Morgunblaðið - 06.11.2019, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 6. NÓVEMBER 2019
Morgunblaðið/Eggert
Með heiminn í höndum sér
Hvar er ég staddur og hvert skal halda? Þess gæti þessi
maður sem sat á greiðasölustað í miðborginni í gær
hafa spurt sig. Lífið er leit að nýjum og spennandi
áfangastöðum, en á þeirri vegferð er líka mikilvægt að
hafa á góðum upplýsingum að byggja. Séu þær til stað-
ar má segja að fólk hafi heiminn í höndum sér.
Guðni Einarsson
gudni@mbl.is
Girnilegar kræsingar voru bornar á
borð í hátíðarkvöldverði sem haldinn
var í Menntaskólanum í Kópavogi
(MK) í gærkvöld. Allur maturinn var
maukaður og hentaði fólki sem á
bágt með að kyngja. Guðni Th. Jó-
hannesson, forseti Íslands, var á
meðal veislugesta, sem komu víða að.
Guðjón Sigurðsson, formaður
MND-félagsins, og Guðlaug Gísla-
dóttir næringarfræðingur óskuðu
eftir samstarfi við MK um að halda
veislu fyrir fólk með kyngingar-
vanda. Tilgangurinn var að búa til
maukaðan veislumat sem liti vel út
og bragðaðist vel. Slíkur matur get-
ur verið gómsætur, næringarríkur
og girnilegur. Nemendur í matar-
tækna- og matreiðsludeild MK
þróuðu réttina og nemendur fram-
reiðsludeildar undirbjuggu veisluna
og reiddu kræsingarnar fram.
„Þetta er brautryðjandastarf hjá
MK,“ sagði Guðlaug. „Þetta er
venjulegur matur sem er maukaður
og mótaður þannig að hann líti út
eins og venjulegt fæði.“
Guðlaug segi að mauka þurfi mat
fyrir fólk með kyngingarvanda. Oft
líti hann ekki vel út og sé ekki bein-
línis lystaukandi. Afleiðingin af því
getur orðið vannæring og fleiri
vandamál hjá þeim sem eiga bágt
með að kyngja. Hún er í leyfi frá
störfum á Landspítalanum og leggur
stund á framhaldsnám í næringar-
fræði. Matreiðsla og framreiðsla
maukaðs matar er hluti af meistara-
verkefni hennar.
„Markmiðið er að gefa út fræðslu-
bækling og uppskriftir þar sem farið
verður yfir það skref fyrir skref
hvernig á að matbúa þetta fæði.
Einnig hvar fást matarform sem
þarf að nota og vélar til að gera
þetta,“ sagði Guðlaug.
Stefnt að því að halda námskeið
Guðjón segir að stefnt sé að því að
bjóða upp á námskeið fyrir einstak-
linga og fagfólk um að matbúa girni-
legan maukaðan mat. Hann segir að
erfiðleikar við að kyngja geti háð
ákveðnum hópum eins og öldruðum,
fólki með MND og fleiri sjúkdóma.
Nú sé verið að þróa leið til að útbúa
orkuríkan og girnilegan mat sem
fólk getur notið. Guðjón segir til
dæmis að hægt sé að mauka rúg-
brauð og móta það og skreyta með
maukaðri síld og maukuðu eggi sem
lítur út eins og venjuleg sneið með
sama áleggi.
Veisla með
maukuðum
mat í MK
Morgunblaðið/Eggert
Kvöldveisla Forseti Íslands heilsar gestum í MK í gærkvöldi.
 Stefnt er að því að halda námskeið
og gefa út uppskriftir og leiðbeiningar
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
Öllum reglum var fylgt þegar lög-
reglumenn fluttu þungaða albanska
konu frá Íslandi út til Evrópu í
fyrrinótt. Þetta sagði Þorsteinn
Gunnarsson settur forstjóri Útlend-
ingastofnunar í Kastljósi á RÚV í
gærkvöldi.
Skv. vottorði læknis á Landspítla
var konan ekki ferðafær, en starfs-
fólk Útlendingastofnunar taldi að
flug yrði henni erfitt. Með það var
haldið af stað. Í gær kom svo álit
frá Landlækni sem telur vottorðið
hafa sagt að hætta skyldi við brott-
vísun. „Þegar við lásum þetta vott-
orð í morgun fannst okkur það ein-
faldlega benda á að það væri erfitt
að fara í langt flug,“ segir Þorsteinn
í RÚV. Starfsfólk Útlendingastofn-
unar hafi ekki séð þá túlkun í vott-
orðinu að konan væri ekki ferðafær.
Því þurfi samtöl við heilbrigðisyfir-
völd og fleiri um hvernig eigi að
sinna hælisleitendum sem best.
Hart var deilt á Alþingi í gær á þá
ráðstöfun að fara með konuna utan
„Aðfarir af þessu tagi mega ekki
endurtaka sig. Þær eru hneisa,“
sagði Jón Steinar Valdimarsson, á
Alþingi í gær. „Við viljum öll fara
varlega, sérstaklega þegar um er að
ræða þungaðar mæður,“ sagði Ás-
laug Arna Sigurbjörnsdóttir dóms-
málaráðherra við mbl.is í gær-
kvöldi.
Við því er þetta að bæta að bisk-
up Íslands hefur óskað eftir fundi
með ráðherra vegna máls albönsku
konunnar. „Það er mannréttinda-
brot og gengur þvert á skilyrðis-
lausa kærleiksskyldu kristinna
manna.“
Ólík sýn á læknisvottorðið
 Brottvísun albanskrar barnshafandi konu gagnrýnd víða
 Aðfarirnar sagðar hneisa  Öllum reglum fylgt segir UTL
Morgunblaðið/Hari
Yfirvald Hús Útlendingastofnunar.
PON Pétur O. Nikulásson ehf.
Melabraut 21, 220 Hafnarfjörður | Sími: 580 0110 | pon.is
skotbómulyftara
AG línan frá Manitou býður meðal
annars upp á nýtt ökumannshús
með góðu aðgengi og útsýni.
HANNAÐUR TIL AÐ
VINNA VERKIN
NÝ KYNSLÓÐ
• DSB stjórntakkar
• JSM stýripinni í fjaðrandi armi
• Stýrð stjórnun og hraði á
öllum glussahreyfingum
• Virk dempun á bómu