Skessuhorn - 24.07.2019, Blaðsíða 15
MIÐVIKUDAGUR 24. júLí 2019 15
Handverksmaðurinn Philippe Ric-
art, sem rekur handverksstofuna
sína að Háholti 11 á Akranesi, sit-
ur sjaldan auðum höndum en hann
hefur verið iðinn við vefnað í nær
40 ár. Á þessu ári gerði hann sér lít-
ið fyrir og setti sér það markmið að
hanna og spjaldvefa nýtt bókamerki
í hverri viku allt árið og byrjaði sam-
viskusamlega í janúar. Bókamerkin
birtir hann vikulega á fésbókarsíð-
unni, Handverksstofa. „Ég var bú-
inn að ganga með þessa hugmynd
í einhvern tíma. Það er áskorun að
hugsa stöðugt um ný mynstur til að
gera í hverri viku, en ég reyni að
hafa eitthvað þema þegar það á við
með hverju bókamerki. Til dæmis
þá gerði ég sérstakt hjartamynstur
fyrir Valentínusardaginn í febrúar,
blómamynstur fyrir Konudaginn
og svo þjóðhátíðarbókamerki fyrir
17. júní. Það er endalaust hægt að
gera eitthvað nýtt og ég vildi sýna
það með þessari áskorun,“ útskýr-
ir Philippe og segir það vera svo-
lítið kapp að finna nýtt og frumlegt
mynstur í hverri viku.
Sótti námskeið í vefnaði
Philippe sótti námskeið í vefnaði
hjá Guðrúnu Vigfúsdóttur veflist-
arkonu í byrjun níunda áratugarins
þar sem hann lærði listina að vefa.
Hún hélt svo aftur námskeið ári
seinna sem hann ætlaði að sækja en
þá var orðið fullbókað. Bauð hún
honum þá lærlingsstöðu í staðinn
á Vefstofu Guðrúnar Vigfúsdóttur
hf. sem hún sjálf rak á ísafirði þar
sem hann sinnti ýmsum verkefnum
fyrir stofuna. Hjá Guðrúnu öðlað-
ist Philippe mikla reynslu við vefn-
að enda var vefstofa Guðrúnar vel
þekkt um land allt og út fyrir lands-
steinana og vöktu handofnar vörur
vefstofunnar mikla athygli, ekki síst
listilega hannaðir glæsikjólar.
Spjaldvefnaðurinn
Philippe kynntist upphaflega spjald-
vefnaði í tímariti Heimilisiðnað-
arfélags íslands, Hugur og hönd,
snemma á níunda áratugnum. Þar
voru nákvæmar lýsingar á spjald-
vefnaði og honum fannst þessi teg-
und vefnaðar forvitnileg. Sjálfur fór
Philippe að prófa sig áfram og hef-
ur verið að spjaldvefa síðan. Hann
byrjaði þá að vefa lyklakippur og
bókamerki sem minjagripi fyrir
ferðamenn sem komu til ísafjarð-
ar og voru munirnir seldir í versl-
un vefstofunnar. Þetta voru fallegir
minjagripir fyrir ferðamenn og afar
hentugir þar sem þeir voru léttir í
farangri.
Spjaldvefnaður er afar göm-
ul vefnaðartækni sem má rekja til
Miðausturlanda og barst til íslands
með landnámsmönnum. Spjald-
vefnaður hefur verið stundaður
alla tíð síðan og er meðal elstu list-
greina íslendinga.
Philippe er hvergi nærri hættur
að framleiða bókamerki og lykla-
kippur og hefur auk þess spjaldof-
ið tauma, hundaólar og axlabönd
svo fátt eitt sé nefnt. Einnig vefur
Philippe teppi, trefla og sjöl í vef-
stólnum sínum á Akranesi. Verk sín
selur hann í ýmsum verslunum hér
á landi.
glh
Á laugardaginn síðasta fór blaða-
maður Skessuhorns, sem jafnframt
starfar sem ljósmyndari um helgar,
út á Snæfellsnes til þess að mynda
brúðkaupsdaginn hjá bændunum
og ábúendum á Hjarðarfelli í Eyja-
og Miklaholtshreppi. Þetta voru
þau Sigurbjörg Ottesen og Gunn-
ar Guðbjartarson sem gengu í það
heilaga. Athöfnin og veislan var í
bragga á bænum, en að sögn Sibbu,
eins og hún er jafnan kölluð, þá
voru ófáar ferðirnar farnar á haug-
ana með alls kyns dót úr braggan-
um til að rýma til fyrir veislunni.
Sagði hún í undirbúningnum að
um langþráða tiltekt hafi verið að
ræða. Bragginn var skreyttur með
ljósaseríum allt í kring og rauðamöl
sett sem undirlag. Bekkjum með
áföstum borðum var raðað sitthvor-
um megin til hliðanna svo gang-
ur myndaðist sem leiddi að sviði
sem staðsett var í öðrum endan-
um andspænis innganginum. Borð
voru skreytt með dúkum, blómum
og kertum og var erfitt að ímynda
sér að nokkuð annað en brúðkaups-
salur hefði nokkurn tímann verið í
bragganum.
Undirbúningur fór fram heima
hjá Sibbu og Gunna þar sem mynd-
aðist hálfgerð færibands vinna við
hárgreiðslur og förðun, allt frá
brúðinni til hringabera. Brúðgum-
inn lét sér þó nægja klippingu og
fékk að sleppa við förðun. Klæddu
brúðhjón sig í sitt fínasta púss en
héldu hefðbundnum hætti þrátt
fyrir að vera að fara að gifta sig. Þau
fóru í fínu fötunum og ráku kýrnar
til mjalta fyrir athöfn enda alvöru
bændur á ferð. Um 160 manns
voru saman komnir til að samgleðj-
ast brúðhjónunum sem voru gefin
saman af séra Guðjóni Skarphéð-
inssyni, fyrrverandi sóknarpresti á
Staðastað. Veisluhöld tóku svo við
þar sem boðið var meðal annars
upp á íslenskt nauta- og lambakjöt
og nokkrir tóku til máls og sögðu
skemmtisögur af nýgifta parinu
langt fram eftir kvöldi.
glh/ Gunnhildur Lind Photography
Philippe sýnir hér listina að spjaldvefa.
Hannar eitt bókamerki á viku í eitt ár
Philippe á handverksstofu sinni á Akranesi.
Allskonar útgáfur af bókamerkjum.
Sigurbjörg Ottesen og Gunnar Guðbjarnarson giftu sig á laugardaginn. Hér eru
þau hjá kúnum sem troðjúgra biðu mjalta.
Sveitabrúðkaup á Snæfellsnesi
Hjónin Sibba og Gunni smala kúnum heim til mjalta.