Fréttablaðið - 17.12.2002, Blaðsíða 8

8 17. desember 2002 ÞRIÐJUDAGUR
LÖGREGLUFRÉTTIR
G
O
TT
F
Ó
LK
M
cC
A
N
N
-E
R
IC
K
S
O
N
·
S
ÍA
SAMGÖNGUR Áætlað er að 495 millj-
ónum króna verði veitt til varð-
veislu sögu samgangna og sam-
göngustofnana til ársins 2014. Í
samræmdri samgönguáætlun,
sem lögð var fram á Alþingi fyrir
jólaleyfi, er fjallað sérstaklega um
minjavernd og söguritun. Sigl-
ingastofnun, Vegagerðin og fyrir-
rennari þeirra, Landsverkfræð-
ingsembættið, eiga sér sögu sem
nær aftur til loka 19. aldar. Saga
flugsins er nokkuð styttri, en þar
þykja þó fyrir hendi merkar minj-
ar sem ber að varðveita. Ætlunin
er að varðveita sögu samgangna
og samgöngustofnana, meðal ann-
ars með söfnun mynda, varðveislu
muna og mannvirkja og söguritun.
Hjá Flugmálastjórn er unnið að
því að skrá sögu stofnunarinnar í
þau 60 ár sem liðin eru frá stofnun
hennar. Á árunum 2003 til 2014
eru ætlaðar 60 milljónir til verks-
ins.
Hjá Siglingastofnun er lokið
ritun og útgáfu sögu vita á Ís-
landi til dagsins í dag. Sagnfræð-
ingur var ráðinn til stofnunarinn-
ar til að sinna verkinu og mun
hann næst snúa sér að ritun sögu
hafnargerðar á Íslandi. Þá hyggst
stofnunin koma upp upplýsinga-
skiltum þar sem fram komi saga
merkra vita, verstöðva, hafna og
lendingarstaða. Enn fremur á að
varðveita valin mannvirki sem
ekki eru lengur í notkun. Sigl-
ingastofnun eru ætlaðar 220
milljónir til minjaverndar á tíma-
bilinu.
Loks eru Vegagerðinni ætlaðar
215 milljónir til minjaverndar og
söguritunar. Nokkuð af tækjum
og búnaði Vegagerðarinnar hefur
verið til sýnis í Samgönguminja-
safni Íslands að Skógum og
nokkrum eldri mannvirkjum hef-
ur verið haldið við og þeim jafn-
vel komið til upprunalegs horfs. ■
Danska stjórnin ætlaði
að ryðja bákninu burt:
Nefnd
kemur í
nefndar stað
DANMÖRK Þegar Anders Fogh
Rasmussen komst til valda í Dan-
mörku var eitt fyrsta verk ríkis-
stjórnar hans að leggja fram lista
yfir rúmlega 190 nefndir og ráð
sem leggja átti niður. Nú, rúmu ári
síðar, hafa 130 nefndir og ráð verið
lögð niður í Danmörku.
Á móti kemur að 77 nýjar nefnd-
ir og ráð hafa verið sett á laggirnar
í staðinn. Ríkisstjórn hægri flokk-
anna hefur því hreint ekki tekist að
ryðja bákninu burt á fyrsta stjórn-
arári sínu nema að litlum hluta.
Frá þessu er skýrt í fréttabréfi
landssambands danskra verkalýðs-
félaga, LO. ■
RITUN OG ÚTGÁFA SÖGU OG VARÐVEISLA MINJA
FRAMLÖG Í MILLJÓNUM KRÓNA
Tímabil I Tímabil II Tímabil III
2003-2006 2007-2010 2011-2014
Flug 20 20 20 60
Siglingar 60 80 80 220
Vegir 35 80 100 215
Samtals: 115 180 200 495
Varðveisla sögu samgangna:
Hálfur milljarður
ætlaður til verksins
SAMGÖNGUR „Við ætlum að byrja
að selja farmiða í byrjun janúar.
Fyrsta flugið verður svo í febrú-
ar,“ segir Jóhannes Georgsson,
forsvarsmaður nýs flugfélags,
sem ætlar að
bjóða flugfar til
Kaupmannahafn-
ar á 14.660 krónur
og til London á
14.160 krónur.
„Það er ódýrara til
London því þar
eru flugvallar-
skattar lægri,“
segir hann.
Félagið hefur
tryggt sér hús-
næði að Suðurlandsbraut 24 þar
sem höfuðstöðvar þess verða og
þar verða flugfarseðlarnir seldir.
Einnig verður hægt að kaupa þá á
Netinu, í gegnum síma og svo hjá
öllum ferðaskrifstofum, innlend-
um sem erlendum. Breskir flug-
menn munu fljúga Boeing 737
þotu sem leigð hefur verið til
verksins en flugfreyjur og flug-
þjónar verða íslenskir. Þotan tek-
ur 148 farþega. Eins og hjá öðrum
lággjaldaflugfélögum verður
þjónusta um borð í lágmarki og
verða farþegar að greiða fyrir
þær veitingar sem þeir óska eftir.
Ef þeir vilja lesa dagblöð um borð
þá verða þeir að koma með þau
sjálfir.
Flogið verður daglega til og frá
landinu; til Kaupmannahafnar á
morgnana en til London síðdegis.
Starfsemi nýja flugfélagsins
verður kynnt ítarlega á
fréttamananfundi sem boðað hef-
ur verið til í dag í höfuðstöðvum
félagsins á Suðurlandsbraut 24
klukkan 11 árdegis.
eir@frettabladid.is
Til útlanda fyrir rúm-
ar 14 þúsund krónur
Nýtt flugfélag verður kynnt á fréttamannafundi í dag. Flýgur til Kaup-
mannahafnar að morgni og til London síðdegis. Farmiðasala hefst í
byrjun janúar. Fyrsta flugið í febrúar.
SUÐURLANDSBRAUT 24
Höfuðstöðvar nýja flugfélagsins. Þar hefst farmiðasala í byrjun næsta mánaðar.
JÓHANNES
GEORGSSON
Stýrir nýju félagi.
RANNSÓKN Niðurstöður nýrrar
breskrar rannsóknar sýna svo
ekki verður um villst að nýbúar
taka ekki störf frá innfæddum
eins og lengi hefur verið talið.
Þvert á móti sýna niðurstöður
rannsóknarinnar að hitt sé lík-
legra að nýbúarnir skapi ný störf
og hækki jafnvel meðallaun á því
svæði þar sem þeir setjast að.
Rannsókn þessi er ein sú viða-
mesta sem gerð hefur verið í
Bretlandi um málefni nýbúa frá
upphafi.
Í skýrslu þar sem niðurstöður
rannsóknarinnar eru kynntar
kemur meðal annars fram að ný-
búar koma með nýja þekkingu inn
í samfélagið og eru því í raun
hrein viðbót við gæði þess vinnu-
afls sem fyrir er. Einn af hverjum
tíu vinnandi mönnum í Bretlandi
er nýbúi. Um niðurstöður rann-
sóknarinnar segir Beverley
Hughes, innanríkisráðherra
Breta:
„Þessi rannsókn sýnir okkur að
það er einfaldlega ekki rétt að ný-
búar taki störfin frá okkur. Hún
sýnir okkur hins vegar að inn-
flytjendur auka hagvöxt, hleypa
lífi í viðskiptin og skapa störf og
tækifæri sem gagnast öllum.“ ■
Ný viðamikil bresk könnun:
Nýbúar taka ekki
vinnu frá innfæddum
BEVERLEY HUGHES
Breski innanríkisráðherrann gleðst yfir
nýrri rannsókn.
Fasteignafélagið Stoðir:
Tilboð til
hluthafa
Baugs
VIÐSKIPTI Fasteignafélagið Stoðir
stefnir að því að eignast 7% hlut í
Baugi. Í því skyni hefur félagið
gert hluthöfum Baugs tilboð um
kaup á 7% af hlut hvers og eins á
genginu 11. Það er 5% hærra gengi
en lokagengi á markaði á föstudag.
Stoðir eru fasteignafélag sem er
að stórum hluta í eigu Baugs. Félag-
ið er öflugasta fasteignafélag
landsins. Með kaupum í Baugi sér
félagið tækifæri til að styrkja eign-
arstöðu félagsins enn frekar og er
tilboðið liður í þeirri stefnu. ■
Kynferðisbrot:
Út fyrir
öll mörk
DÓMSMÁL Faðir á fimmtugsaldri
hefur verið dæmdur í átján
mánaða fangelsi fyrir að mis-
nota 16 ára dóttur sína kynferð-
islega.
Stúlkan var í nokkurra daga
heimsókn á heimili föðurins
þegar atburðurinn varð. Þau
voru bæði við drykkju. Hún
sagðist hafa vaknað við aðfarir
föður síns. Hún væri ekki full-
viss um að um samfarir hafi
verið að ræða þó svo hafi virst.
Faðirinn sagðist ekkert muna
og neitaði sök. „Með framferði
sínu fór hann út fyrir öll siðferð-
ismörk í samskiptum föður og
dóttur og rauf með grófum
hætti það trúnaðartraust sem
þar á að ríkja,“ sagði Héraðs-
dómur Reykjaness. ■
ORÐRÉTT
ÍSLENSKI DRAUMURINN
Af hátækni þekkjum við helzt Oz
og deCode, fyrirtæki, sem hafa
aðallega útgjöld, en lítið af tekj-
um.
Jónas Kristjánsson les úr tölum Þorvaldar
Gylfasonar að við séum frumvinnslusam-
félag, þrátt fyrir mikla tölvueign. Jonas.is,
16. desember.
SKANDINAVÍSKAN ER KÚL
Þetta er skandinavíski framburð-
urinn og við notum hann.
Matthías Sigurðsson, framkvæmdastjóri
Europris, sem vill ekki láta lesa Evróprís í
útvarpinu. DV, 16. desember.
NEI ER EKKERT SVAR
Ég lít svo á að viðbrögð Mikkelsen
við erindi mínu leggi ágætan
grundvöll að frekari viðræðum
um málið.
Tómas Ingi Olrich menntamálaráðherra,
sem sagðist ekki styðja hugmynd hans
um að stofna íslensk-danska menningar-
stofnun. Morgunblaðið, 15. desember.
INNBROT Í IÐNAÐARHÚSNÆÐI
Brotist var inn í iðnaðarhúsnæði
á Kjalarnesi aðfaranótt mánu-
dags. Ekki liggur fyrir hvort ein-
hverju hafi verið stolið.
SÍMUM STOLIÐ ÚR BÍLUM Brotist
var inn í tvo bíla í austurbæ
Reykjavíkur í fyrrinótt. GSM-
síma var stolið úr öðrum bílnum
en þráðlausum heimilissíma úr
hinum.
ÖLVAÐUR Á LEIÐ TIL
KEFLAVÍKUR Ökumaður var
stöðvaður á Reykjanesbraut
grunaður um ölvun við akstur
um sjöleytið á sunnudag. Lög-
reglunni í Keflavík barst til-
kynning um einkennilegt akst-
urslag mannsins og hafði
hendur í hári hans. Lögreglan í
Keflavík stöðvaði einnig tvö öku-
menn fyrir að virða ekki stöðv-
unarskyldu.
LÖGREGLUFRÉTTIR
LÖGHLÝÐNIR ÖKUMENN Á
BLÖNDUÓSI Lögreglan á Blöndu-
ósi stóð fyrir miklu umferðarátaki
um helgina. Það var sama hvar
lögregluna bar niður, allir öku-
menn reyndust löghlýðnir.
HÓPSLAGSMÁL Á SELFOSSI
Hópslagsmál brutust út á þremur
stöðum á Selfossi aðfaranótt
sunnudags. Lögreglan skarst í
leikinn en enginn þurfti að dúsa
fangageymslur. Einhverjir leituðu
ásjár læknis.