Morgunblaðið - 10.12.2019, Side 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 10. DESEMBER 2019
Verslun Tunguhálsi 10 - Sími 415 4000 – www.kemi.is - kemi@kemi.is
Heyrnarhlíf með Bluetooth® tengimöguleika við 2 síma,
útvarpi og umhverfishljóðnema. Hægt er að hlusta á tónlist
sem og taka handfrjáls símtöl í mjög hávaðasömu umhverfi
þar semmíkrafónnin útilokar allan umhverfishávaða.
Tengist við smáforrit í síma.
Heyrnarhlíf
PeltorWS Alert XPI Bluetooth ®
13.106 -0,5
2.047 0,0 1.120 -0,3 9.467 0,5 27.910 -0,4 7.234 −5,8
1.655 -0,3 1.743 0,0 908.00 0.17 8.622 -0,4
10. desember 2019
Gengi Kaup Sala Mið
Dollari 120.86 121.44 121.15
Sterlingspund 158.64 159.42 159.03
Kanadadalur 91.64 92.18 91.91
Dönsk króna 17.935 18.039 17.987
Norsk króna 13.217 13.295 13.256
Sænsk króna 12.739 12.813 12.776
Svissn. franki 122.24 122.92 122.58
Japanskt jen 1.1124 1.119 1.1157
SDR 166.52 167.52 167.02
Evra 134.03 134.77 134.4
Meðalgengi/Viðskiptavog þröng 164.0941
Hrávöruverð
Gull 1474.85 ($/únsa)
Ál 1750.0 ($/tonn) LME
Hráolía 63.41 ($/fatið) Brent
● Hlutabréf Icelandair
Group hækkuðu mest í
Kauphöllinni í gær. Við
lokun markaða var gengi
hlutabréfa félagsins
8,68 krónur og nam
hækkunin 2,84% í 304
milljóna króna viðskiptum. Fram kom í
tilkynningu frá Icelandair eftir lokun
markaða á föstudag að komustundvísi
félagsins hefði farið úr 75,7% í nóv-
ember í fyrra í 90% í nóvember sl. Jafn-
framt var sagt frá því að farþegum
hefði fjölgað um 16% í nóvember frá
sama mánuði í fyrra og að félagið hefði
flogið með 25% fleiri farþega til Íslands
það sem af er ári en á sama tímabili
2018.
Viðskiptin með hlutabréf Icelandair
voru næstmestu viðskipti gærdagsins,
mestu viðskiptin voru með hlutabréf
Marels sem námu 329 milljónum króna
og varð 0,48% hækkun á hlutabréfum
fyrirtækisins. Í heild voru gerð viðskipti
í Kauphöllinni fyrir um 1,8 milljarða
króna.
Bréf Origo lækkuðu mest eða um
1,82% og enduðu bréfin í 26,9 krónum
eftir tæplega 37,2 milljóna viðskipti. Þá
lækkuðu bréf Kviku banka næstmest
eða 1,48% í 94 milljóna viðskiptum og
var gengi hlutabréfa bankans 9,93 við
lokun markaða.
Hlutabréf Icelandair
hækkuðu mest í gær
STUTT
BAKSVIÐ
Þóroddur Bjarnason
tobj@mbl.is
Flestir ættu að þekkja vandamálið
sem fylgir því að eiga gjafabréf sem
gleymist ofan í skúffu og þegar það
finnst er það útrunnið og ónothæft.
Ari Steinarsson og Ragnar Árnason
hafa fundið lausn við þessu en þeir
eru búnir að rafvæða gjafabréfin og
setja í nýtt smáforrit sem kallast
YAY.
Ari segir í samtali við Morgun-
blaðið að hugmyndin eigi sér þó-
nokkurn aðdraganda og þeir Ragn-
ar hafi gengið lengi með hana í
maganum. Hann segir að sagan af
því hvernig hugmyndin fór loks á
flug, sé hálflygileg. „Dag einn var
Ragnar að bíða í röð eftir að kaupa
ís í IKEA, og hitti þar Jón Þorgrím
Stefánsson, tæknistjóra hugbúnað-
arfyrirtækisins Netapp. Ragnar
sagði Jóni frá hugmyndinni í fljótu
bragði þar sem þeir stóðu þarna
saman í röðinni og honum leist svo
vel á hugmyndina að hann bæði fjár-
festi sjálfur í fyrirtækinu og dró
fleiri fjárfesta að borðinu. Það er
magnað hvernig þetta atvikaðist,“
segir Ari.
Öflugir fjárfestar
Fjárfestarnir sem komu að félag-
inu eru öflugir að sögn Ara. Þar er
um að ræða Kjöl fjárfestingafélag
og Omega fjárfestingafélag, sem
eiga samtals rúmlega 50% í YAY.
Frumkvöðlarnir, þeir Ari og Ragn-
ar, eiga saman minnihluta.
Aðspurður segir Ari að þróun for-
ritsins hafi kostað einhverja tugi
milljóna króna.
Spurður nánar um virkni forrits-
ins segir Ari að forritinu megi lýsa
sem markaðstorgi fyrir gjafabréf.
„Það þekkja allir þetta vandamál að
eiga gjafabréf ofan í skúffu og nota
það aldrei. Við höfum fundað með
yfir 150 aðilum sem allir hafa tekið
vel í að vera með, og nú þegar erum
við komnir með 60 samstarfsaðila.
Með appinu getum við minnt fólk á
að nota gjafakortið áður en það
rennur út til dæmis. Auk þess bjóð-
um við upp á að fólk geti keypt
gjafabréf í einni búð, pakkað því í
„gjafapappír“ og sent myndband
með persónulegri kveðju.“
Ari segir að í appinu felist ákveðin
neytendavernd, því boðið er upp á
endursölumarkað í forritinu. „Ef ég
hef ekki áhuga á gjafakortinu sem
ég fæ, get ég skipt því út fyrir annað
gjafabréf frá öðru fyrirtæki.“
Byrja með Nova
Um næstu helgi hefst markaðs-
herferð YAY fyrir alvöru. „Við ætl-
um að hefja vegferð okkar með einu
öflugasta markaðsfyrirtæki lands-
ins, farsímafyrirtækinu Nova, sem
mun bjóða frí gjafabréf í gegnum
ókeypis efni Nova og YAY.“
Spurður um langtímamarkmið
fyrirtækisins segir Ari að stefnt sé á
aðra markaði. „Við ætlum að prófa
þetta hratt og örugglega hér á landi,
og færa okkur svo út fyrir landstein-
ana.“
Gjafakortin upp úr skúffu
og inn í smáforritið YAY
Kort Hægt er að kaupa gjafakort í appinu, pakka því inn og senda til annarra notenda appsins.
Þróun
» Tugi milljóna hefur kostað
að þróa nýja smáforritið YAY.
» Stefnt er að því að prófa for-
ritið hér á Íslandi hratt og vel
og fara svo á aðra markaði.
» 60 samstarfsaðilar eru þeg-
ar komnir til YAY.
» Í forritinu er endur-
sölumarkaður þar sem hægt er
að skipta út gjafabréfum sem
maður hefur ekki áhuga á að
nota.
 Byrja á Íslandi og stefna í útrás  Tugmilljóna þróun  Tók flugið í IKEA
Veitingahúsið sem nú er að rísa við
Arnarnesvoginn í Garðabæ, og hefur
fengið nafnið Sjáland, er farið að
taka á sig endanlega mynd. Það mun
taka á móti fyrstu gestunum fyrri
hluta janúar nk. að sögn Arnórs
Guðmundssonar rekstrarstjóra.
Rekstraraðili Sjálands er Stefán
Magnússon sem einnig rekur Mat-
hús Garðabæjar og steikhúsið
Reykjavík MEAT.
Eins og fram kemur í auglýs-
ingum á netinu er nú óskað eftir
bókunum í veislur í „glæsilegum sal
með óviðjafnanlegu útsýni“.
„Þetta er allt að fæðast. Hér get-
um við haldið veislur af öllum teg-
undum, árshátíðir, fermingar og
brúðkaup svo dæmi séu tekin,“ segir
Arnór.
Hann segir að iðnaðarmenn leggi
nú nótt við dag að klára húsnæðið.
Veitingahúsið er 700 fermetrar en
auk veislusalar verður ítalskur veit-
ingastaður opinn daglega.
tobj@mbl.is
Veitingar Sjáland getur tekið við 3-400 veislugestum.
Sjáland opnað
í janúar 2020
 Veitingastaðurinn verður ítalskur