðaráðs ís-
lenskra háskóla á gæðum náms við
HR sem birt var á vefsíðu Stjórnar-
ráðsins í gær.
Úttektin er hluti af skipulegu
eftirliti Gæðaráðs með gæðum ís-
lenskra háskóla. Í eftirlitinu er lögð
áhersla á nemendur, námsumhverfi
og prófgráður, að því er fram kemur
í frétt Stjórnarráðsins.
Í úttektinni er tekið fram að nem-
endur í HR hafi mikinn áhuga á
námi sínu og starfsfólk veiti náms-
framvindu nemenda jafnframt tals-
verða athygli.
Ráðið telur helst að tvennt þurfi
að bæta innan HR, það „að tryggja
aðkomu stjórnenda faglegra eininga
að hönnun og skipulagi innra gæða-
kerfis og styðja við starfsþróun aka-
demískra starfsmanna“, segir í
fréttinni.
Ráðið starfar fyrir mennta- og
menningarmálaráðuneytið.
Markmið þess er meðal annars að
bæta kennslu og rannsóknir innan
íslenskra háskóla og tryggja sam-
keppnishæfni þeirra á alþjóðavett-
vangi.
HR býr
að skýrri
stefnu
 Gæðaráð birtir
úttekt á námi í HR
Háskólinn í
Reykjavík.