Morgunblaðið - 05.12.2019, Qupperneq 2

2 FRÉTTIRInnlent
MORGUNBLAÐIÐ FIMMTUDAGUR 5. DESEMBER 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
Þessa dagana er litadýrðin ráðandi í
gróðurhúsum Birgis S. Birgissonar í
Hveragerði. Ræktun og framleiðsla
á jólablómum er langt komin; nærri
9.000 jólastjörnur eru farnar út úr
húsi og orðnar stáss og yndisauki á
heimilum landsmanna. Flestar eru
þær rauðar, en einnig má í flórunni
finna hvítar og bleikar stjörnur. Þá
eru tegundirnar ástareldur og
begoníur undir gleri og ljósum í
Ficus, en svo heitir gróðrarstöð
Birgis sem er við Bröttuhlíð í blóma-
bænum sem svo er nefndur.
„Við byrjun í jólastjörnunum í júlí,
þá fáum við hingað græðlinga með
rótum frá Hollandi. Með þá er farið
samkvæmt kúnstarinnar reglum
varðandi hita, lýsingu og annað.
Ræktunin núna gekk alveg ljómandi
vel og að undanförnu er ég búinn að
senda frá mér um það bil 9.000 jóla-
stjörnur en alls eru ræktuð á landinu
fyrir hátíðina um 20.000 blóm. Síðan
eru hýasinturnar hér í húsi líka
komnar vel á legg og munu blómstra
fallega,“ nefnir Birgir sem segir
blómabúskap ganga ágætlega um
þessar mundir.
„Á tímabili var naumhyggjan ráð-
andi og á heimilum átti allt að vera
klippt og skorið, rétt eins og við
sáum á myndum í blöðum eins og
Húsum og híbýlum og hinu danska
Bo Bedre. Núna eru stofublómin
hins vegar aftur komin í tísku eins
og við finnum vel í sölu hjá okkur.
Núna er jólaframleiðslan raunar að
mestu farin héðan úr húsi og veitir
ekki af, því í næstu viku setjum við
lauka að páskaliljunum í potta. Í
blómarækt koma helstu hátíðir árs-
ins snemma inn; jól í júlí og páskar í
desember. Og sjálfum finnst mér al-
veg sjálfsagt að hafa blóm á heim-
ilum, því þau framleiða súrefni og
binda kolefni sem við þurfum svo
mjög á að halda.“
Morgunblaðið/Sigurður Bogi
Jólastjörnur Blómabóndinn Birgir S. Birgisson hér með litríkar stjörnur í gulum bjarma lampanna í gróðurhúsinu.
Jólastjörnurnar blómstra
 Litadýrð í Hveragerði  Stofublómin aftur í tísku
Ásta Dóra Finnsdóttir, 12 ára píanó-
leikari úr Garðabæ, komst ekki
áfram úr annarri umferð Hnetu-
brjótsins, sjónvarpskeppni ungra
tónlistarmanna hjá TvKultura í
Rússlandi í gærkvöldi. Kennari Ástu
Dóru og faðir voru þó einstaklega
ánægð með frammistöðu hennar.
Ásta Dóra var meðal 16 þátttak-
enda sem komust í úrslitakeppnina
eftir forval. Hún var meðal átta
keppenda sem komust áfram úr
fyrstu umferð í Moskvu og stóð sig
einnig vel í annarri umferð sem
fram fór í gærkvöldi og var sjón-
varpað beint um allt Rússland. Hún
fékk góðar einkunnir og var hárs-
breidd frá því að
komast áfram í
þriggja manna
úrslit.
„Maður getur
bara óskað eftir
því að hún geri
sitt besta og það
gerði hún svo
sannarlega.
Hvernig dóm-
nefndin spilar svo
úr þessu fer eftir allmörgum þáttum
og getur til dæmis röð keppenda
skipti máli þar sem stigin eru gefin
jafnóðum,“ segir Finnur Þorgeirs-
son, faðir Ástu Dóru. helgi@mbl.is
Ungur píanóleikari stóð sig vel í beinni
útsendingu sjónvarps um allt Rússland
Ásta Dóra
Finnsdóttir
Már Gunnarsson, sundkappi og
tónlistarmaður, er handhafi
Kærleikskúlunnar 2019, en afhend-
ing viðurkenningarinnar fór fram
á Kjarvalsstöðum í gærmorgun.
Áslaug Arna Sigurbjörnsdóttir
dómsmálaráðherra var kynnir há-
tíðarinnar og sá systir hennar,
Nína Kristín, um að veita verð-
launin.
„Már er framúrskarandi fyrir-
mynd og hefur stjórn Styrktar-
félags lamaðra og fatlaðra ákveðið
að veita honum Kærleikskúluna í
ár,“ segir í tilkynningu. Már er
blindur en lætur það ekki hindra
sig í að ná markmiðum sínum,
þekktur afreksmaður í íþróttum og
margfaldur Íslandsmethafi í sundi.
Listakonan Ólöf Nordal gerði kúl-
una og nefnist hún „Sól ég sá“. All-
ur ágóði af sölu hennar rennur til
Reykjadals, sumar- og helgarbúða
fyrir fötluð börn og ungmenni.
Morgunblaðið/RAX
Afreksmaður Már Gunnarsson íþróttamaður tekur á móti verðlaununum.
Már er handhafi
Kærleikskúlunnar
Helgi Bjarnason
helgi@mbl.is
Kúabændur samþykktu samkomu-
lag bændaforystunnar við ríkið í al-
mennri atkvæðagreiðslu sem lauk á
hádegi í gær. „Ég er mjög ánægður
með niðurstöðuna. Við höfum stefnt
að þessu í þrjú ár og nú er málið í
höfn,“ segir Arnar Árnason, formað-
ur Landssambands kúabænda.
Samkomulagið var samþykkt með
447 atkvæðum en 132 voru á móti og
níu tóku ekki afstöðu. Ef aðeins er
litið til þeirra sem tóku afstöðu var
samkomulagið samþykkt með 77,2%
atkvæða. Á kjörskrá voru 1.332 kúa-
bændur og greiddu 588 atkvæði
þannig að þátttaka í atkvæðagreiðsl-
unni var 44%.
Kvótakerfi áfram
Aðalbreytingin við endurskoðun
búvörusamninga felst í því að fallið
er frá því að afnema kvótakerfi í
mjólkurframleiðslu, í samræmi við
vilja meirihluta bænda. Í upphafleg-
um samningi sem skrifað var undir á
árinu 2016 var ákveðið að gefa fram-
leiðsluna frjálsa. Landssamband
kúabænda beitti sér síðar fyrir at-
kvæðagreiðslu meðal kúabænda um
kvótakerfið og var mikill meirihluti
þeirra hlynntur því að haldið yrði í
kvótakerfið, í svipaðri mynd og verið
hefur undanfarna áratugi.
Kristján Þór Júlíusson landbúnað-
arráðherra mælti í fyrrakvöld fyrir
frumvarpi um breytingar á búvöru-
lögum, í samræmi við samkomulagið
við bændur. Málið fór til atvinnu-
veganefndar að lokinni fyrstu um-
ræðu.
Þá hefur atvinnuvegaráðuneytið
kynnt drög að reglugerð sem gefin
verður út þegar lögunum hefur verið
breytt. Vonast Arnar til þess að allt
þetta verði klárt um áramót.
Þá hefst vinna við að ljúka málum
sem ákveðið var að setja í ferli í sam-
komulagi bænda og ríkisins. Þrír
vinnuhópar verða skipaðir, einn um
verðlagsmál, annar um loftslagsmál
sem er veigamikið atriði í samkomu-
laginu og sá þriðji um útfærslu á
ýmsum öðrum nýjungum. Arnar
segir að þessi mál verði leyst í því
ferli sem er að hefjast.
Sum málanna verða borin undir
atkvæði kúabænda á næsta ári.
Samþykkt með at-
kvæðum 77% bænda
 Þingleg meðferð breytinga á búvörusamningi hafin
Morgunblaðið/Styrmir Kári
Kýr Minni breytingar verða á starfsumhverfi kúabænda en áður var áform-
að, nú þegar breytingar á búvörusamningum taka gildi.
Bir
tm
eð
fyr
irv
ar
au
m
pr
en
tvi
ll
595 1000
lur
.H
i
sf
r
ir
s
ia
i
i
.
Verð frá kr.
239.995
Vorferðirnar
Fararstjóri: Gunnar Svanlaugsson
60+ til Tenerife
komnar í sölu!