Morgunblaðið - 24.12.2019, Side 22

Sigurður Rúnar
Ragnarsson
Á helgri stund er hátíð nær og fjær,
heimur gleðst í birtu ljóss og vonar.
Það er sem Guð sé öllum aðeins nær,
í Orði því er boðar komu sonar.
Er ljósið skæra heimi birtu ber,
bærist von og gleði í frómu hjarta.
Og fyrr en varir Kristur kominn er,
kærleikur hans gerir veröld bjarta.
Ein stjarna hátt á himni er fögur sýn.
Hún er tákn sem jólin okkur færa.
Í hjörtum okkar skærust birtan skín,
af skini hennar geislar okkur næra.
Hún gerir jól að gleðistund um sinn,
gefst þá tími vináttu að njóta.
Ó gef að Kristur mætti koma inn,
kærleik þann svo dýrmætt er að hljóta.
Ég bið að Kristur staldri við um stund,
á stað sem tekur vel á móti honum.
Hann gæti komið þannig á þinn fund,
og fyllt þitt hjarta kærleika og vonum.
Hann er sú gjöf er jólafögnuð færir:
Fyllir heiminn gleði verka sinna,
í boðskap þeim er mannleg hjörtu hrærir.
Hann vill einmitt þannig á sig minna.
SIGURÐUR RÚNAR
RAGNARSSON
fv. sóknarprestur í Norðfjarðarprestakalli. Nú sér-
þjónustuprestur á Biskupsstofu, búsettur í Neskaupstað.
sigurdur.runar.ragnarsson@kirkjan.is
Á helgri stund
22 UMRÆÐAN
MORGUNBLAÐIÐ ÞRIÐJUDAGUR 24. DESEMBER 2019
Gefðu tíma um jólin
w.gilbert.isww
Seljavegur 2 | Sími: 511-3340 | Fax: 511-3341 | www.reyap.is | reyap@reyap.is
Apótekið þitt
í gamla Héðinshúsinu við Seljaveg 2
Afgreiðslutími:
9-18:30 virka daga
10-16:00 laugardaga
Reykjavíkur Apótek býður upp á allar tegundir lyfja. Mikið og fjölbreytt úrval af
heilsuvörum, bað- og ilmvörum, gjafavörum auk ýmissa annarra góðra kosta.
Reykjavíkur Apótek er sjálfstætt starfandi apótek sem leggur áherslu á
persónulega þjónustu og hagstætt verð.
• Öryrkjar og eldri borgarar njóta sérkjara hjá okkur
• Frí heimsendingarþjónusta
Mikið gladdi það
mig að lesa grein
Styrmis Gunnarssonar
laugardaginn 21. des-
ember í Morgun-
blaðinu um hálend-
isþjóðgarð. Það sem
mér finnst sérstakt
fagnaðarefni er hvern-
ig hann rökstyður með
skynsamlegum og
efnahagslegum rökum
gildi þess að Íslend-
ingar verndi náttúru landsins. Hann
bendir á að náttúran hrein og óspillt
sé sú auðlind og söluvara sem Ís-
lendingar komi til með að hagnast
mest á í framtíðinni. Og hafi raunar
verið undirstaða mikilvægs atvinnu-
vegar landsmanna fram á þennan
dag.
Það er mikill fengur í liðsmanni
eins og Styrmi í hóp náttúrvernd-
arsinna og væntingar hans um að
Sjálfstæðisflokkurinn verði stuðn-
ingsaðili við náttúrverndarsjónarmið
og komi til með að styðja stofnun há-
lendisþjóðgarðsins lofar góðu.
Ég er líka alveg sannfærður um að
kjósendur þess flokks eru þver-
skurður þjóðarinnar og margir sjálf-
stæðismenn eru miklir náttúru-
verndarsinnar sem látið hafa til sín
taka bæði fyrr og síðar.
Það er eftirtektarvert að grein-
arhöfundur bendir á að náttúru-
auðlindir landsins í ósnortnum víð-
ernum eigi eftir að gefa meira af sér í
ávinningi fyrir þjóðina en virkjanir.
Víðerni Vestfjarða verða Vestfirð-
ingum meiri tekjulind og verðmæti
en 50 MV virkjun.
Það er sorglegt þegar skamm-
tímagróðasjónarmið ráða för um
virkjanir sem eyðileggja og spilla á
óafturkræfan hátt umhverfi og ynd-
islegri náttúru landsins.
Það mundi mörgum bóndanum
finnast óskynsamlegt
að farga bestu mjólk-
urkúnni fyrir álitlegt
skinn eða kjöt. Eða hef-
ur einhver góður reikn-
ingsmaður reiknað út
hvað þjóðin hefur hagn-
ast mikið og margir
glaðst og undrast yfir
stórfengleik Gullfoss
gegnum árin. Þjóðin á
Sigríði frá Brattholti
mikið að þakka.
Það er greinilega
vakning í íslensku sam-
félagi fyrir verðmætum í náttúru
landsins. Það fjölgar stöðugt þeim
sem vilja fara aðrar leiðir en fórna
náttúruvíðernum fyrir raforku. Það
er sem betur fer margar aðrar ágæt-
ar leiðir til að framleiða raforku og
gætu átt eftir að verða enn fleiri
möguleikar í framtíðinni.
Það er gott mál að það skuli vera í
stjórnarsáttmála núverandi ríkis-
stjórnar að setja á stofn hálendis-
þjóðgarð. Vonandi verður það gert
að veruleika.
Það er vakning meðal þjóðarinnar
um að lífsgildin séu ekki bara fólgin í
endalausum hagvexti. Látum náttúr-
una njóta vafans, ekki bara vegna
augljóss efnahagslegs ávinnings
heldur ekki minnst vegna þess að
ósnortin víðerni eru ómetanleg verð-
mæti fyrir komandi kynslóðir. Lát-
um ekki sérhagsmuni og skammtíma
hagnaðarvon ráða för.
Eftir Kristján
Baldursson
Kristján
Baldursson
» Þeim fjölgar
stöðugt sem vilja
fara aðrar leiðir en
fórna náttúruvíðernum
fyrir raforku.
Höfundur er tæknifræðingur
og eldri borgari.
kribald@gmail.com
Hálendis-
þjóðgarður
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda greinar allan sólar-
hringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.