Morgunblaðið - 24.12.2019, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 24. DESEMBER 2019
Hólshraun 3 · 220Hafnarfjörður · Símar: 555-1810, 565-1810 · Netfang: veislulist@veislulist.is · www.veislulist.is
Skútan
Sjá verð og verðdæmi
á heimasíðu okkar
www.veislulist.is
Fagnaðir
Næst þegar þið þurfið pinnamat, smurt brauð eða tertur
fyrir útskriftina eða annan mannfagnað, hafðu þá
samband og fáðu tilboð í sal okkar og veitingarnar þínar.
PINNAMATUR
Veislur eru
okkar list!
Bjóðum uppá fjölda tegundapinnamats og tapasrétta
Pinna- og tapasréttir
eru afgreiddir á
einnota fötum,
klárt fyrir veisluborðið.
24. desember 2019
Gengi Kaup Sala Mið
Dollari 122.58 123.16 122.87
Sterlingspund 159.9 160.68 160.29
Kanadadalur 93.29 93.83 93.56
Dönsk króna 18.23 18.336 18.283
Norsk króna 13.67 13.75 13.71
Sænsk króna 13.031 13.107 13.069
Svissn. franki 124.97 125.67 125.32
Japanskt jen 1.1207 1.1273 1.124
SDR 168.89 169.89 169.39
Evra 136.22 136.98 136.6
Meðalgengi/Viðskiptavog þröng 167.2285
Hrávöruverð
Gull 1476.9 ($/únsa)
Ál 1770.0 ($/tonn) LME
Hráolía 66.56 ($/fatið) Brent
● Gert er ráð fyrir
því að farþegar
sem fara um Kefla-
víkurflugvöll á
næsta ári verði
tæplega 6,7 millj-
ónir og fækki því
um 7,6% frá árinu
2019.
Þetta kemur
fram í farþegaspá
Isavia fyrir árið 2020. Heildarfjöldi
komufarþega verður 2,6 milljónir,
samkvæmt spánni, sem er 1,4% sam-
dráttur frá því á þessu ári.
Annað árið í röð fækkar skiptifar-
þegum mest. Þeir fara úr rétt rúmum
tveimur milljónum í rúmlega 1,5 millj-
ónir eða niður um 24,3%.
Þegar horft er til ársins 2019 er rétt
að hafa í huga að fyrstu þrjá mánuðina
var WOW air starfandi. Að frátöldum
farþegum WOW air fækkar farþegum í
heild um 1,9%. Komu- og brottfararfar-
þegum fjölgar um 3,3% en skiptifar-
þegum fækkar um 16,2%. Í tengslum
við farþegaspá hefur Isavia á síðustu
árum einnig gefið út ferðamannaspá.
Fyrstu niðurstöður benda til að íslensk-
um ferðalöngum fækki um á bilinu 7 til
8 prósent frá 2019 en á móti gæti fjöldi
erlendra ferðamanna staðið nokkurn
veginn í stað milli ára. Þetta er þó ekki
endanleg niðurstaða.
7,6% færri um Keflavík-
urflugvöll á árinu 2020
Spá Ferðalöngum
til Íslands mun
ekki fækka 2020.
STUTT
BAKSVIÐ
Pétur Hreinsson
peturh@mbl.is
Um 30 þúsund manns hlusta að jafnaði á hlað-
varpsþáttinn Dr. Football sem sparkspekingurinn
Hjörvar Hafliðason fór fyrst með í loftið í júní-
mánuði árið 2018. Þá var heimsmeistaramótið í
fótbolta haldið í Rússlandi og sá Hjörvar þar
ákveðið sóknarfæri í umræðu um knattspyrnu.
„Mér fannst vanta umræðu um fótbolta án þess að
það þyrfti að stoppa á þriggja mínútna fresti til
þess að setja eitthvert lag á sem fólk getur alveg
eins hlustað á á Spotify. Og svo var svo mikið af
fréttum sem rúlluðu í gegn sem enginn var að
ræða,“ segir Hjörvar í samtali við Morgunblaðið.
Engin vettlingatök
Allt frá sumrinu 2018 hefur þátturinn vaxið
gríðarlega og náð afar miklum vinsældum. Ekki
síst fyrir þær sakir að í þeim er töluð „hrein ís-
lenska“ eins Hjörvari er tíðrætt um ásamt þeim
Mikael Nikulássyni og Kristjáni Óla Sigurðssyni,
sérfræðingum þáttarins, þar sem málefni líðandi
stundar í fótboltaheiminum eru ekki tekin neinum
vettlingatökum.
„Við förum oft óvarlega í málin og tiplum ekki á
tánum. En eflaust mættum við stundum fara af
meiri varkárni í einhver mál. En þegar við fleygj-
um okkur í tæklingarnar reynum við yfirleitt að
fara í boltann og láta manninn vera,“ segir Hjörv-
ar.
„Ég bjóst ekki við því að þetta yrði svona vin-
sælt. Ég vissi ekki hvort það væri hægt að koma
fólki upp á lagið með að hlusta á hlaðvarp. Ég var
ekki sannfærður um miðilinn sem slíkan en hann
virðist henta fólki vel og það er ákveðinn bragur á
hlaðvarpinu sem er á margan hátt skemmtileg-
ur.“
Hann þakkar sérstaklega Veru Illugadóttur og
þáttum hennar Í ljósi sögunnar fyrir það hversu
sterk hlaðvarpsmenningin er orðin á Íslandi.
„En það er náttúrlega bara útvarpsþáttur sem
ríkið er að borga. Enn eina ferðina er Hafliðason
að berjast við „taxpayers money“,“ segir Hjörvar
og hlær. Dr. Football er raunar orðið að vinsælu
vörumerki hér á landi sem búið er að setja á bæði
derhúfur og bolla sem hafa selst í hundraðavís.
„En ég vildi óska þess að þetta væri í gámavís,“
segir Hjörvar léttur.
Selur bolla og húfur
Aðspurður segir Hjörvar að ýmis tækifæri fel-
ist aftur á móti í vörumerkinu.
„Ég get alveg leikið mér meira með þetta vöru-
merki. Við vitum aldrei í hverju Dr. Football end-
ar. Í dag er ég með Dr. Football-kvöld og svo hef
ég verið með Dr. Football-pubquiz. Mögulega
gæti þetta teygt sig út í Dr. Football-ferðir; fót-
boltateng ferðalög. Það er ákveðin stöðnun sem
hefur átt sér stað þar,“ segir Hjörvar og nefnir
tvö dæmi um áhugaverða áfangastaði. Ein hug-
myndin er sú að fara til Berlínar að sjá leik með
Union Berlin í austurhluta borgarinnar. „Svo er
ég með hugmynd um að fara með Dr. Football-
söfnuðinn til San Síro í Mílanó. Að kveðja þann
leikvang áður en honum verður breytt of mikið.“
Fjöldi fyrirtækja vill auglýsa í þættinum hjá
Hjörvari og segist hann finna vel fyrir því hjá
þeim sem auglýsa í þættinum hversu vel þeir ná
til sinna markhópa.
Dyggur hlustendahópur
„Við erum með dyggan hóp hlustenda. Þetta er
góður hópur sem þú talar beint til og ég hef átt í
góðu samstarfi við auglýsendur. Við erum með
vöru sem ákveðinn hópur fílar. Ég hef ekki verið
að teygja þáttinn í margar áttir til þess að fá fleiri
að. Ég hef haldið áfram að tala í þennan hóp,“
segir Hjörvar, en hlaðvarpsstjórnun er í dag hans
aðalstarf, en hann starfaði eins og kunnugt er
lengi vel hjá Stöð 2 Sport.
„Ég er að reyna að gera þetta að aðalstarfi. Þó
að undirbúningur fyrir eitt hlaðvarp virðist ekki
mikill, þá fylgist ég með fréttum í mörgum lönd-
um og passa nánast að það sé engin frétt sem fari
í gegn óséð. Þetta er mikil heimavinna. Ég vil
mæta allt of vel undirbúinn í hvern einasta þátt
með fullt af umræðuefnum,“ segir Hjörvar.
Ýmis tækifæri sem felast í
vörumerkinu Dr. Football
Morgunblaðið/Árni Sæberg
Dr. Football Teyminu hefur tekist að koma sér upp ótrúlega traustum hlustendahópi á skömmum tíma.
 Auglýsendur ná vel til sinna markhópa  Yfir 30 þúsund hlustanir á hvern þátt
Íslensk heimili eru tekin að losa sig
við fasteignalán á föstum vöxtum.
Um þetta vitna nýjar tölur sem
Seðlabankinn hefur gefið út yfir út-
lán í bankakerfinu. Í nóvember
námu uppgreiðslur fasteignalána
heimilanna sem bera fasta vexti tæp-
lega 3,1 milljarði umfram það sem
heimilin tóku í sama lánaflokki. Aldr-
ei fyrr hafa uppgreiðslurnar verið
jafn stórtækar og raunar benda töl-
ur Seðlabankans til að uppgreiðslur
og umframgreiðslur hafi aðeins einu
sinni áður verið meiri en nýjar lán-
tökur í þessum tiltekna lánaflokki.
Það var í október þegar þær námu
496 milljónum króna.
Mikil hreyfing í óverðtryggðu
Að langstærstum hluta var um að
ræða uppgreiðslur á óverðtryggðum
fastvaxtalánum en þær námu 2.642
milljónum umfram ný lán í flokkn-
um. Í verðtryggðum fastvaxtalánum
námu umframgreiðslurnar 423 millj-
ónum. Uppgreiðslur umfram ný lán
tóku að sjást í óverðtryggða hlutan-
um í júní en það er ekki fyrr en nú að
verðtryggði hlutinn snýst á sömu
sveif. Fram til októbermánaðar vógu
ný verðtryggð fastvaxtalán upp upp-
greiðslurnar í óverðtryggða hlutan-
um.
Á sama tíma og þessi þróun á sér
stað heldur útlánaaukningin áfram
þar sem breytilegir vextir eru í boði.
Þannig námu ný útlán að frádregn-
um upp- og umframgreiðslum 10,8
milljörðum í flokki óverðtryggðra
lána. Í flokki verðtryggðra lána
námu nýju útlánin ríflega 4 milljörð-
um króna umfram upp- og umfram-
greiðslur.
Morgunblaðið/Ómar
Lán Húsnæðislán með föstum vöxtum
eru ekki í tísku um þessar mundir.
Heimilin tekin að
flýja fasta vexti
 Greiddu upp
fastvaxtalán í gríð
og erg í nóvember