Skessuhorn - 08.05.2019, Blaðsíða 18
MIÐVIKUDAGUR 8. MAÍ 201918
Drífa Skúladóttir kaupmaður í
Hraðbúðinni á Hellissandi hélt
upp á 30 ára kaupmannsafmæli sitt
1. maí síðastliðinn. Bauð hún við-
skiptavinum sínum upp á afmæl-
istertu og kaffi í tilefni dagsins.
Fyrstu tíu árin rak Drífa Kjörbúð-
ina á Hellissandi en upphafið að
kaupmennskunni segir hún vera að
fyrir rétt rúmum þremur áratugum
hafi Kaupfélag Borgfirðinga, sem
þá rak verslun á Hellissandi, ákveð-
ið að hætta með útibú sitt. Tók hún
að sér að verða útubússtjóri fyrir
KB þetta síðasta rekstrarár verslun-
arinnar. Náði hún á þeim tíma að
snúa rekstrinum við og sá fram á að
hægt yrði að leigja af kaupfélaginu
reksturinn sem hún og gerði.
Hraðbúðin, í þeirri mynd sem
hún er í dag, hefur verið rekin í tutt-
ugu ár en Drífa tók við henni árið
1998 af Essó en félagið hafði sam-
band við hana og vildi fara í sam-
starf við hana. Sá hún strax tækifæri
í því að komast upp að þjóðvegi
með reksturinn. Samþykkti hún
boðið um að færa sig um set með
því skilyrði að hún fengi að taka
húsnæðið í gegn og skipuleggja
búðina eftir sínu höfði. Gekk þetta
allt eftir og var haldið upp á 20 ára
afmæli verslunarinnar 15. desemb-
er síðastliðinn.
Margt hefur breyst á þessum 30
árum á kaupmannsferli Drífu. Seg-
ir hún ekkert auðvelt að reka litla
búð á landsbyggðinni. Veltuhrað-
ann er það sem skiptir máli, það
er að varan stoppi stutt við í búð-
inni. Einnig segir hún að starfsfólk-
ið skipti miklu máli og að hún hafi
verið mjög heppin með það í gegn-
um árin. Í kaupmennskutíð sinni
hefur Drífa lagt aðaláherslu á að
hafa góð samskipti og góða þjón-
ustu við viðskiptavini sína. Einn-
ig hefur hún lagt áherslu á að hafa
fjölbreytt vöruúrval. Eitt af því sem
Drífa segir að viðskiptavinir sínir
kunni vel að meta sé að hún reyn-
ir að vera með gott grænmeti og
kaupir það allt inn í lausu og held-
ur pakkningum í lágmarki. Hefur
af þeim sökum grænmeti ekki ver-
ið pakkað í 25 ár hjá henni. Reynir
hún einnig að fylgjast með því sem
helst er á döfinni á hverjum tíma og
sem dæmi má nefna að hvorki eru
seldar né notaðar einnota plastvör-
ur í búðinni og mikil áhersla lögð
á að flokka allt sorp. Drífa hyggst
halda ótrauð áfram í kaupmennsk-
unni og er alls ekki hætt. Vildi hún
fá að koma á framfæri þakklæti til
viðskiptavina sinna fyrir frábæran
tíma því án þeirra væri hún nátt-
úrulega ekki í þessum rekstri. þa
Drífa Skúladóttir kaupmaður í Hraðbúðinni á Hellissandi.
Drífa fagnar þrjátíu ára kaupmannsafmæli
Góð þátttaka var á strandhreins-
unardegi á Snæfellsnesi síðastlið-
inn laugardag. Strandhreinsun-
arverkefnið var hluti af Norræna
strandhreinsundardeginum, en
hreinsanir voru einnig á tveimur
öðrum landssvæðum þessa sömu
helgi. Á Snæfellsnesi var hreins-
að á fjórum svæðum í góðu veðri:
Við Grundarkamp í Grundarfirði,
Fúluvík og nágrenni í Stykkis-
hólmi og á tveimur svæðum í
Snæfellsbæ; á Hraunlandarifi við
Breiðuvík og Beruvík í Þjóðgarð-
inum Snæfellsjökli. Alls tóku þátt
um 100 manns, bæði Snæfelling-
ar og gestir þeirra, og skemmtu
sér vel. Gróft áætlað var heildar-
magn þess rusls sem fjarlægt var
úr náttúru Snæfellsness þennan
dag um tíu tonn. Mest bar á neta-
dræsum og plastbútum, stórum
og smáum, og var hluti þeirra
augljóslega búinn að vera lengi
úti í náttúrunni.
“Ávinningur verkefnisins er
töluverður og þá sérstaklega fyrir
fugla og annað dýralíf, en einnig
fyrir okkur sjálf, ásýnd svæðisins
og náttúruna. Mikilvægt er að við
girðum fyrir losun sorps út í nátt-
úruna og að við höldum áfram
að vera dugleg að hreinsa landið
okkar. Þannig verndum við okkar
dýrmætu náttúru og njótum úti-
vistar betur,” segir í tilkynningu
frá Umhverfisvottun Snæfellsness
og Svæðisgarðinum Snæfellsnesi.
Meðfylgjandi myndir voru teknar
á ýmsum stöðum á Snæfellsnesi
síðastliðinn laugardag.
mm
Strandhreinsun á Snæfellsnesi
Net dregin úr jörðu á Hraunlandarifi. Ljósm. Guðrún M Magnúsdóttir.
Hópurinn í Grundarfirði stillti sér upp fyrir ljósmyndara áður en hreinsunin hófst.
Ljósm. tfk.
Hópurinn sem hreinsaði til á Hraunlandarifi. Ljósm. Eygló Kristjánsdóttir.
Marta Magnúsdóttir, skátahöfðingi Íslands, stjórnaði aðgerðum í Grundarfirði.
Ljósm. tfk.
Hreinsað í nágrenni Stykkishólms. Ljósm. sá.
Þessi ungi piltur var einkar áhugasamur um beinin sem hann hreinsaði upp úr
fjörunni í Grundarfirði. Ljósm. kgk.