Skessuhorn - 24.07.2019, Blaðsíða 20

MIÐVIKUDAGUR 24. júLí 201920
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
S: 860-0708 • Smiðjuvellir 7, Akranesi • bv.sprautun@gmail.com
Vinnum fyrir öll tryggingafélög
Verðlaunin Framúrskarandi ungir ís-
lendingar eru veitt árlega af jCI ís-
landi. Þau eru fyrst og fremst hvatn-
ingarverðlaun til ungs fólks sem er að
takast á við krefjandi og athyglisverð
verkefni. „Þetta er hvatning og viður-
kenning fyrir ungt fólk sem kemur til
með að hafa áhrif í framtíðinni,“ segir
í tilkynningu frá jCI íslandi. „Framtíð-
arsýn jCI íslands fyrir verðlaunin er sú
að þau skapi sér sess í íslensku þjóðlífi.
Veki athygli á ungu fólki sem starfar
af eldmóð, heilindum og ósérhlífni án
þess endilega að hafa hlotið athygli al-
mennings og verði þeim sem þau hljóta
hvatning til frekari dáða og veki athygli
á verkum þeirra.“
Á hverju ári biður jCI almenning
um aðstoð við að finna framúrskar-
andi ungt fólk á aldrinum 18-40 ára.
Leitað er að einstaklingum sem hafa
skarað framúr á sínu sviði, verið góð-
ar fyrirmyndir og gefið af sér til sam-
félagsins.
Tilnefnt er í eftirfarandi
tíu flokkum:
Störf á sviði viðskipta, frumkvöðla og/
eða hagfræði.
Störf á sviði stjórnmála, ríkismála og/
eða lögfræði.
Leiðtogar/afrek á sviði menntamála.
Störf /afrek á sviði menningar.
Störf á sviði siðferðis- og/eða um-
hverfismála.
Framlag til barna, heimsfriðar og/eða
mannréttinda.
Störf á sviði mannúðar- eða sjálfboða-
liðamála.
Störf á sviði tækni og vísinda.
Einstaklingssigrar og/eða afrek.
Störf /uppgötvanir á sviði læknis-
fræði.
Tilnefningar þurfa að berast fyrir 8.
ágúst. Hægt er að senda þær með að
skrá linkinn:
http://framurskarandi.is/vilt-thu-
tilnefna/#tilnefna mm
Óska tilnefninga um framúrskarandi unga Íslendinga
Vísnahorn
Ef ég man rétt var það
Auðbergur jónsson sem
orti uppúr miðjum aldri:
Fjölgar árum, bliknar brá,
bágt er við að una.
Samt er ennþá séns að fá
seinni náttúruna.
Það eru nú samt ekki allir sem lifa svo lengi
að sá möguleiki opnist en Ingibjörg Friðgeirs-
dóttir orti á sínum seinni árum:
Búskapar er komið kveld,
krankleik við ég glími,
Breki fallinn, Busla seld,
bráðum háttatími.
Ekki man ég hver orti efirfarandi en ekki
hefur sá verið alltof hrifinn af meðbræðrum
sínum þá stundina:
Mér finnst orðið illa breytt
íslenskt þjóðarsinni.
Runnið út í ekki neitt
eftirtekt og minni.
Meðan þjóðin reyndi af bestu getu að vera
sjálfri sér nóg um sem flesta hluti voru góðir
vefarar mikils virði og um einn slíkan sem trú-
lega hefur gengið rösklega til verks var kveð-
ið:
Vinnutólin þykir þjá,
þó er hann spólum verstur,
leikur hjólum allur á
í vefstólinn sestur.
Margir hafa sótt sér orkubót og hressingu í
hin ýmsustu lífsnautnalyf sem eru að vísu orð-
in bæði fleiri og verulega vafasamari en þekkt-
ust hérlendis fyrir svona 150 árum eða svo.
Þá létu menn sér duga tóbak og brennivín og
voru bara ánægðir með það meðan til var en
ekkert man ég hver orti þetta í tóbaksleysinu:
Tóbaks þrotinn lem ég lóm
og langar nauðir.
Pípan brotin, pontan tóm
og pungar snauðir.
Veturnir hafa löngum orðið okkur erf-
iðir hérlendis og ekki undarlegt þó fólk hafi
hlakkað til vorsins. Þessi er eftir Ólínu jónas-
dóttur:
Allir strengir óma af þrá
eftir sól og gróðri,
ég hef lengi lifað á
léttu vetrarfóðri.
Oft hef ég velt fyrir mér hverjir lesa þessa
pistla mína og hvernig þeim væri best gert til
hæfis. Smekkur manna er misjafn og á sama
hátt eru menn misnákvæmir með hvort þeir
fletta yfir það sem ekki fellur undir þeirra
áhugasvið eða láta sig hafa það að lesa þó
áhuginn sé takmarkaður. Einhver ágætur
maður sem væntanlega hefur ekki verið mjög
hrifin af hestavísum setti þessa saman:
Hárið mér á höfði rís
hlusti ég á þetta,
meraljóð í metravís
máttu yfir fletta.
Líklega hafa fá yrkisefni verið jafnmik-
ið notuð og ástin í sínum fjölbreytilegustu
myndum. Ýmist verklegar framkvæmdir
hennar eða biðin eftir hinum eina rétta mót-
aðila. Um einn þáttinn orti Þórhildur Sveins-
dóttir:
Ástin dvínar, bresta bönd,
bilar andans kraftur.
Stundum sér í sólarrönd.
- Svo er hún horfin aftur.
Einhvern tímann á Hafnarárum sínum voru
þeir vinir og Verðandimenn, Bertel Þorleifs-
son og Einar Hjörleifsson, síðar Kvaran að
yrkjast á. Bertel byrjaði:
Kveifarlega kveinar,
kvenmannlega veinar
Einar.
Og ekki stóð á svarinu hjá Einari.
Getur ekkert gert vel,
gengur þó með sperrt stél,
Bertel.
Þetta birtist í útvarpstíðindum á stríðsár-
unum. Þá voru þeir jóhannes úr Kötlum og
Kristmann Guðmundsson nágrannar í Hvera-
gerði og voru að gamna sér við þennan kvið-
ling. jóhannes segir:
Lít ég einn sem list kann,
löngum hafa þær kysst hann,
Kristmann.
Kristmann svaraði:
Einkum þó vér ötlum,
að þær fari úr pjötlum
í Kötlum.
Kvótakerfið okkar hefur alla tíð verið dá-
lítið umdeilt enda hefur það eins og svosem
flestir hlutir bæði kosti og galla en ekki bara
annað hvort. Einhvern tímann gaukaði Helgi
Seljan eftirfarandi kviðlingi að Lárusi Þórð-
arsyni:
Á kvöldin mig langar í kærleik og yl,
ég kem mér sko uppí og hlakka til.
Af vongleði skín á mér skallinn.
Með faglegri varúð ég fikra mig nær,
en frúin mín blessuð skellihlær.
„Þú ert búinn með kvótann þinn kallinn.“
Lárusi þótti vísan góð en sá hinsvegar aðra
hlið á málinu:
Ef konuna langar í kærleik og yl,
hún kemur sér uppí og hlakkar til.
Þá styn ég og strýk á mér skallann.
Talsverðan kvóta ég á jú enn.
Það er bara staðreynd með suma menn
að þeir ná ekki að nota hann allann.
úr því farið er að minnast á kvóta og sjó-
sókn væri kannske við hæfi að koma hér með
þessa siglingavísu eftir Rósberg G. Snædal:
Bátur þekkir bólstað sinn,
blys þótt ekki logi.
Litli hrekkjalómurinn
lenti í Snekkjuvogi.
Það mun hafa verið piparsveinn á Akureyri
sem sendi á sínum tíma útvarpstíðindum eft-
irfarandi frásögn sem er að vísu nokkuð nær-
göngul en vafalaust sannleikanum samkvæm:
„í gærkvöldi fór ég á fjörurnar við Fríðu á
Hóli og vissi ekki betur en hún væri gáfuð og
sérlega siðsöm, eins og kvenfólk er almennt í
vetur. Ég hélt, að hún vissi, að ég er ekkert út-
ausandi á fé mitt, en þó vildi hún borgun fyrir
sitt ómak og fór síðast grútfýld heim til pabba
síns snemma í morgun.“
Einhver fór síðan af rælni að skipta frásögn-
inni niður í línur:
Í gærkvöldi fór ég á fjörurnar við
Fríðu á Hóli og vissi ekki betur
en hún væri gáfuð og sérlega sið-
söm eins og kvenfólk er almennt í vetur.
Ég hélt, að hún vissi, að ég er ekkert út-
ausandi á fé mitt, en þó vildi hún borgun
fyrir sitt ómak og fór síðast grút-
fýld heim til pabba síns snemma í morgun.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Pípan brotin, pontan tóm og pungar snauðir