Skessuhorn - 15.05.2019, Blaðsíða 10

MIÐVIKUDAGUR 15. MAÍ 201910
Síðastliðinn laugardag notaði Slysa-
varnafélagið Landsbjörg góða veðr-
ið til að halda æfingu í fjallabjörg-
un við krefjandi aðstæður. Ákveðið
var að halda æfinguna í Kirkjufelli
við Grundarfjörð. Ástæða staðar-
vals er einkum sú að fjallið er með
þeim erfiðari að klífa en einnig í
ljósi tíðra og alvarlegra slysa sem
þar hafa orðið á nýliðnum árum.
Það voru björgunarsveitir af Snæ-
fellsnesi, Akranesi og undanfarar
af höfuðborgarsvæðinu sem tóku
þátt í æfingunni, alls um fimmtíu
manns. Aðgerðum var síðan stýrt
frá fjallsrótum úr aðgerðastjórnun-
arbíl frá Landsbjörgu. Æfingin var
framkvæmd þannig að slasaðir, þar
af tveir alvarlega, voru fluttir nið-
ur í börum og með línukerfi. Um
krefjandi og erfiða æfingu var að
ræða og reynt að líkja sem mest eft-
ir raunverulegu slysi. Heimamenn
sinntu fyrsta viðbragði eftir að út-
kall barst meðan aðrar bjargir bár-
ust frá Akranesi og höfuðborgar-
svæðinu um klukkustund síðar. Sáu
heimamenn um að tryggja leiðir
á slysstað í hlíðum fjallsins, kom-
ast að sjúklingum með því að síga
til þeirra og tryggja öryggi þeirra
þar til stærri hópur björgunarfólks
var mættur á staðinn. Meðfylgj-
andi myndir tók Sumarliði Ásgeirs-
son ljósmyndari á vettvangi fyrir
Skessuhorn. mm/ Ljósm. sá.
Sunnudaginn 12. maí var formleg
afhjúpun söguskiltis við Hjarðar-
holtsafleggjara, vestan Búðardals,
en það er fyrsta skiltið af fjórum
sem reist verða í Dölum í tengslum
við hinn Gullna söguhring Dal-
anna. Verkefnið er unnið að frum-
kvæði Sturlunefndar og nær Gullni
söguhringurinn frá Búðardal, út
fyrir Klofning og að Saurbæ. Skilt-
in segja frá mikilsverðu fólki og tíð-
indum í héraðinu, allt frá landnámi
til Sturlungaldar með tengingu í
nútímann. Mjólkursamsalan kostar
gerð skiltanna en þau voru unnin í
samvinnu við Sturlunefnd og aug-
lýsingstofuna Hvíta húsið. Mynd-
irnar teiknaði Ingólfur Örn Björg-
vinsson myndskreytir og Vegagerð-
in sér um uppsetningu skiltanna.
Margt var um manninn þeg-
ar athöfnin fór fram en Guðrúnar
Nordal, formaður Stofnunar Árna
Magnússunar, afhjúpaði fyrsta
skiltið og henni til aðstoðar voru
fjórir fulltrúar ungu kynslóðar-
innar í Dölum, þær Birna Ingvars-
dóttir, Dagný Sara Viðarsdóttir, Jó-
hanna Vigdís Pálmadóttir og Katr-
ín Einarsdóttir. Eftir viðburðinn
var haldið í félagsheimilið Dalabúð
í móttöku á vegum Dalabyggðar og
Mjólkursamsölunnar þar sem boð-
ið var upp á veglegar veitingar, m.a.
osta úr framleiðslu Mjólkursamsöl-
unnar í Búðardal. Meðal þeirra sem
tóku til máls voru Kristján Sturlu-
son sveitarstjóri Dalabyggðar, Ari
Edwald forstjóri Mjólkursamsöl-
unnar og Svavar Gestsson, fyrrum
ráðherra og sendiherra en hann er
einnig ritari Sturlunefndar.
Sturlufélag stofnað
Að móttöku lokinni var stofnað
Sturlufélag til að heiðra og halda á
lofti minningunni um Sturlu Þórð-
arson sagnaritara og afrek hans.
Stjórn Sturlufélags skipa: Berg-
ur Þorgeirsson forstöðumaður
Snorrastofu, Bjarnheiður Jóhanns-
dóttir fráfarandi ferðamálafulltrúi
Dalabyggðar og rekstraraðili Ei-
ríksstaða, Einar Kárason rithöf-
undur, Einar K. Guðfinnsson fyrr-
um ráðherra og forseti Alþingis,
Guðrún Nordal formaður Stofn-
unar Árna Magnússonar, Kristján
Sturluson sveitarstjóri Dalabyggð-
ar og Svavar Gestsson fyrrum ráð-
herra og sendiherra.
sm
Fjölmenn fjallabjörgunaræfing í hlíðum Kirkjufells
Aðgerðum var stýrt frá fjallsrótum úr sérhæfðum viðbragðs- og aðgerðarstjórnar-
bíl Landsbjargar.
Reynt var að líkja sem mest eftir krefjandi aðstæðum. Úr þessari drónamynd má
sjá hvernig aðstæður voru í snarbröttu fjallinu.
Félagsmenn Sturlufélags niðursokknir í pappíra á stofnfundi félagsins.
Gullni söguhringurinn í Dölum og Sturlufélag stofnað
Afhjúpun söguskiltis, Guðrún Nordal, Jóhanna Vigdís, Katrín, Birna og Dagný
Sara.
Bergur Þorgeirsson, Einar K. Guðfinnsson, Kristján Sturluson, Ari Edwald, Svavar
Gestsson og Guðrún Nordal.
Nemendur úr Auðarskóla sungu fyrir gesti við undirleik Þorkels Cýrussonar aðstoðarskjólastjóra. Frá vintri: Jóhanna Vigdís
Pálmadóttir, Birna Ingvarsdóttir, Katrín Einarsdóttir og Dagný Sara Viðarsdóttir.
Stjórn Sturlufélags f.v: Svavar Gestsson, Guðrún Nordal, Einar K. Guðfinnsson, Bjarnheiður Jóhannsdóttir, Bergur Þorgeirs-
son og Kristján Sturluson (á myndina vantar Einar Kárason).