Morgunblaðið - 05.12.2019, Side 4

4 FRÉTTIRInnlent
MORGUNBLAÐIÐ FIMMTUDAGUR 5. DESEMBER 2019
Málverk eftir Jóhannes Sveinsson
Kjarval, Gunnlaug Scheving og Ás-
grím Jónsson voru seld á uppboði
hjá Bruun Rasmussen í Kaup-
mannahöfn í gær og var söluverðið
nálægt hámarksmatsverði.
Þannig seldist málverkið Svína-
hraun eftir Kjarval fyrir 240 þúsund
danskar krónur, jafnvirði 4,33 millj-
óna íslenskra króna, en það var met-
ið á 200-250 þúsund krónur. Mál-
verkið Fjölnismenn, einnig eftir
Kjarval, seldist fyrir 140 þúsund
danskar krónur, jafnvirði 2,53 millj-
óna íslenskra króna, en það var met-
ið á 150 þúsund danskar krónur, og
sjávarmynd eftir Gunnlaug Schev-
ing, sem metin var á 200 þúsund
danskar krónur, seldist fyrir 180
þúsund krónur, jafnvirði 3,25 millj-
óna íslenskra króna.
Eigandi tveggja síðastnefndu
verkanna, sem vildi ekki láta nafns
síns getið, sagði við Morgunblaðið að
hann væri sáttur við niðurstöðu upp-
boðsins og verðið sem fékkst fyrir
málverkin væri talsvert hærra en
fyrir sambærileg verk á uppboðum
hér á landi.
Eigandinn sagðist ekki vita hverj-
ir keyptu málverkin á uppboðinu en
hann hefði heyrt að söfn og stofnanir
á Íslandi hefðu sýnt þeim áhuga.
Landslagsmynd eftir Ásgrím
Jónsson, sem metin var á 60-75 þús-
und danskar krónur, seldist fyrir 70
þúsund krónur, um 1,3 milljónir ís-
lenskra króna. Eitt verk eftir Kjar-
val, metið á 200-240 þúsund danskar
krónur, seldist ekki á uppboðinu í
gær og ekki heldur stúlkumynd eftir
Gunnlaug Blöndal, sem metin var á
40-50 þúsund krónur. gummi@mbl.is
Eigandi málverka sáttur
við söluverð á uppboði
Birt með leyfi Bruun Rasmussen
Hátt verð Verkið Fjölnismenn eftir
Kjarval seldist á uppboði í gær.
 Hátt verð fékkst
fyrir íslensk verk
Helgi Bjarnason
helgi@mbl.is
Framkvæmdir eru hafnar við nýtt
baðlón vestast á Kársnesi í Kópa-
vogi. Það mun opna dyr sínar fyrir
gestum á árinu 2021. Í fyrsta áfanga
er gert ráð fyrir heitu baðlóni við
sjóinn með útsýni út á hafið og til
Bessastaða, kaldri laug og gufuböð-
um. Kostnaður við þann áfanga er
áætlaður 4 milljarðar króna.
„Búið er að vinna að þessu verk-
efni í mörg ár. Það er komið á þann
stað núna að framkvæmdir eru að
hefjast,“ segir Gestur Þórisson, einn
af aðstandendum verkefnisins.
Jarðvinna er hafin á lóð fyrir-
tækisins og búist við að steypuvinna
hefjist í næstu viku. Í þessum fyrsta
áfanga verður baðlón ásamt kaldri
laug og gufuböðum með tilheyrandi
mannvirkjum. Jafnframt aðstaða
fyrir veitingasölu og aðra þjónustu
við gesti.
Fyrirhugað er að ráðast í frekari
uppbyggingu á lóðinni sem er um 3
hektarar að stærð, meðal annars að
stækka baðlónið ásamt mann-
virkjum sem því fylgir.
Vinsæll ferðamannastaður
Baðlónið er nálægt miðju höf-
uðborgarsvæðisins og segir Gestur
að staðsetningin sé góð og gott að
komast að baðlóninu. Telur hann að
staðurinn henti vel fyrir starfsem-
ina. „Við teljum að það verði áhuga-
vert fyrir alla að geta vippað sér í
baðlón, svona stutt frá bænum en þó
úti í náttúrunni og geta upplifað og
notið. Þetta verður allt annað um-
hverfi en fólk sækir í hjá sundlaug-
unum,“ segir Gestur.
Ármann Kr. Ólafsson, bæjarstjóri
í Kópavogi, telur að baðlónið og
þjónustan sem því tengist verði eitt
af sterkustu kennileitum höfuðborg-
arsvæðsins um langa framtíð, að því
er haft er eftir honum í frétta-
tilkynningu, og um leið glæsilegur
kyndilberi fyrir ferðaþjónustu á Ís-
landi. Gestur tekur undir þetta og
segist að aðstandendur verkefnisins
búist við að baðlónið verði vinsæll
ferðamannastaður.
Samvinna við Kanadamenn
Verkefnið er í eigu Nature Resort
ehf. og hafa aðaleigendur þess, Gest-
ur og Eyþór Guðjónsson, stýrt und-
irbúningnum í samvinnu við kana-
díska afþreyingar- og ferða-
þjónustufyrirtækið Pursuit.
Síðarnefnda fyrirtækið rekur af-
þreyingarfyrirtækið FlyOverIce-
land í Reykjavík og upplifunarstaði
og hótel í Kanada og Bandaríkj-
unum. Pursuit mun einnig annast
rekstur baðlónsins. Dagný Hrönn
Pétursdóttir, fyrrverandi fram-
kvæmdastjóri hjá Bláa lóninu, hefur
verið ráðin framkvæmdastjóri
rekstrarfélagsins.
Baðlón opnar
á Kársnesi
á árinu 2021
 Framkvæmdir hafnar á lóðinni
 Framkvæmt fyrir 4 milljarða
Tölvugerð mynd/Aðsend
Við sjóinn Baðlónið verður vestast á Kársnesi og úr því verður fallegt út-
sýni til hafs og til Álftaness og Reykjavíkur. Framkvæmdir eru hafnar.
Höskuldur Daði Magnússon
hdm@mbl.is
Aksturskostnaður alþingismanna
hefur dregist mjög saman á síðustu
árum. Ef þróunin frá 2013 til 2019 er
skoðuð kemur í ljós að umræddur
kostnaður hefur lækkað úr um 68
milljónum króna í um 30 milljónir á
ári síðustu tvö ár.
Breytingar sem gerðar voru á
reglum um þingfararkostnað í árs-
byrjun 2018 hafa orðið til þess að
umtalsvert minni kostnaður er
vegna ferða á eigin bifreiðum þing-
manna. Að sama skapi hefur kostn-
aður vegna ferða með bílaleigubílum
aukist. Skýrist það af því að þeir
þingmenn sem aka mest eru með
bíla í langtímaleigu í gegnum Al-
þingi.
Á vef Alþingis er hægt að rýna í
sundurliðun á kostnaði einstaka
þingmanna. Ásmundur Friðriksson,
þingmaður Sjálfstæðisflokksins, er
með hæsta kostnaðinn vegna bíla-
leigubíla. Nemur kostnaðurinn ríf-
lega 2,8 milljónum króna á þessu ári.
Kostnaðurinn hefur jafnan verið á
milli 100 og 200 þúsund krónur í
hverjum mánuði. Í október síðast-
liðnum var kostnaðurinn þó ríflega
1,6 milljónir króna.
Ásmundur kvaðst í samtali við
Morgunblaðið ekki hafa skýringu á
þessum aukna kostnaði. „Ég lít aldr-
ei á þetta, hvorki hjá mér né öðr-
um,“ sagði þingmaðurinn. Hann
upplýsti þó að hann hefði nýverið
skipt um bílaleigubíl og taldi mögu-
legt að umræddur kostnaður væri
því tengdur. Þetta staðfestir Eggert
Jónsson, forstöðumaður hjá Alþingi.
Hann segir að Alþingi leigi bíla-
leigubíl fyrir Ásmund og inni í leig-
unni sé 20 þúsund kílómetra akstur
á ári. Láðst hafi að lesa af mælinum
hjá Ásmundi og þarna sé um um-
framakstur síðustu tveggja ára að
ræða. „Það er alls ekki Ásmundi að
kenna að þetta komi svona fram og
ef til vill hefðum við átt að dreifa
kostnaðinum,“ segir Eggert sem
kvaðst telja að Ásmundur hefði ekið
um fjörutíu þúsund kílómetra á ári á
umræddu tímabili.
Alls eru fimm þingmenn með
langtímaleigu á bílaleigubílum í
gegnum Alþingi. Auk Ásmundar eru
það þeir Birgir Þórarinsson, Guðjón
S. Brjánsson, Haraldur Benedikts-
son og Sigurður Páll Jónsson. Allir
eiga þeir sammerkt að keyra að
heiman í sínu kjördæmi til vinnu og
til baka. „Okkur ber að greiða ferðir
þessara manna heim og að heiman.
Við reynum að gera allt á sem hag-
kvæmastan hátt og með þessum
bílaleigubílum hefur sparast tölu-
vert fé,“ segir Eggert.
Aksturskostnaður alþingismanna 2013 til 2019
Tölur fyrir 2019
ná yfi r tímabilið
janúar til október
2013 2014 2015 2016 2017 2018 2019
Ferðir á eigin bifreið 59.407.414 47.888.488 36.200.099 36.968.690 27.780.874 8.603.210 5.049.563
Ferðir með bílaleigubíl 7.689.075 7.415.459 12.337.414 14.687.240 13.444.825 19.128.518 17.122.444
Eldsneyti 179.796 178.925 1.267.807 1.365.194 1.223.171 3.044.955 2.670.851
Annað (jarðgöng, leigub. o.fl .) 706.250 529.554 353.813 707.102 313.510 104.260 54.613
Samtals 67.982.535 56.012.426 50.159.133 53.728.226 42.762.380 30.880.943 24.897.471
68
m.kr.
56
m.kr. 50
m.kr.
54
m.kr.
43
m.kr.
31
m.kr.
25
m.kr.
Heimild: Alþingi
Mynd: Colourbox
IH8 MYX
Aksturskostnaður
hefur minnkað mikið
 Ánægja með breytt fyrirkomulag  Ásmundur ekur mest
„Mér finnst þetta nýja fyrir-
komulag ganga framúrskarandi
vel. Það sem er jákvæðast í
þessu er að þingið nær mark-
miðum sínum, að spara umtals-
verða fjármuni,“ segir Guðjón S.
Brjánsson, 1. varaforseti Alþing-
is, sem sjálfur notast við bíla-
leigubíl. Hann segir að betri
rammi sé nú um aksturs-
kostnað þingmanna.
„Nú ber okkur að skrifa akst-
ursdagbók og skila henni inn
með rafrænum hætti. Þar er
greint á milli hvenær ekið er til
og frá vinnu, hvenær ekið er í
önnur verkefni og eftir atvikum
hvenær ekið er í einkaerindum.
Þeir sem voru öðru vanir þurfa
kannski sinn tíma til að laga sig
að breytingum en almennt hef-
ur þetta reynst vel.“
Ragna Árnadóttir, skrif-
stofustjóri Alþingis, segir að
umrætt fyrirkomulag hafi
reynst vel og hún viti ekki betur
en almenn ánægja sé með það.
Betri rammi
GÓÐ REYNSLA Á ÞINGI
Gefðu frí um jólin
með gjafabréfi Icelandair