Morgunblaðið - 21.12.2019, Side 35

MINNINGAR 35
MORGUNBLAÐIÐ LAUGARDAGUR 21. DESEMBER 2019
Elsku amma mín,
góða ferð í nýja æv-
intýrinu sem var að
byrja hjá þér. Þú varst lengi búin
að þrá hvíldina miklu og ég var
búin að biðja um það fyrir þig en
nú þegar þú ert farin þá er sökn-
uðurinn svo mikill og lífið tóm-
legra.
Þú hefur nú lifað tímana
tvenna amma mín, að verða 104
ára er ekkert smá afrek. Margt
og mikið gerðist á milli þess sem
þú varst Guðný litla á Grund og
þangað til þú varðst Guðný
gamla í Stöð, þú áttir viðburða-
ríka ævi en það sem alltaf skein í
gegn var staðfesta og lífsgleði.
Við vorum góðar vinkonur, þú
og ég. Mín kærasta bernsku-
minning er þegar ég fékk að fara
með pabba inn á Stöð til ykkar
afa eldsnemma á morgnana og á
meðan pabbi og afi voru í fjár-
húsinu að gefa þá var ég að skot-
tast með þér. Afi var þá búinn að
elda hafragrautinn og þegar ég
var búin að borða þá vorum við
að brasa hitt og þetta þangað til
leikfimiæfingarnar byrjuðu á
Rás 1 en þær gerðum við alltaf
samviskusamlega.
Sögurnar sem hægt er að
segja eru margar en látum
nægja tvær. Önnur gerðist þegar
ég var þriggja ára. Ég fór með
þér í berjamó í hlíðinni fyrir ofan
bæinn og undum við okkur vel
alllengi en að lokum tók ég að
ókyrrast og vildi fara ofar í
brekkuna að tína berin. Þú sagð-
ir að það væri í lagi og hélst
áfram að tína. Svo nokkru seinna
kallaðir þú á mig og þá var ekk-
ert svar, þú leitaðir og leitaðir og
fannst mig hvergi. Þegar þarna
var komið hljópst þú niður að bæ
og sagðir við mömmu að þú vær-
ir búin að týna Erlu. Mamma var
að taka sig til og fara að leita
með þér þegar henni verður litið
upp að Háteignum og sér hvar
ég kem skoppandi allsber og
Strútur, hundurinn á bænum, á
eftir mér.
Þú sagðir að þér hefði aldrei
verið eins létt og þegar ég kom í
leitirnar þennan dag. Pabbi labb-
aði upp fyrir Háteiginn seinna
sama dag og fann fötin mín við
lækinn sem rennur utan við Há-
teiginn.
Þá hafði ég bara ætlað að baða
mig smá. Eins er önnur saga sem
þú sagðir mér mjög oft og við
hlógum mikið að. Þetta var þeg-
ar ég var svona tveggja til
þriggja ára. Við vorum að leggja
okkur saman á dívaninum eftir
matinn og ég var eitthvað óróleg.
Þú sagðir að ég ætti að fara að
sofa og svo allt í einu segi ég:
Amma mín, hvað sagðir þú, pirr-
Guðný Jóna
Þorbjörnsdóttir
✝ Guðný JónaÞorbjörns-
dóttir fæddist 12.
september 1915.
Hún lést 26. nóv-
ember 2019.
Útför Guðnýjar
fór fram 14. desem-
ber 2019.
uð að ég væri ekki
farin að sofa og þá
segi ég þessa gullnu
setningu: við erum
báðar forljótar. Þú
vissir ekki hvert þú
ætlaðir, ég var
greinilega nýbúin
að læra þetta orð og
vissi ekkert hvað
það þýddi. Ég hef
ætlað að vera voða
góð og blíð við þig.
Þær eru margar sögurnar og
margar minningarnar sem ég á
um þig. Ég sakna þín svo mikið
en þetta er lífsins gangur og öll
eigum við eftir að fara í þetta
ferðalag. Ég bið að heilsa pabba
og afa, þeir taka á móti þér
strákarnir þínir. Allar minning-
arnar hlýja mér um hjartarætur,
ég er svo rík að hafa átt þig að
ömmu. Takk fyrir allt. Nú færð
þú að hvíla milli pabba og afa í
fjallahringnum. Ég ætla að enda
þetta á orðtaki sem þú sagðir
mjög oft þótt ég viti ekki eftir
hverjum þú hafðir það: Lífið er
leikur og logandi und og læknast
ekki fyrr en á aldursdýrri stund.
Ég elska þig.
Erla Jóna Steingrímsdóttir.
Föðursystir mín Guðný Jóna
Þorbjörnsdóttir hefur nú kvatt
þennan heim. Guðný var einstak-
ur persónuleiki, alltaf jákvæð.
Hún var hörkudugleg og sat
aldrei auðum höndum. Það er
öruggt að ástæðan fyrir langlífi
hennar er hvað hún var alltaf
hress og dugleg.
Það var svo yndislegt að heim-
sækja hana, hún var svo fróð um
margt. Einn daginn spurði hún
eiginmann sinn heitinn hvort
hann væri ekki til í að taka mig í
fóstur, en þá var ég nýbúin að
missa föður minn og móðir mín
fyrir nokkru farin. Hann taldi sig
ekki muna um eina dóttur í við-
bót. Upp frá því eignaðist ég
fóstruna mína.
Árið 2005, þá 90 ára, vildi hún
koma til Sirmione við Gardavatn-
ið á Ítalíu og dvelja hjá mér eina
viku og halda upp á níræðisaf-
mælið sitt, en á þeim tíma bjó ég
í Sirmione.
Mér þótti mjög vænt um að
hún skyldi vilja dvelja hjá mér.
Með henni komu fjórar dætur
hennar, tengdadóttir og tvær
dömur úr vinahópi hennar. Við
ferðuðumst víða, m.a. til Fen-
eyja. Sá dagur var einn sá heit-
asti í ferðinni, um 38°C, og við
allar nema Guðný vorum að leka
niður í hitanum en hún kvartaði
ekki og var hin hressasta. Sama
hvert við fórum og hvað við gerð-
um fann hún aldrei fyrir þreytu,
en ekki var það sama að segja
um okkur hinar, alltaf uppgefn-
ar.
Hún sagði í blaðaviðtali fyrir
nokkrum árum: „Maður á að
nota tímann vel og vera alltaf
glaður, hress og ánægður með
lífið.“
Stórglæsileg kona sem átti fáa
sína líka.
Með þessum fátæklegu orðum
kveð ég nú fóstru mína og þakka
henni allt sem hún gaf mér með
nærveru sinni.
Ég mun sakna hennar mjög
mikið.
Guð blessi þig fóstra mín.
Ingibjörg Stefánsdóttir.
Þeir sem þekktu
þig vita að þú
varst einstök
manneskja og engri konu lík,
elsku hjartans amma mín. Þú
hafðir sterkar skoðanir, talaðir,
hlóst og söngst hærra en flest-
ir, bjóst til dömuhatta úr dag-
blöðum og gafst hundum stund-
um cocopuffs því þú hélst að
það væri hundamatur.
Það má heldur ekki gleyma
því að þú opnaðir heimilið þitt
fyrir fjöldann allan af börnum
sem áttu við námserfiðleika að
stríða.
Þú aðstoðaðir þau við að
ganga menntaveginn og gafst
þeim þannig tækifæri, sjálfs-
traust og hvatningu til þess að
takast á við þau verkefni sem
lífið hefur upp á að bjóða.
Á sama tíma komstu einnig
sex mannvænlegum börnum á
legg. Þú varst dugleg að leggja
land undir fót og flækjast
heimsálfa á milli til þess að
eyða tíma með börnunum þín-
um og barnabörnum sem
dvöldu úti á landi eða erlendis.
Í dag ríkir sorg og söknuður
hjá okkur sem þekktum þig en
á sama tíma veit ég að nú er
gleði á himnum.
Tveimur dögum áður en þú
kvaddir dreymdi mig nefnilega
svo raunverulegan og merkileg-
an draum.
Öll fjölskyldan var saman
Gyða
Stefánsdóttir
✝ Gyða Stef-ánsdóttir
fæddist 5. sept-
ember 1932. Hún
lést 24. nóvember
2019.
Útför Gyðu fór
fram 19. desember
2019.
komin í stórum sal
og það var heljar-
innar veisla að
hefjast. Stór gler-
veggur hulinn fal-
legum silkigardín-
um skildi í sundur
okkur, fólkið þitt
og veislusalinn
þannig að við gest-
irnir fengum aldrei
að sjá þangað inn.
Skyndilega birt-
ust synir þínir tveir, Stefán og
Grétar, pabbi minn, öllum að
óvörum, en þeir kvöddu þennan
heim árum á undan þér. Þeir
komu dansandi út úr salnum
báðir tveir brosandi út að eyr-
um og virtust tilbúnir að taka á
móti gestum. Mér brá við að
sjá pabba og spurði því mömmu
hvers vegna hann væri hingað
kominn, en hún svaraði hnyttin:
„Hvað, heldur þú að hann hafi
ætlað að missa af þessu?“
Mikil birta og fegurð fylgdi
þessum draumi en samt var
einhver tregi og tómleiki í
hjartanu sem ég skildi ekkert í,
en fékk svo skýringu á þegar
mamma hringdi og færði mér
þær sorgarfréttir að nú værir
þú farin.
Bræðurnir voru þá mættir til
þess að sækja þig, og passa upp
á það að þú yrðir ekki sein í
veisluna sem búið var að und-
irbúa sérstaklega fyrir komu
þína.
Þannig veit ég, trúi því og
treysti að þú sért nú í góðum
höndum með öllu fólkinu okkar
sem á undan er gengið, í ljósinu
hinum megin við glervegginn
þangað sem við öll stefnum.
Blessuð sé minning Gyðu
ömmu minnar.
Kristín Birna Grétarsdóttir.
Morgunblaðið birtir minn-
ingargreinar endurgjalds-
laust alla útgáfudaga.
Skil | Þeir sem vilja senda Morg-
unblaðinu greinar eru vinsam-
lega beðnir að nota innsendikerfi
blaðsins. Smellt á Morgunblaðs-
lógóið í hægra horninu efst og
viðeigandi liður, „Senda inn
minningargrein,“ valinn úr felli-
glugganum. Einnig er hægt að
slá inn slóðina www.mbl.is/
sendagrein
Skilafrestur | Ef óskað er eftir
birtingu á útfarardegi verður
greinin að hafa borist eigi síðar
en á hádegi tveimur virkum dög-
um fyrr.
Minningargreinar
HJARTAVERND
Minningarkort
535 1800
www.hjarta.is
Útfararþjónusta
& lögfræðiþjónusta
Við önnumst alla þætti undirbúnings og fram-
kvæmd útfarar ásamt vinnu við dánarbússkiptin.
Við þjónum með virðingu og umhyggju að
leiðarljósi og af faglegum metnaði.
Emilía Jónsdóttir,
félagsráðgjafi
Við erum til staðar
þegar þú þarft á
okkur að halda
Vesturhlíð 2, Fossvogi | Sími 551 1266 | útför.is
Með kærleik og virðingu
Útfararstofa Kirkjugarðanna
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017
Hjartans þakkir til allra sem sýndu okkur
samúð, hlýju og stuðning vegna andláts
og útfarar elsku eiginmanns míns, föður
og tengdasonar,
ÞORVALDS KRISTJÁNS
SVERRISSONAR,
Staðarhrauni 36, Grindavík.
Sérstakar þakkir fær Sjómannafélag Íslands.
Helga Eysteinsdóttir Baldur Jóhann Þorvaldsson
Sverrir Kristján Þorvaldsson Valgerður María Guðjónsdóttir
Hugheilar þakkir fyrir auðsýnda samúð við
andlát og útför okkar ástkæru
GYÐU HJALTALÍN JÓNSDÓTTUR,
húkrunarheimilinu Eir.
Kærar þakkir fær starfsfólk á
hjúkrunarheimilinu Eir fyrir einlæga
umhyggju og aðstoð.
Sendum vinum og ættingjum bestu óskir um gleðileg jól og
farsæld á komandi ári.
Kristín Ólafsdóttir Magnús Halldórsson
Jón Hjaltalín Ólafsson
Innilegar þakkir fyrir samúð og hlýhug við
andlát og útför okkar ástkæru móður,
tengdamóður, ömmu, langömmu og
langalangömmu,
HÓLMFRÍÐAR JÓNU ARNDAL
JÓNSDÓTTUR,
Gullsmára 7, Kópavogi.
Óskar Herbert Þórmundsson Helga Ragnarsdóttir
Ragnheiður Lilja Georgsdóttir
Þórður Rúnar Þórmunds. Ingibjörg Harðardóttir
Jóhanna Steinunn Hannesd.
Sóley Arndal Þórmundsd. Gunnar Þór Magnússon
Fanney Þórmundsdóttir Hilmar Jóhannesson
Sigurbjörn Jakob Þórmunds. Anna Guðný Friðleifsdóttir
Bjarni Gaukur Þórmundsson Sóley Ægisdóttir
barnabörn, barnabarnabörn, langalangömmustelpa
og fjölskyldur
Ástkær bróðir minn,
BJARNI BJARNASON
rennismiður,
Veghúsum 31,
er látinn.
Útförin hefur farið fram að ósk hins látna.
Guðlaug Bjarnadóttir
Eiginmaður minn, faðir, tengdafaðir, afi
og langafi,
BJÖRN B. INGVARSSON,
Lækjasmára 2,
lést á Landspítalanum, Landakoti,
23. nóvember.
Útför hefur farið fram.
Kristín Jónsdóttir
Sigríður Björnsdóttir Kjartan Svavarsson
Thelma Jóna Björnsdóttir
Jón Björn Björnsson Guðrún Elín Pálsdóttir
barnabörn og barnabarnabörn
Ástkæri maðurinn minn,
pabbi, tengdapabbi, afi og langafi,
ÞORMÓÐUR HELGASON
frá Kristnesi í Eyjafjarðarsveit,
lést sunnudaginn 1. desember á
hjúkrunarheimilinu Sóltúni.
Útför hefur farið fram í kyrrþey að ósk hins látna.
Sérstakar þakkir fær starfsfólk Sóltúns.
Rannveig H. Karlsdóttir
Þorgerður Þormóðsdóttir Guðmundur Ó. Ingvarsson
Karl Þormóðsson Irina Sukhanova
Halldóra Þormóðsdóttir Guðbjartur Halldórsson
Þormóður Þormóðsson Kolbrún Kristleifsdóttir
barnabörn og barnabarnabörn