Morgunblaðið - 06.11.2019, Side 26

ÍSHOKKÍ
Kristján Jónsson
kris@mbl.is
Rússinn Alex Ovechkin lék sinn
1.100. leik í NHL-deildinni í íshokkí
aðfaranótt mánudags. Vitaskuld er
merkilegt eitt og sér að ná því að
leika 1.100 deildarleiki í sterkustu
deild í heimi í sinni íþrótt.
Tvennt annað gerir þennan
áfanga þó enn athyglisverðari. Ann-
ars vegar sú staðreynd að Ovechkin
er einungis 34 ára gamall en hann
fæddist 17. september 1985 í sjálfri
höfuðborginni Moskvu. Ovechkin
hefur verið í deildinni í fimmtán ár
en hann var valinn fyrstur í nýliða-
valinu árið 2004 af Washington
Capitals eftir að hafa sýnt hvað í
honum bjó með Dinamo Moskvu.
Hann hefur því sloppið við alvarleg
meiðsli að mestu til að geta náð slík-
um leikjafjölda en enginn annar
þeirra sem komu inn í deildina 2004
hefur náð þessu.
Tæknilega góður og áberandi
Ovechkin hefur um árabil verið
ein stærsta stjarna íþróttarinnar
enda tæknilega góður og áberandi
sóknarmaður. Hefur hann skorað
669 mörk í deildinni og lagt upp 561
til viðbótar. Ovechkin gefur lítið eft-
ir og í sextán fyrstu leikjum sínum á
þessu keppnistímabili hefur hann
skorað 11 mörk og gefið 8 stoðsend-
ingar. Washington sigraði Calgary
Flames 4:2 í tímamótaleik Ovechkin
og hefur unnið fjóra leiki í röð.
Hins vegar er sú staðreynd at-
hyglisverð að Ovechkin hefur leikið
1.100 deildaleiki fyrir sama félagið
eða Washington Capitals sem valdi
hann á sínum tíma. Á tímum þegar
hópíþróttamenn halda sjaldnast
tryggð við sín lið hefur Ovechkin
gert það. Ekki hefur hann heldur
þurft að kvarta yfir kaupi og kjör-
um en hins vegar beið hann lengi
eftir því að fá að handfjatla Stanley-
bikarinn stóra og glæsilega sem
veittur er fyrir sigur í NHL-
deildinni. Washington tókst ætl-
unarverkið árið 2018 og hafði
Ovechkin því verið í tæp fjórtán ár
hjá félaginu þegar bikarinn fór til
höfuðstaðarins.
Þrívegis heimsmeistari
Áður hafði Ovechkin náð því að
verða heimsmeistari með Rússlandi
og raunar hefur hann þrívegis af-
rekað það. Hann státar hins vegar
ekki af ólympíuverðlaunum en
Rússarnir ætluðu að bæta úr því
þegar þeir léku á heimavelli í Sochi
2014 en það gekk ekki eftir þegar
Finnar slógu þá út í 8-liða úrslitum
3:1.
Ovechkin á langt í land með að ná
leikjametinu í NHL en það á Gordie
Howe sem lék 1.767 leiki á 26
keppnistímabilum. Markametið á
Wayne Gretzky sem skoraði 894
mörk með fjórum liðum í deildinni á
21 keppnistímabili.
1.100 deildarleikir
fyrir sama liðið
 Alex Ovechkin er á sextánda tíma-
bili sínu hjá Washington Capitals
AFP
Traustur Alex Ovechkin hefur spilað 1.100 leiki með sama liði.
26 ÍÞRÓTTIR
MORGUNBLAÐIÐ MIÐVIKUDAGUR 6. NÓVEMBER 2019
Fimm íslenskir kylfingar hefja leik
á morgun á öðru og næstsíðasta
stigi fyrir Evrópumótaröðina í golfi
en það eru þeir Haraldur Franklín
Magnús, Guðmundur Ágúst Krist-
jánsson, Andri Þór Björnsson, Rún-
ar Arnórsson og Bjarki Pétursson.
Aldrei áður hafa svo margir ís-
lenskir kylfingar komist inn á 2.
stig úrtökumótsins. Spilað verður á
fjórum völlum á Spáni. 75 kylfingar
spila á hverjum velli og komast um
20 áfram á lokaúrtökumótið sem
haldið verður 15.-20. þessa mán-
aðar.
Metfjöldi á 2. stig
úrtökumótanna
Morgunblaðið/Kristinn Magnússon
Í eldlínunni Haraldur Franklín
Magnús hefur keppni á morgun.
Í fyrsta skipti í tæp tuttugu og sex
ár er Bandaríkjamaðurinn Phil
Mickelson ekki á meðal fimmtíu
efstu á heimslistanum í golfi. Þar
hafði hann átt sæti í 1.353 vikur en
listinn er gefinn út vikulega. Mick-
elson féll niður í 51. sæti á mánudag
en frá því listanum var komið á
koppinn árið 1986 hafði enginn ver-
ið jafn lengi á meðal fimmtíu efstu
án þess að missa úr viku. Mickelson
er 49 ára gamall og var því 23 ára
þegar hann var fyrst á meðal fimm-
tíu efstu. Þá var Brooks Koepka 3
ára en hann er nú í 1. sæti.
Gerðist síðast í
nóvember 1993
AFP
49 ára Phil Mickelson virðist vera
að gefa lítillega eftir á vellinum.
Þegar flest liðin hafa leikið átta
leiki er San Francisco 49ers eina
liðið sem unnið hefur alla leiki sína
í NFL-deildinni í amerískum fót-
bolta á tímabilinu.
Meistararnir í New England Pat-
riots töpuðu í fyrsta skipti á tíma-
bilinu aðfaranótt mánudags þegar
liðið fór til Baltimore. New Eng-
land hafði sem sagt unnið fyrstu sjö
leikina en Baltimore Ravens vann
mjög sannfærandi 37:20. Baltimore
gengur einnig vel og hefur liðið
unnið sex leiki af fyrstu átta. Leik-
stjórnandinn ungi, Lamar Jackson,
gerði New England erfitt fyrir en
vörn meistaranna er þekkt fyrir að
vera mjög sterk. Jackson er 22 ára
og var valinn númer 32 í nýliðaval-
inu í fyrra, og fjórir leikstjórn-
endur voru valdir á undan, en hefur
verið fljótur að sanna sig.
Gamla stórveldið San Francisco
49ers hefur náð sér á strik eftir
mögur ár. Í það minnsta lofar byrj-
unin góðu en fyrir tímabilið var
ekki búist við því að liðið yrði eitt
þeirra allra sterkustu. San Fran-
cisco vann síðast árið 1995 og hefur
ekki farið í úrslitaleikinn síðan þá.
Fleiri lið sem eru öflug í upphafi
tímabils eru New Orleans Saints
sem unnið hefur sjö af fyrstu átta,
þá hafa Green Bay Packers og
Seattle Seahawks unnið sjö af
fyrstu níu leikjum sínum. LA Rams
sem fór í úrslit á síðasta tímabili
hefur unnið fimm leiki.
AFP
Sigursæll Bill Belichick, þjálfari New England Patriots, gengur af velli í
Baltimore þar sem hann mátti sætta sig við fyrsta tapið á tímabilinu.
San Francisco 49ers
eina ósigraða liðið
Skagastrákarnir í 2. flokki mæta
enska liðinu Derby County í 2. um-
ferð unglingadeildar UEFA í knatt-
spyrnu á glæsilegu gervigrasi Vík-
ings í Fossvogi í kvöld en liðin eigast
svo við á Pride Park á Englandi eftir
þrjár vikur. Skagamenn urðu fyrsta
íslenska liðið til að komast í gegnum
fyrstu umferðina eftir að hafa slegið
út eistneska liðið Levadia Tallinn
með stæl en ÍA vann rimmu liðanna
samtals 16:1.
„Þetta er bara virkilega spenn-
andi verkefni sem við erum að fara í
og verður gaman fyrir strákana og
um leið mikil reynsla,“ sagði Sig-
urður Jónsson, þjálfari ÍA, í samtali
við Morgunblaðið.
Derby vann hvítrússneska liðið
FC Minsk í fyrstu umferðinni sam-
anlagt 9:2.
Breytum engu í okkar leik
„Við vitum að Derby er með mjög
gott unglingastarf og akademíu og
er í fremsta flokki á þessu sviði á
Englandi. Það er mikill styrkleiki í
þeirra liði og margir flottir leikmenn
sem spila með því. Við gerum okkur
því alveg grein fyrir því að þetta
verður krefjandi verkefni. Við telj-
um okkur mæta vel undirbúna í
þennan leik. Leikirnir á móti Le-
vadia Tallinn voru léttari en við
reiknuðum með en þessir leikir á
móti Derby verða allt annar hand-
leggur. Við höfum reynt að einbeita
okkur að okkar leik og ég veit að
strákarnir ætla að selja sig
dýrt. Við viljum vera í þeirri
stöðu áður en að síðari leikn-
um kemur að eiga möguleika á
að komast áfram og því er mikilvægt
að ná góðum úrslitum í Víkinni. Við
ætlum ekki að breyta neinu í okkar
leik. Hann hefur hentað okkur vel og
sú hugmyndafræði sem við höfum
verið með. Svo sjáum við til hverju
þetta skilar okkar,“ sagði Sigurður.
Flautað verður til leiks í Víkinni
klukkan 19 í kvöld. gummih@mbl.is
Heldur Evrópu-
ævintýri ÍA áfram?
 Mætir Derby í Víkinni í kvöld
Ljósmynd/ÍA
Spennandi Sigurður Jónsson, þjálf-
ari 2. flokks ÍA í knattspyrnu.
 Hollenska frjálsíþróttakonan
Madiea Ghafoor hefur verið dæmd í
átta og hálfs árs fangelsi fyrir fíkni-
efnasmygl. Ghafoor, sem er 27 ára,
var stöðvuð á leið sinni frá Hollandi til
Þýskalands og reyndist vera með 50
kg af e-pillum og 2 kg af metamfeta-
míni í skottinu á bílnum sínum, auk
1,6 milljóna króna í reiðufé. Söluvirði
efnanna er talið nema jafnvirði 320
milljóna króna. Ghafoor, sem var í
sveit Hollands í 4x400 metra boð-
hlaupi á síðustu Ólympíuleikum, í Ríó
árið 2016, hélt fram sakleysi sínu í
dómsal. Sagðist hún hafa haldið að
hún væri að flytja lyf yfir landamærin.
Frjálsíþróttasamband Hollands harm-
ar málið og fordæmir hegðun Ghafo-
or. Málinu hefur verið vísað til lyfjaeft-
irlits til að kanna hvort reglur um
ólöglega lyfjanotkun frjálsíþróttafólks
hafi verið brotnar.
 Emil Alengård,
fyrrverandi lands-
liðsmaður Íslands
í íshokkí, er orð-
inn aðstoðarþjálf-
ari sænska
úrvalsdeildar-
félagsins AIK eftir
að hafa áður stýrt
U18-liði félagsins.
AIK hefur átt afar erfitt uppdráttar á
leiktíðinni og aðeins unnið fjóra leiki
af 16, þar af þrjá í venjulegum leik-
tíma. Þess vegna var ákveðið að
breyta til hjá félaginu og hættir And-
ers Gozzi sem aðstoðarþjálfari til að
einbeita sér alfarið að hlutverki sínu
sem íþróttastjóri AIK. Jussi Salo
verður áfram aðalþjálfari liðsins en nú
með Emil sér til halds og trausts. Emil
lék með A-landsliði og yngri lands-
liðum Íslands um langt árabil áður en
skautarnir fóru upp í hillu og er sjálf-
sagt besti leikmaður í sögu landsliðs-
ins.
 Knattspyrnumaðurinn efnilegi Orri
Steinn Óskarsson verður leikmaður
danska stórveldisins FC Köbenhavn
frá og með næsta sumri. FCK greinir
frá þessu á heimasíðu sinni og segir
að Orri Steinn hafi skrifað undir
samning sem taki gildi næsta sumar
og að hann muni þá fara í U17-lið fé-
lagsins. Orri Steinn er aðeins 15 ára
gamall en á að baki 9 leiki fyrir yngstu
landslið Íslands. Hann kom við sögu í
14 leikjum með meistaraflokki Gróttu
í sumar, þar af 12 leikjum í 1. deildinni
þar sem hann skoraði eitt mark, en
hjá Gróttu lék hann undir stjórn föður
síns, Óskars Hrafns Þorvaldssonar.
 Jose Maria Gutierrez, betur þekkt-
ur sem Guti, hefur verið ráðinn þjálf-
ari spænska B-deildarliðsins Almería.
Guti lék með spænska stórliðinu Real
Madrid í 15 ár og varð fimm sinnum
spænskur meistari með
því. Hann yfirgaf Real
Madrid árið 2010 og
gekk í raðir Besiktas
sem hann lék með
í eitt ár áður en
hann lagði skóna
á hilluna. Hann
var unglingaþjálfari hjá
Real Madrid frá árinu
2013-18 og aðstoðar-
þjálfari hjá Besiktas á
síðustu leiktíð. Almería
er í öðru sæti í spænsku
B-deildinni.
Eitt
ogannað