Skessuhorn - 25.09.2019, Blaðsíða 22

MIÐVIKUDAGUR 25. SEptEMBER 201922
Í blíðviðrinu í gær mátti sjá smið-
ina Þorberg E. Þórðarson og Egil
S. Gíslason vinna við að skipta um
járn á þakinu á heimili þess fyrr-
nefnda á Akranesi. Væri það svo
sem ekki í frásögur færandi nema
fyrir þær sakir að Egill lærði til
smiðs hjá Þorbergi fyrir réttum 45
árum síðan, en Þorbergur rak um
árabil trésmiðju Sigurjóns og Þor-
bergs ásamt Sigurjóni Hannes-
syni. Þarna voru þeir því sameinað-
ir á nýjan leik við smíðarnar, lær-
lingurinn og meistarinn, á falleg-
um septemberdegi. „Ég byrjaði að
læra þegar ég var 18 ára. Það eru
komin 45 ár síðan. Þetta hefur ver-
ið 1974,“ segir Egill. „Fína sumar-
ið ´74, besta sumar sem hefur kom-
ið þangað til síðasta sumar kom,“
segir Þorbergur. „Já, það var sól allt
sumarið,“ rifjar Egill upp. „Ég var
með tíu svona gutta með mér,“ seg-
ir Þorbergur og bendir á Egil; „og
það var sól upp á hvern einasta dag
í tvo mánuði þar sem við vorum að
byggja sumarbústaði uppi í Svigna-
skarði,“ bætir hann við.
Verkefni gærdagsins var sem fyrr
segir að skipta um járn á þakinu
heima hjá Þorbergi, en undanfar-
ið hefur hann sinnt viðhaldi húss-
ins. „Ég er búinn að hlaupa hérna
upp og niður í heilan mánuð, 81
árs gamall,“ segir hann. „Still-
ansana setti ég upp sjálfur, þeir ná
hérna fyrir hornið á húsinu og upp
á þriðju hæð, karlinn minn,“ segir
hann. „Við tókum gluggana fyrst,
svo fórum við í þakið og kantinn
og erum núna í járninu. „Ég byggði
þetta hús sjálfur árið 1961, þá 23
ára gamall. Þá áttum við þetta upp-
steypt og skuldlaust,“ segir hann.
„Þetta væri ekki hægt í dag,“ bæt-
ir Egill við. „Ég var 23 ára og hún
18 ára. Við kláruðum þetta og svo
fóru krakkarnir að koma, alveg
meiriháttar,“ bætir Þorbergur við
og brosir.
Þorbergur hefur orð á því að
honum þyki gaman að vinna í hús-
inu sínu með gamlan lærisvein sér
við hlið. En er lærisveinninn ekkert
farinn að skipa meistaranum fyr-
ir verkum? „Hann þorir því ekki,“
segir hann í sama mund og „ég hef
aldrei þorað það,“ heyrist frá Agli
og þeir hlæja félagarnir. „Þó karl-
inn sé orðinn þetta gamall þá er
hausinn alveg rétt skrúfaður á hann
og snýr fram eins og tærnar,“ segir
Þorbergur léttur í bragði um sjálf-
an sig. „Á meðan það er svoleiðis,
hausinn og tærnar fram og maður
stendur uppréttur er ekki hægt að
fara fram á meira,“ segir Þorbergur
Þórðarson að endingu.
kgk
Stórrigningar hleyptu aðeins lífi í
veiðina síðustu vikuna, en lítið var
samt að koma af nýjum laxi í árn-
ar sem enn er veitt í. Veiðimenn
fengu fínar tökur af laxi sem greini-
lega hafði frískast við aukið súrefni.
,,Það var gaman að fá fyrsta flugu-
laxinn í Fluguklöppinni í Litlu
Þverá,“ sagði María Gunnarsdótt-
ir en hún veiddi tíunda laxinn sem
kemur úr ánni í sumar og fiskur-
inn hjá henni tók svarta Frances,
þyngda.
Veiðin hefur tekið kipp í Þveránni
og núna eru komnir 1160 laxar á
land sem bætir aðeins upp sumarið.
Norðurá gaf aðeins 577 laxa þetta
sumarið. Siggi Valla úr Kelfavík var
að veiða þar undir það síðasta, rétt
áður en áin fór í kakó í úrhellinu
og flóðunum sem því fylgdu. „Ég
fékk fiska áður en himnarnir opn-
uðust,“ sagði Siggi Valla um veið-
ina og vatnið.
,,Við fengum laxa í Hvolsá og
Staðarhólsá, enda hefur rignt veru-
lega og vatnið er flott þessa dagana í
ánum,“ sagði Sæmundur Kristjáns-
son sem var að veiða í Saurbænum
og fékk í soðið og ríflega það.
,,Mikið vatn er í Grímsá, svaka
mikið,“ sögðu veiðimenn sem
staddir voru við ána um helgina. Og
það voru orð að sönnu. Áin flæddi
víða upp á bakka sína, en veiðimenn
náðu engu að síður að krækja í fisk.
Grímsá hefur nú gefið 666 laxa.
,,Straumfjarðará endaði í 169
löxum,“ sagði Ingimundur Bergs-
son hjá Stangveiðifélagi Reykjavík-
ur. Það er helmingi minni veiði en á
sama tíma fyrir ári. En veiðin batn-
aði þar líkt og víða annars staðar
þegar tók að rigna. gb
Í byrjun mánaðarins greindi Skessu-
horn frá samantekt Þjóðskrár um
íbúafjölda eftir sveitarfélögum.
Samkvæmt þeim hefur næstmest
fækkun íbúa í einstökum sveitarfé-
lögum frá 1. desember til 1. sept-
ember verið í Hvalfjarðarsveit en
þar fækkaði um 33 íbúa, eða 5,1%
á fyrrgreindu níu mánaða tíma-
bili. Nú búa 617 í sveitarfélaginu.
Að sögn Lindu Bjarkar pálsdóttur
sveitarstjóra er þessi fækkun vissu-
lega tekin alvarlega innan sveitar-
félagsins. Hún sagði jafnframt að
svona sveiflur í íbúafjölda hafi sést
áður í sveitarfélaginu.
„Það munar mikið um hvern íbúa
í ekki stærra sveitarfélagi svo að ef
við missum barnmargar fjölskyldur
frá okkur er það fljótt að telja. Það
er aldrei gott að það fækki íbúum og
auðvitað viljum við að þeim fjölgi
sem mest,“ segir Linda í samtali
við Skessuhorn. „Við erum með-
vituð um þetta og erum að reyna
að finna út hvað sé hægt að gera
til að laða fleira fólk til okkar, sér-
staklega barnafjölskyldur. Menn-
ingar- og markaðsnefnd er að vinna
í því sem mætti kalla markaðs- og
kynningarátak og vonandi sjáum
við fjölgun innan tíðar,“ bætir hún
við. Þá segir Linda húsnæði í sveit-
arfélaginu ekki standa autt heldur sé
frekar skortur á húsnæði. „Eignir í
sveitarfélaginu sem fara í sölu seljast
mjög hratt svo það virðist vera eftir-
spurn. Í Krosslandi er búið að selja
nánast allar íbúðalóðirnar og er
uppbygging þar þegar hafin og hús
farin að rísa að nýju eftir áratuga-
hlé svo í því hverfi ætti íbúum að
fara að fjölga vonandi mjög fljót-
lega. Í Melahverfi er einnig er búið
að reisa tvö ný parhús sem koma
vonandi inn á markaðinn á næstu
mánuðum. Jafnframt er búið að út-
hluta fjölbýlishúsalóð í hverfinu og
vonandi munu framkvæmdir þar
hefjast fyrr en síðar,“ segir Linda.
Þá er nóg til af lausum lóðum í
Melahverfi. „Við myndum vilja sjá
meiri uppbyggingu í Melahverfinu
en hverfið byrjaði að byggjast upp
þegar Elkem tók til starfa fyrir 40
árum og svo fjölgaði húsum í hverf-
inu þegar Norðurál kom fyrir rúm-
um 20 árum, en ég hefði viljað sjá
fleiri sem vinna á Grundartanga-
svæðinu setjast að hér. Þetta er frá-
bær staðsetning, mikil veðursæld og
hverfið er miðsvæðis og stutt í alla
þjónustu. Síðast en ekki síst er góð
þjónusta í bæði leik- og grunnskól-
anum svo hér er sérstaklega gott að
vera með börn,“ segir Linda. arg
María Gunnarsdóttir með fyrsta flugulaxinn sinn úr Litlu Þverá í Borgarfirði.
Stórrigningar hleyptu lífi í
veiðina á síðustu metrunum
Heiðarskóli í Hvalfjarðarsveit.
Trúir að fólki fjölgi aftur í
Hvalfjarðarsveit
Þorbergur lætur sig ekki muna um að hlaupa upp og niður stigana og stillansinn
upp á þriðju hæð þó kominn sé á níræðisaldur.
Meistari og lærlingur saman við smíðar
Smiðirnir Þorbergur E. Þórðarson og Egill S. Gíslason uppi á þaki á heimili þess
fyrrnefnda á Akranesi. Hugað að hverju handtaki.
Þorbergur einbeittur með hamar í hönd og Egill sækir sér nagla í vasann.