Skessuhorn - 15.05.2019, Blaðsíða 14

MIÐVIKUDAGUR 15. MAÍ 201914
Mikill annatími er nú hjá sauð-
fjárbændum landsins, enda sá tími
sem sauðburður stendur sem hæst.
Þrátt fyrir mikla vinnu, stöðuga
vakt í fjárhúsunum í tæpan mánuð,
er þessi tími einnig ánægjutími til
sveita. Hvernig til tekst hefur mik-
ið að segja um afkomu búsins þegar
upp verður staðið. Svo spilar margt
fleira inn í, að sjálfsögðu. Meðal
annars veðráttan á sauðburðartíma
og grassprettan þegar hleypa þarf
fénu út. Að þessu sinni eru kjör-
aðstæður hvað það snertir, fín beit
komin á túnin enda vorið verið með
mildara móti. Þá skiptir ekki síður
máli að góð hey náist að sumri en
þau hafa meðal annars sitt að segja
um frjósemi fjárins. Hey frá síðasta
sumri eru víða rýr að gæðum og
segja bændur sem Skessuhorn hefur
rætt við að sjá megi merki um það í
fósturtalningum, en slíkar talningar
eru gerðar til að létta störfin í sauð-
burði. Loks eru ytri aðstæður eins
og sölu- og verðlagsmál dilkakjöts
sem ákvarða hver hin raunverulega
afkoma sauðfjárbúsins verður.
Til að gefa lesendum innsýn í
störf bænda á þessum háannatíma
fór blaðamaður Skessuhorns í síð-
ustu viku í heimsókn í fjárhúsin hjá
bændum að Skorholti í Hvalfjarð-
arsveit, þeirra Baldvins Björnsson-
ar og Helgu Rúnu Þorleifsdóttur.
Þeim til aðstoðar þennan dag í hús-
unum var Þorleifur sonur þeirra
sem er búfræðingur að mennt en
stundar nám í sálfræði. Hann var
kominn í sveitina sama dag og síð-
asta prófi var lokið í HÍ.
Fyrirmyndarbú
Sauðfjárbúið í Skorholti hlaut fyr-
ir nokkrum árum verðlaun Félags
sauðfjárbænda í Borgarfirði. Þau
verðlaun voru verðskulduð enda
eru bændur þar í búskapnum af lífi
og sál. Byggingar eru góðar, sem og
ræktun bæði lands og fjár. Í umsögn
FS sagði meðal annars um búið í
Skorholti: „Alhliða góðar fram-
farir í fjárræktinni í Skorholti þar
sem saman fer afurðasemi fjárins
og bætt vaxtarlag. Ekki má gleyma
þeirri alúð sem þau hjón hafa einn-
ig lagt við ræktun mislita fjárins
fyrir sömu eiginleika og með góð-
um árangri. Þessum góðu framför-
um hafa þau meðal annars náð með
miklum og markvissum sæðingum,
lambamælingum og skipulögðum
afkvæmarannsóknum á hverju ári.“
Stöðug vakt í mánuð
Í Skorholti eru ríflega 800 fjár á
fóðrum og segist Baldvin bóndi
eiga von á að um 750 kindur beri
í vor og 1350 lömb séu væntan-
leg. Geldfé hafði í síðustu viku ver-
ið komið fyrir í gömlu húsunum
á Fiskilæk og sömuleiðis þeim ám
sem fyrstar báru í vor. Þannig er
reynt að létta sem mest á aðstöðunni
heima fyrir til að geta hýst hverja
lambá í fimm daga eftir burð. Um
hundrað kindur voru bornar þeg-
ar blaðamaður var á ferðinni síðast-
liðinn fimmtudag og vafalaust hafa
nokkur hundruð bæst í hópinn þeg-
ar blaðið kemur úr prentun. Hjón-
in segjast skipta vöktum á milli sín
en stöðugt vakt er í fjárhúsunum
allt þar til síðustu þrjátíu kindurn-
ar verða óbornar. Þá er þeim komið
fyrir í stórri kró þar sem hægt er að
fylgjast með framvindunni heiman
úr íbúðarhúsinu í gegnum mynda-
vél. „Hvert gangmál nær þetta upp
í tuttugu daga, því einlembur ganga
iðulega lengur með,“ segir Baldvin.
Þau rifja það upp að fyrir nokkr-
um árum hafi þau fengið sauðburð-
artörn þar sem 320 kindur báru á
fjórum sólarhringum og þá hafi
verið í mörg horn að líta. Ærnar fá
sem mestan frið þegar þær bera og
ekki er gripið inn í nema nauðsyn
krefji, til dæmis ef hausinn kemur
á undan framlöppunum. Nýfædd-
um lömbunum er síðan gefin AB
mjólk fljótlega eftir að mæður eru
búnar að kara þær og í framhald-
inu er hvert lamb markað og í það
sett eyrnamerki. En þrátt fyrir að
nokkrar kindur væru að bera í hús-
unum hjá þeim bændum var ró og
friður sem einkenndi fólk og fénað.
Kindunum í Skorholti þykir greini-
lega vænt um eigendur sína og sú
væntumþykja er gagnkvæm.
mm
Á kaffistofunni í fjárhúsunum var þetta nýja líf að kvikna í
hitakassa.
Háannatími er nú í fjárhúsum landsins
Kíkt í heimsókn í Skorholt í Hvalfjarðarsveit
Reisulegar byggingar í Skorholti.
Helgu Rún og Baldvin í Skorholti. Þessi kolla var nýlega búin að koma frá sér svörtu og hvítu.
Þessi mókolla kallaði eftir athygli og fékk klapp. Þessi ær bar þremur fallegum flekkóttum lömbum.
Þorleifur Baldvinsson fór á milli nýbæranna gaf lömbunum AB mjólk, markaði og
merkti.
Þessi þrílemba var í þann mund að verða tilbúin til að láta
hleypa sér út.
Lítil mórauð í garðanum.
Þessi litli kútur fæddist veikburða þrílembingur og var
tekinn í aðhlynningu. Var að braggast og þess freistað að
venja undir aðra á.