Morgunblaðið - 01.10.2019, Blaðsíða 19

MINNINGAR 19
MORGUNBLAÐIÐ ÞRIÐJUDAGUR 1. OKTÓBER 2019
að kveðja. Unna frænka mín var
ljúf og góð og hafði mjög góða
nærveru og gott skap. Svo var
hún líka svo skemmtileg. Við
hringdum stundum í hvor aðra og
var alltaf gaman að heyra frá
henni.
Unna giftist góðum manni,
honum Katli, og áttu þau góða
fjölskyldu og fallegt heimili. Það
var alltaf gaman að heimsækja
fjölskylduna. Þar var gestrisni
ávallt í fyrirrúmi. Unna var góð
húsmóðir og mikil fjölskyldu-
kona. Hún hafði áhuga á matar-
gerð og kökubakstri. Einnig var
hún handlagin og góð sauma-
kona. Unna hafði gott samband
við systkini sín og fjölskyldur
þeirra. Foreldrum sínum var hún
afar hjálpleg og góð.
Ég minnist alltaf jóla- og fjöl-
skylduboða hjá þeim hjónum. Í
jólaboðunum kom jólasveinninn í
heimsókn með stóran poka og gaf
börnunum rauð epli. Síðan var
gengið í kringum jólatréð og
sungin jólalögin. Eftir að Unna
missti manninn sinn bjó hún
áfram í íbúð sinni á Kleppsveg-
inum.
Svo kom að því að hún seldi
hana og keypti íbúð í blokk fyrir
eldri borgara á Dalbrautinni. Það
var alltaf gaman að heimsækja
Unnu frænku. Þá var rætt um líf-
ið og tilveruna. Hún sagði mér frá
uppvexti sínum og lífshlaupi og
hvað henni hefði alltaf þótt vænt
um sveitina sína fallegu fyrir
norðan.
Einnig sagði hún mér frá því
að þegar móðir hennar veiktist
fór hún til Eggerts móðurbróður
síns og Guðrúnar konu hans, sem
bjuggu á Akureyri. Bróðir Unnu
(pabbi minn) fylgdi henni norður
með Norðurleiðarútunni. Þá var
hún 10 ára gömul. Þar dvaldi hún
í nokkur ár í góðu yfirlæti. Hún
sagði mér hvað hjónin hefðu allt-
af verið sér góð.
Ég sakna Unnu frænku. Bless-
uð sé minning hennar.
Ég sendi innilegar samúðar-
kveðjur til barna Unnu og ann-
arra aðstandenda.
Kristín J. Dýrmundsdóttir.
Minningar æsku- og ung-
lingsára endurspegla gjarnan
gleðistundir fjölskylduboða og
samvista ættingja og vina. Jóla-
og afmælisveislur hjá Unnu,
Katli og börnum þeirra á Lauga-
teigi og síðar á Kleppsvegi í
Reykjavík, voru einmitt þannig
minnisstæðir viðburðir okkur
systkinunum, því að þar ríkti
ætíð gestrisni og gleði. Það var
vissulega gleðilegt viðmót og
notaleg nærvera sem einkenndi
Unnu frænku alla tíð; brosmild,
bjartsýn, úrræðagóð og hjálp-
söm, hvað sem á gekk. Á 90 ára
afmælinu sumarið 2013 var hún
hrókur alls fagnaðar og allt fram
undir það síðasta var hún minn-
isgóð og hafði alltaf ánægju af að
rifja upp liðna tíma. Þetta kom
sér vel þegar ég var, einkum á
seinni árum, að bæta við upplýs-
ingum um búskaparsögu Ólafs
afa og Guðrúnar ömmu í Vestur-
Húnavatnssýslu á fyrri hluta lið-
innar aldar.
Fyrstu minningar Unnu
tengdust einkum Stóru-Borg í
Víðidal, þar sem hún og faðir
minn fæddust, og bar margt á
góma þegar Unna var að lýsa
torfbænum sem þau bjuggu í. Þar
ríkti nægjusemi enda voru efni
lítil en þó nóg að bíta og brenna.
Þröngt var um fólk en mannlífið
gott. Hjá þeim á bænum bjó einn-
ig Signý Hallgrímsdóttir, móðir
Ólafs, skáldmælt og kærleiksrík
amma, sem sagði börnunum sög-
ur, þuldi vísur og lét þau syngja.
Unna veitti Ólafi afa ætíð mik-
inn stuðning, ekki síst þegar Guð-
rún móðir hennar var fjarri heim-
ilinu um árabil vegna veikinda.
Foreldrum mínum reyndist hún
ætíð vel.
Um leið og við minnumst
Unnu frænku með hlýhug og
virðingu finnst okkur við hæfi að
geta þess að við eigum einnig
mjög ánægjulegar endurminn-
ingar um Ketil og móður hans,
Margréti Þorsteinsdóttur. Þá
eiga systurnar Unnur Gréta og
Lóló tryggan sess í huga okkar.
Blessuð sé minning þeirra allra.
Jónasi, Eggerti og öðrum að-
standendum sendi ég og fjöl-
skylda mín innilegar samúðar-
kveðjur.
Ólafur R. Dýrmundsson.
Vinkona okkar félaganna í
Garðastræti 36, Margrét Ingunn
Ólafsdóttir, er látin í hárri elli.
Allir sem kynntust Margréti gátu
ekki annað en orðið snortnir af
góðvild og elsku þessarar merki-
legu konu. Hún gerði mann að
betri manni með návist sinni og
viðmóti.
Við Gullna hliðið mun Pétur
segja, Margrét mín, hér verður
engin rekistefna, vertu velkomin í
guðs ríki. Margrét er móðir eins
félaga okkar í Garðastrætinu,
Jónasar Inga.
Um langt árabil hélt hún utan
um karlahópinn í Garðastrætinu,
sá um að allt væri tandurhreint og
heimilislegt. Á þessum tíma voru
fjölmenn jólaboð í Garðastrætinu.
Margrét sá til þess að enginn
færi sér að voða eða kveikti í hús-
inu. Þetta gerði hún með bros á
vör, jafnvel þó sumir væru ekki
alveg klárir í kollinum. Þegar
söngur stóð sem hæst brosti hún
að tenórunum og sagði, þetta er
ungt og leikur sér.
Við munum sakna Margrétar.
Hún var okkur eins og besta
mamma, mamma sem gat hlustað
á vandamálin og séð það frá hinni
mannlegu hlið. Hún hafði lært
það á langri ævi að grundvöllur
allra góðra lausna er að málsaðil-
ar tali saman.
Innilegar samúðarkveðjur til
Jónasar og Sissu og allra annarra
í fjölskyldu Margrétar, sem
margir hafa verið heimagangar í
Garðastræti og við höfum séð
vaxa úr grasi.
Jón Atli Kristjánsson,
Jón Heiðar Guðmundsson.
Það var mikill lífsánægjuauki
fyrir mig að kynnast Margréti I.
Ólafsdóttur, sem til grafar er bor-
in í dag. Við Margrét vorum ekki
bara vinir og trúnaðarmenn til
áratuga, heldur var ég og svo lán-
samur að fá að starfa lengi með
henni á vinnustað mínum og fé-
laga minna í Garðastræti 36 í
Reykjavík, þar sem Margrét var
húsmóðir okkar og alhliða hjálp-
arhella.
Ég á það syni hennar, Jónasi
Inga Ketilssyni, vini mínum og
samstarfsmanni, að þakka að leið-
ir okkar Margrétar lágu saman.
Hún hætti störfum þar fyrir
okkur komin fast að níræðu; það
segir e.t.v. nokkuð um kraftinn
sem bjó í þessari vinkonu minni.
Jákvæðni hennar, kærleikur,
gleði og dugnaður var mér og
ábyggilega mörgum fleirum fyr-
irmynd.
Víðfræg voru jólaboð okkar í
Garðastrætinu, þar sem við
stefndum til okkar á jólaföstu
hundruðum gesta til að njóta
samveru og veitinga, allt undir
styrkri stjórn Margrétar. Þar
fengu dætur mínar tvær eldskírn
sína í fullorðinsboðum, allt undir
handarjaðri hennar. Umhyggja
hennar fyrir mér hefur verið mér
blessun og var einstök. Ég var svo
heppinn að ná að heimsækja hana
með Kristbjörgu mína og fá bless-
un hennar á sambandi okkar, sem
var mér mikils virði. Tryggvi
minn, mér líst vel á hana þessa ...
Ég veit að vinkona mín var nú
södd lífsdaga, raunar sagði hún
mér það. Það gerist margt á
langri ævi, sárastur sjálfsagt
missir beggja dætranna og eigin-
manns fyrir aldur fram. En hún
var þakklát fyrir lífið, ástríkan
eiginmann, góð börn og sam-
heldna fjölskyldu.
Ég bið Guð að geyma Mar-
gréti, þakka henni samfylgdina
og óska fjölskyldu hennar og vin-
um allrar blessunar.
Tryggvi Agnarsson.
✝ Óli Sævar Jó-hannesson bif-
reiðastjóri fæddist í
Reykjavík 6. desem-
ber 1951. Hann lést
á Heilbrigðisstofnun
Suðurnesja 20.
september 2019.
Foreldrar Óla
voru Sigurbjörg
Þorleifsdóttir og Jó-
hannes Jónsson.
Óli var yngstur af
sjö systkinum, þau eru: 1) Sigmar
N. Jóhannesson, látinn, 2) Þorleif-
ur G. Jóhannesson, 3) Jón Þórir
Jóhannesson, 4) Anna Björk Jó-
hannesdóttir, 5) Sigrún H. Jó-
hannesdóttir og 6) Jóhanna Kol-
brún Jóhannesdóttir, látin.
Óli Sævar giftist Þorbjörgu
Heiðu Baldursdóttur, f. 20. febr-
úar 1957, og saman eignuðust þau
fjögur börn. Þau eru: 1) Rúnar
Þór, f. 19. október 1975, eig-
inkona Tinna María Sigurð-
ardóttir, f. 20. september 1981.
Börn Rúnars og Tinnu eru Aníta
Hólm, f. 20. mars 2010, og Emil
Þór, f. 24. júní 2013. Börn Rúnars
frá fyrri samböndum eru Aron
Fannar, f. 17. apríl
1995, Rakel Mist, f.
17. apríl 1999, og
Róbert Óli, f. 30 apr-
íl 2000. 2) Kolbrún
Björk, f. 2. maí 1980.
Börn Kolbrúnar eru
Alexander Logi
Magnússon, f. 19.
júní 1998, Agnes
Tinna Magnúsdóttir,
f. 30. maí 2000,
Hrafnhildur Jara
Ingvarsdóttir, f. 9 júlí 2006, og
Baltasar Trausti Ingvarsson, f.
15. maí 2009. 3) Guðmundur
Torfi, f. 8. september 1986, 4) Jar-
þrúður Ósk, f. 19. júní 1991. Barn
Jöru er Heiða Marí Bergsveins-
dóttir, f. 7. júlí 2012. Óli átti son
frá fyrra hjónabandi, Sævar
Loga, f. 7. desember 1970. Börn
Sævars eru Jóhanna Sigríður, f.
9. janúar 1992, Sunna Lind, f. 17.
október 1994, Embla Í Ólavs-
stovu, f. 8. september 1996, og
Álfrún Emma, f. 30. október 2008.
Útför Óla fór fram frá Hafnar-
fjarðarkirkju 30. september 2019
og jarðsett var í Gufunes-
kirkjugarði.
Í dag kveðjum við kæran fé-
laga og vin um áratugaskeið. Óli
starfaði hjá Loftorku Reykjavík í
langan tíma.
Margar góðar minningar um
góðan dreng koma upp, bæði í
leik og í starfi.
Óli var ávallt samviskusamur
og áhugasamur um vinnu og
vinnufélaga.
Erfitt er að horfa á eftir góð-
um félaga allt of snemma. Missir
fjölskyldu hans er mikill og send-
um við fjölskyldu Óla okkar inni-
legustu samúðarkveðjur.
Sumri hallar haustar að
hugann læt ég reika.
Gamall maður þekkir það
það má engu skeika.
Þarf að halda hugans ró
hrannast að gátur dagsins
alls þess góða í blænum bjó
og birtu sólarlagsins.
(Þórhallur Eiríksson)
Kveðja frá Loftorku Reykja-
vík,
Ari Sigurðsson,
Andrés Sigurðsson.
Óli Sævar
Jóhannesson
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Ástkær faðir okkar, tengdafaðir, afi
og langafi,
GRÍMUR H. LEIFSSON
rafvirkjameistari,
lést á Landspítalanum, Fossvogi,
23. september.
Úförin fer fram frá Fríkirkjunni í Reykjavík föstudaginn
4. október klukkan 13.
Emil Grímsson Rikke Elkjær Knudsen
Leifur Grímsson Elsa Hrönn Reynisdóttir
Sigríður Sif Grímsdóttir Árni Arnórsson
barnabörn og barnabarnabörn
Innilegar þakkir fyrir auðsýnda samúð
við fráfall eiginmanns míns, föður okkar,
tengdaföður og afa,
EINARS EYLERTS GÍSLASONAR
frá Syðra-Skörðugili.
Sérstakar þakkir til Heilbrigðis-
stofnunarinnar á Sauðárkróki og hjartadeildar Landspítalans.
Ásdís Sigrún Sigurjónsdóttir
Eygló Breiðfjörð Einarsdóttir Borgar J. Jónsson
Einar Eðvald Einarsson Sólborg Una Pálsdóttir
Elvar Eylert Einarsson Sigríður Fjóla Viktorsdóttir
Eyþór Einarsson Þórdís Sigurðardóttir
Sigurjón Pálmi Einarsson Linnéa Einarsson
og barnabörn
Innilegar þakkir til allra sem sýndu okkur
samúð, vináttu og hlýhug við andlát og
útför föður okkar, tengdaföður, afa og
langafa,
VILMUNDAR ÞORSTEINSSONAR
Kirkjulundi, Garðabæ.
Þorsteinn J. Vilmundarson Ragnheiður Lúðvíksdóttir
Oddur F. Vilmundarson Anna Jónsdóttir
barnabörn og barnabarnabörn
Innilegar þakkir fyrir auðsýnda samúð og
vinarhug við andlát og útför elskulegrar
móður okkar, tengdamóður, ömmu og
langömmu,
JÓHÖNNU ÓLÍNU HLÍFARSDÓTTUR,
Ólu Hönnu
frá Norðfirði.
Hlífar Þorsteinsson
Lára Jóna Þorsteinsdóttir
Kristinn Steinn Guðmundss. Sigurlaug Pálsdóttir
Höskuldur Guðmundsson Úlfhildur Úlfarsdóttir
barnabörn og barnabarnabörn
Ástkær faðir minn, afi, bróðir og mágur,
KRISTMAR ARNKELSSON
Brúarholti 8, Ólafsvík,
lést á nýrnadeild Landspítalans föstudaginn
20. september.
Jarðsett verður frá Ólafsvíkurkirkju
föstudaginn 4. október klukkan 14.
Aðalheiður Jóhanna Kristmarsdóttir
Ísmael Kristmar Sara Rakel
Lilya Þórdís Adam Þór
Hlíf Björk Sigurðardóttir Árni Ólafur Sigurðsson
Elskulegur faðir okkar, tengdafaðir og afi,
TRAUSTI PÁLSSON
frá Laufskálum,
Hásæti 11a,
Sauðárkróki,
lést á Sjúkrahúsinu á Sauðárkróki
föstudaginn 20. september.
Útför hans fer fram frá Sauðárkrókskirkju föstudaginn
4. október klukkan 14.
Linda Traustadóttir Hjalti Vésteinsson
Edda Traustadóttir Björn Jóhann Björnsson
Páll Rúnar Traustason
Aron Trausti, Tinna Birna, Erna og Atli
Ástkær móðir okkar, tengdamóðir, amma
og langamma,
UNNUR JÓNSDÓTTIR,
Smáraflöt 5, Akranesi,
lést á Heilbrigðisstofnun Vesturlands,
Akranesi, mánudaginn 16. september.
Útförin hefur farið fram í kyrrþey að ósk hinnar látnu.
Við þökkum innilega auðsýnda samúð og hlýhug við andlát
hennar og útför.
Sigríður Svavarsdóttir Haukur Hannesson
Sigrún Svavarsdóttir Jóhann Þórðarson
Viðar Svavarsson Fjóla Ásgeirsdóttir
Jón Karl Svavarsson Helga Sesselja Ásgeirsdóttir
Jökull Freyr Svavarsson
barnabörn og barnabarnabörn
ODDUR SIGFÚSSON
frá Krossi í Fellum
lést á Landspítalanum við Hringbraut
sunnudaginn 22. september.
Útförin fer fram frá Egilsstaðakirkju
laugardaginn 5. október klukkan 14.
Systkini hins látna