Morgunblaðið - 21.12.2019, Qupperneq 27

Sími 564 6711 | thingvangur@thingvangur.is | thingvangur.is
Fasteignin, sem er á tveimur hæðum, er eitt fallegasta veitingahús Reykja-
víkur. Að auki er útiaðstaða fyrir veitingasölu í Hjartagarðinum. Heildarstærð
er 622,9 fm. Einstakt tækifæri til að tengja saman fjárfestingu og rekstur.
Frekari upplýsingar hjá katrin@thingvangur.is eða í síma 820 6355.
Klapparstígur 28 og 30
Til sölu glæsilega
innréttuð fasteign
UMRÆÐAN 27
MORGUNBLAÐIÐ LAUGARDAGUR 21. DESEMBER 2019
Eins og stundum áður hefurpistlahöfundur sett sam-an nokkur skákdæmi fyr-ir jólin. Dæmin eru trú-
lega í strembnari kantinum en nefna
má að dæmi nr. 2 og 4 eru fengin úr
heimsmeistarakeppninni í skák-
dæmalausnum sem haldin var í
Ohrid í Makedóníu í september
2018. Þar mættu til leiks margir val-
inkunnir kappar með enska stærð-
fræðinginn og stórmeistarann John
Nunn fremstan í flokki. Hann á oft í
harðri keppni við Pólverja sem eru
afar harðir í horn að taka á þessu
sviði.
HM í atskák og hraðskák
Heimsmeistarakeppnin í atskák,
15-10, og hraðskák, 3-2, fer fram í
Moskvu dagana 25.-30. desember.
Mótið verður sett á jóladag en
keppnin í atskák fer fram 26.-28.
desember, fimm umferðir dag
hvern. Taflið hefst kl. 12 að íslensk-
um tíma alla þrjá keppnisdagana.
Þar eru tefldar 15 umferðir.
HM í hraðskák stendur svo yfir
dagana 29. og 30. desember, alls 21
umferð. Keppnin hefst kl. 12 að ís-
lenskum tíma fyrri daginn en kl. 11
seinni daginn.
Hægt verður að fylgjast með
keppninni í beinni útsendingu á
ýmsum vefsvæðum og má nefna
Chess24.com, ICC og Chess-
bomb.com. Búast má við þátttöku
bestu skákmanna heims og meðal
keppenda verður heimsmeistarinn
Magnus Carlsen.
Jólaskákþrautir
Skák
Helgi Ólafsson
helol@simnet.is
3. Sam Lloyd, 1864
Hvítur leikur og mátar í 3. leik.
6. Oleg Pervakov, 2019
Hvítur leikur og vinnur.
5. W. Shinkman, 1872
Hvítur leikur og mátar í 4. leik.
2. Albert Wolkman, 1950
Hvítur leikur og mátar í 2. leik.
4. Fuss/Möller, 1928
Hvítur leikur og mátar í 3. leik.
1. Höfundur ókunnur
Hvítur leikur og mátar í 2. leik.
Löngum fengu for-
eldrar mínir þær frétt-
ir úr barnaskólanum
að ég væri nánast ólæs
og reynt var að kaupa
handa mér tíma-
kennslu hjá vænni frú í
næstu götu, en þeir
tímar höfðu afar tak-
markað skemmtigildi.
Þrátt fyrir þetta las ég
reiðinnar ósköp af bók-
um sem ég fékk á
Borgarbókasafninu: Fimmbækur,
Ævintýrabækur, um Árna í Hraun-
koti og Þúsund og eina nótt, svo
dæmi séu nefnd. Í sveitinni rétti
Andrés húsbóndi minn í Deild-
artungu mér bók og bað mig að lesa,
mér yrði hlýtt yfir daginn eftir.
Þetta var Gerpla.
Hjá honum las ég allan Kiljan,
sem var góður undurbúningur undir
Hamsun sem ég las nánast allan. Á
haustin byrjaði svo sama harmsag-
an, kennarar töldu mig nánast ólæs-
an og við hafði þá bæst að ég var líka
orðinn nánast óskrifandi. Það var
því ekki að ófyrirsynju að ég hallaði
mér að stærðfræði og var svo hepp-
inn að lenda hjá kennara sem skildi
stöðu mína, Ólafi Ólafssyni (Stóra-
Rauði). Hann kallaði mig eitt sinn að
kennaraborði og kenndi mér að
draga þriðjurót á þremur mínútum.
Um svipað leyti var ég hjá Tryggva
Gíslasyni sem lét mig læra nokkur
ljóð eftir Jón Helgason, sem ég kann
enn. En niðurstaðan á prófum og að
mati kennara var áfram sú að ég
væri illa læs og skrifandi.
Þegar hér var komið
sögu höfðu þá einnig
bæst við á minn leslista
danskar og sænskar
bækur, sem ég las fyr-
irhafnarlítið, enda fjöll-
uðu þær um margar
öflugustu kenndir
mannlífsins. Engu að
síður voru einkunnir í
erlendum málum ekki
háar. En stærðfræðin
lukkaðist bærilega og
var nánast minn bjarg-
hringur
Í MA var ég hjá Gísla Jónssyni ís-
lenskukennara. Hann kom til mín og
sagði „þínar ritvillur eru einkenni-
legar, þú skrifar go í stað og.“ Hann
ráðlagði að ég læsi ritgerð aftur-
ábak, setningu fyrir setningu, þá sæi
ég betur villur. Við þetta fór einkunn
úr 4 í 9.
Vér ólæsu og óskrifandi höfum
ekki áhyggjur af PISA og bless-
uðum kennurunum, lesum áfram
það sem er skemmtilegt, fyrr eða
síðar fáum við liðsmenn sem munar
um.
Vér ólæsu
Eftir Guðmund
Ólafsson
» Vér ólæsu og óskrif-
andi, höfum ekki
áhyggjur af PISA og
blessuðum kennurun-
um, lesum áfram það
sem er skemmtilegt.
Guðmundur
Ólafsson
Höfundur er lektor emeritus
frá HÍ og Bifröst.
gol@gol.is
Rafn Hafnfjörð fæddist 21.
desember 1928 í Hafnarfirði.
Foreldrar hans voru Þuríður
Sveinsdóttir og Gunnlaugur F.
Sigurðsson.
Rafn lauk gagnfræðaprófi
frá Flensborg, stundaði nám
við Iðnskólann í Hafnarfirði og
í Reykjavík og lauk sveinsprófi
í offsetprentun 1953. Hann
stofnaði ásamt öðrum prent-
smiðjuna Litbrá hf. 1954 og rak
hana til ársins 2005 og var einn
af stofnendum og fyrsti for-
maður Félags offsetprentara.
Rafn var þekktur landslags-
ljósmyndari og tók þátt í fjölda
ljósmyndasýninga, má þar
nefna einkasýningu á Kjarvals-
stöðum árið 1979 og í Hafnar-
borg árið 2004. Myndir eftir
Rafn hafa birst víða og verið
notaðar til landkynningar um
allan heim. Auk þess liggja eft-
ir hann fjölmargar greinar um
stangaveiði og útivist.
Rafn gekk í Stangaveiðifélag
Reykjavíkur 1951 og var félagi
númer níu. Hann var einn af
stofnendum Veiðiklúbbsins
Strengs og Stakkavíkur, veiði-
félags við Hlíðarvatn Hann var
í stjórn og formaður Lands-
sambands stangaveiðifélaga til
nokkurra ára.
Rafn var kvæntur Kristínu
Björgu Jóhannsdóttur og eign-
uðust þau sjö börn.
Rafn lést 21. maí 2011.
Merkir Íslendingar
Rafn
Hafnfjörð
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Móttaka aðsendra greina
Morgunblaðið er vettvangur lifandi umræðu í landinu og birtir aðsendar greinar
alla útgáfudaga.
Þeir sem vilja senda Morgunblaðinu greinar eru vinsamlega beðnir að nota inn-
sendikerfi blaðsins. Kerfið er auðvelt í notkun og tryggir öryggi í samskiptum milli
starfsfólks Morgunblaðsins og höfunda. Morgunblaðið birtir ekki greinar sem
einnig eru sendar á aðra miðla.
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn í
kerfið. Ítarlegar leiðbeiningar fylgja hverju þrepi í skráningarferlinu. Nánari upplýs-
ingar veitir starfsfólk Morgunblaðsins alla virka daga í síma 569-1100 frá kl. 8-18.