Skessuhorn - 20.03.2019, Blaðsíða 22

MIÐVIKUDAGUR 20. MARS 201922
Fyrir bráðum fjórum árum festi
fjölskylda frá Akureyri kaup á bæn-
um Fljótstungu í Hvítársíðu og þar
með hellinum Víðgelmi í Hall-
mundarhrauni. Þegar var hafist
handa við að bæta aðgengi að hell-
inum, smíða tröppur og göngu-
palla um allan hellinn, leggja ofan
í hann rafmagn og koma fyrir ljós-
um. Vorið eftir, í maí 2016, var
fyrsta ferðin farin ofan í hellinn
eftir endurbæturnar undir merkj-
um The Cave. Síðan þá hefur
ferðaþjónustan í Fljótstungu geng-
ið vel, vaxið og dafnað ár frá ári.
Nú er svo komið að Fljótstungu-
bændur eru að reisa nýtt 600 fer-
metra starfsmannahús á bænum.
Skessuhorn hitti Hörð Míó Ólafs-
son, staðarhaldara í Fljótstungu,
að máli í síðustu viku og ræddi við
hann um ferðabúskapinn og fram-
kvæmdirnar á bænum. „The Cave
er fjölskyldufyrirtæki og starf-
ar fjölskyldan öll að hinum ýmsu
þáttum sem viðkoma rekstrinum,“
segir Míó í samtali við Skessu-
horn.
„Fjölskyldan keypti jörðina
Fljótstungu árið 2015 og fyrsta
ferðin á okkar vegum ofan í hell-
inn Víðgelmi var farin vorið eftir,
15. maí 2016. Ég gleymi þeim degi
seint,“ segir hann. „Það var mikil
törn í aðdraganda opnunarinnar.
Við unnum að því öllum stund-
um að gera hellinn aðgengilegan;
smíða tröppur og palla, leggja raf-
magn ofan í hellinn og hengja upp
ljós, taka grunninn að þjónustu-
húsinu og síðan koma því fyrir.
Þetta var mikil vinna, því þegar við
keyptum jörðina var í raun eng-
in nútímaaðstaða til skipulagðra
ferða í Víðgelmi. Þjónustuhús-
ið gátum við reyndar ekki tekið í
notkun fyrr en þremur dögum eft-
ir opnunina. Fyrstu ferðirnar voru
því farnar frá bílaplaninu. Hjálmar
og höfuðljós voru geymd í skott-
inu á bílnum okkar til að bjarga
málunum fyrst um sinn. En það
bjargaðist. Við vorum búin að fá
bókanir í ferðir frá 15. maí og það
kom aldrei annað til greina en að
standa við það,“ bætir hann við.
„Ferðaþjónustan er
okkar búskapur“
Eins mikil og törnin var í aðdrag-
anda opnunarinnar þá var fyrsta
ferðin þeim mun ánægjulegri.
Ekki skemmir fyrir að einkar vel
hefur gengið allar götur síðan, að
sögn Míó. „Þetta er búið að vera
eitt stórt ævintýri alveg frá upp-
hafi. Mikið af góðu fólki hefur
komið að þessu með okkur, fólki
sem deilir okkar sýn á hlutina, skil-
ur út á hvað þetta gengur og hefur
lagt allt sitt í að láta þetta verða að
veruleika. Þá er alveg sama hvort
um er að ræða iðnaðarmenn sem
hafa komið að framkvæmdum eða
leiðsögumenn, að ógleymdum
heimamönnum. Það hafa allir ver-
ið samstíga,“ segir hann. Aðspurð-
ur segir hann að aðsóknin hafi alla
tíð verið afar góð og í reynd far-
ið fram úr þeirra björtustu von-
um. „Ég hef nú ekki fasta tölu á
reiðum höndum, enda skiptir það
ekki öllu máli í mínum huga. Sum-
um þætti aðsóknin örugglega hafa
verið mjög mikil og öðrum þætti
hún lítil,“ segir hann. „Við erum
minna að velta okkur upp úr því
hvernig aðsóknin var í ár saman-
borið við síðasta ár. Það sem skipt-
ir máli er að þetta gengur vel,“
segir hann. „Hellirinn Víðgelmir
er einstakur og heimsókn í hann
er upplifun. Þegar um er að ræða
þennan einstaka helli, gott sam-
starfsfólk og sýn á hvað þú vilt
gera, þá gengur að jafnaði vel. Við
tjöldum ekki hér til einnar nætur
heldur erum við komin til að vera.
Þetta er það sem við erum að gera
hér í Fljótstungu, ferðaþjónustan
er okkar búskapur og það skipt-
ir okkur máli að gera hlutina vel.
Það verður að vanda til verka til
að hlutirnir gangi upp til lengri
tíma,“ bætir Míó við.
Tíu ferðir á dag
yfir sumarið
Hver ferð með leiðsögn í Víðgelmi
er um 90 mínútur að lengd. Leið-
sögumennirnir eru þjálfaðir í sínu
starfi og þar að auki flestir mennt-
aðir jarðfræðingar. Yfir hávetur-
inn eru farnar fjórar ferðir á dag
ofan í hellinn. Þær eru sex á vorin
og haustin en frá júní og út ágúst-
mánuð eru farnar hvorki fleiri né
færri en tíu ferðir á dag. „Fjölda
ferða högum við eftir eftirspurn,
fyrst og síðast. Það er einfald-
lega svo að á veturna er minna að
gera í ferðamennsku á Íslandi, að
minnsta kosti á okkar svæði. Fjór-
ar ferðir á dag eru því passlegt yfir
háveturinn, sem við aukum síðan í
sex í mars, apríl og maí. Undanfar-
in ár hefur komið smá lægð í ferða-
mennskuna í apríl/maí. Akkúrat þá
eru ferðirnar kannski full margar
miðað við fjölda gesta, en þá kem-
ur á móti að þjónustustigið okkar
er mjög hátt. Á sumrin er auðvitað
mest að gera og þá förum við tíu
ferðir á dag, alltaf á heila tímanum
frá kl. 9:00 á morgnana til 18:00 á
kvöldin,“ segir Míó. „Við högum
því þannig að hver leiðsögumaður
vinnur að jafnaði aldrei lengri en
átta tíma vinnudag. Það er algjört
prinsipp hjá okkur að fólk vinni í
átta tíma, eins og á hverjum öðr-
um vinnustað. Dagarnir eru þann-
ig að til þess að leiðsögumenn geti
alltaf skilað sínu besta, þannig að
ferðin verði eftirminnileg og upp-
lifun fyrir alla gesti. Að jafnaði þá
hefur leiðsögumaður bara úthald í
svona tvær ferðir á dag sem aðal-
leiðsögumaður og kannski eina í
viðbót sem aðstoðarleiðsögumað-
ur,“ segir hann.
Góð leiðsögn lykilatriði
„Leiðsögnin er stór hluti af heild-
arupplifuninni. Þegar maður fer í
svona gædaðar ferðir þá man mað-
ur voða lítið hvað var sagt að ári
liðnu. En maður man eftir heildar-
upplifuninni, því sem maður sá og
hvort leiðsögumaðurinn var hress
og skemmtilegur eða áhugalaus.
Það er ekkert varið í ferðina fyrir
gestina ef þeir sjá að leiðsögumað-
urinn er alveg útkeyrður og þyl-
ur bara upp einhverjar staðreynd-
ir, dauðþreyttur og áhugalaus. Þá
er alveg eins gott að vera bara með
hljóðleiðsögn,“ segir Míó. „Til að
halda öllum ferskum og gæðum
ferðanna á því plani sem við vilj-
um hafa þær þá verða allir að fá
góða hvíld og líka tilbreytingu í
vinnunni. Eftir tvær ferðir ofan í
hellinn getur verið góð tilbreyting
að taka í moppuna og skúra þjón-
ustuhúsið, þvo þvottinn eða þrífa
tækin til dæmis. Það eru endalaus
verkefni sem þarf að sinna hérna
eins og á öllum öðrum sveitabæj-
um og mikilvægt að allir fái til-
breytingu,“ segir hann.
Öllum líði sem
best í úthaldinu
Það er einmitt af sömu grunn-
ástæðu sem eigendur Fljótstungu
hafa ráðist í byggingu á nýju starfs-
mannahúsi á jörðinni. Það telur
nálægt 600 fermetrar að stærð á
tveimur hæðum. Þar eru sex ein-
staklingsherbergi og fjögur para-
herbergi, öll með sér baðherbergi.
Einnig er í enda nýbyggingarinn-
ar verkstæði og þvottastöð fyr-
ir bíla og búnað. Gamla hlaðan
stóð áður þar sem nýbyggingin er
nú risin. Nýja húsið er sambyggt
gamla fjósinu í Fljótstungu. Því er
verið að breyta í eldhús, þvottahús
og stóran og rúmgóðan matsal.
„Þetta verður algjör bylting, kem-
ur til með að gera lífið þægilegra
og auka lífsgæði starfsfólksins. Ef
fólki líður vel í vinnunni og get-
ur hvílst vel þess á milli þá stendur
það sig betur, það er bara svo ein-
falt,“ segir Míó. „Í sumar verða 15
eða 16 starfsmenn hjá okkur. Að-
staðan sem við höfum að bjóða
starfsfólkinu í dag hefði svo sem
alveg getað dugað. En til að þjón-
ustan verði alltaf á því plani sem
við viljum hafa hana þá er lykilat-
riði að starfsfólkinu líði vel öllum
stundum og fái góða hvíld á milli
vakta. Að vinna sem leiðsögumað-
ur með hálendið í bakgarðinum er
ekki eins og að vinna í þéttbýlinu,
þar sem maður mætir í vinnuna
á morgnana og fer heim síðdeg-
is. Hér er unnið á úthöldum, mis-
löngum og þá með mislöngum frí-
um, en á meðan úthaldinu stend-
ur þá er vinnustaðurinn líka heim-
ili starfsfólksins. Til að öllum líði
sem best töldum við þetta því það
„Hellirinn Víðgelmir er einstakur
og heimsókn í hann er upplifun“
- segir Hörður Míó Ólafsson, staðarhaldari í Fljótstungu
Hörður Míó Ólafsson, staðarhaldari í Fljótstungu.
Í Fljótstungu er risið nýtt 600 fermetra starfsmannahús á tveimur hæðum. Þar
verða sex einstaklingsherbergi og fjögur paraherbergi, öll með sér baðherbergi.
Í öðrum enda byggingarinnar verður verkstæði og þvottahús fyrir bíla og búnað
The Cave. Gamla hlaðan stóð áður þar sem nýbyggingin er nú risin. Nýja húsið er
sambyggt gamla fjósinu. Því er verið að breyta í eldhús, þvottahús og stóran og
rúmgóðan matsal.
Míó við vörðu steinsnar frá hellinum Víðgelmi og þjónustuhúsinu við hellinn. Þegar blaðamann bar að garði var Egill Örn Sigurpálsson leiðsögumaður að
leggja af stað með hóp ofan í hellinn.