Skessuhorn - 27.11.2019, Side 7
MIÐVIKUDAGUR 27. NóVEMBER 2019 7
veitur.is
Veitumál í Borgarbyggð
Veitur bjóða til fundar um málefni
vatns-, hita- og fráveitu í Borgarbyggð
Fundurinn verður haldinn miðvikudaginn 4. desember
kl. 19:30 á B59 Hótel, Borgarbraut 59.
Við munum fara yfir málin, áskoranir sem verið hafa í rekstrinum og
framtíðarhorfur. Á fundinum gefst bæjarbúum tækifæri til að fá svör við
spurningum er brenna á þeim varðandi starfsemi Veitna í bæjarfélaginu.
Fulltrúar frá sveitarstjórn Borgarbyggðar verða á fundinum.
Boðið verður upp á kaffi og kleinur. Verið öll velkomin!
Akraneskaupstaður auglýsir
nýjar lóðir til úthlutunar
Akraneskaupsstaður auglýsir nýjar lóðir lausar til umsóknar undir
par- og raðhús í Fagralundi. Um er að ræða tvær raðhúsalóðir
við Fagralund 1 (A-B-C) og 2 (A-B-C) og tvær parhúsalóðir við
Fagralund 4-6 og 5-7. Lóðirnar eru byggingarhæfar.
Um auglýsingu og úthlutun lóða gilda reglur Akraneskaupsstaðar
frá árinu 2018 en auglýsa skal lóðir sérstaklega með 2ja vikna
umsóknarfresti að lágmarki og fer úthlutun fram samkvæmt
vinnureglum ef fleiri en einn sækir um hverja lóð. Séu umsækjendur
fleiri en einn um ákveðna lóð verður dregið um úthlutun hennar.
Sá aðili sem fær úthlutað lóð hefur sex mánuði til að hefja uppbyggingu en að þeim
tíma liðnum fer viðkomandi lóð á almenna listann yfir lausar lóðir sé uppbygging
ekki hafin. Akraneskaupstaður áskilur sér þann rétt að vera ekki bundinn röð úthlut-
unar lengur en umrætt tímabil.
Jafnframt er gert ráð fyrir að úthlutun að nýju fari ekki fram fyrr en að liðnum 2
vikum eftir að lóðin kemur fram á listann yfir lausar lóðir.
Umsóknareyðublöð, lóðarblöð, gjaldskrár, skipulags- og byggingaskilmálar
og aðrar upplýsingar um lóðirnar eru að finna á heimsíðu Akraneskaupstaðar, www.
akranes.is/nyjarlodir
Sótt er um lóð í gegnum þjónustugátt Akraneskaupstaðar
Umsóknafrestur er til og með þriðjudeginum 10. desember 2019.
Siglt á bryggju
HVALFJSV: óhapp varð á Grundartangahöfn í hádeginu á laugar-
daginn, þegar flutningaskipinu Quamutik var siglt á bryggju. Lönd-
unarbúnaður er mikið skemmdur eftir óhappið, að sögn lögreglu.
-kgk
Sjást illa í myrkrinu
AKRANES: Lögreglan á Vesturlandi var við skólaeftirlit við Grunda-
skóla að morgni síðasta föstudags, um kl. 10:00. Talsverð umferð var
um svæðið, þar sem lögregla fylgdist með skólabörnum ganga milli
skólans og íþróttahússins við Jaðarsbakka. Gangandi umferð var með
hægara móti. Hálka var og myrkur á þessum tíma og veittu lögreglu-
menn því sérstaka eftirtekt að um 90% barnanna sæjust illa í myrkr-
inu vegna þess að þau væru ekki með endurskinsmerki. Var bókað sér-
staklega um það hjá lögreglu og haft samband við skólastjóra. Þá má
geta þess að á mánudagsmorgun, korter fyrir níu, var einn ökumað-
ur stöðvaður fyrir að aka gegn rauðu ljósi á gangbrautarljósunum við
Jaðarsbakka. Verður hann kærður fyrir athæfið og á yfir höfði sér pen-
ingasekt. -kgk
Týndist heima hjá sér
BORGARNES: Áhyggjufullt foreldri í Borgarnesi hafði samband við
lögreglu í vikunni sem leið vegna týndrar sjö ára gamallar stúlku. Þá
hafði hvorki sést tangur né tetur af barninu og foreldri sem hafði sam-
band stóð eðlilega ekki á sama. Klukkustund síðar fannst stúlkan síð-
an. Hún hafði skriðið inn í handklæðaskáp í kjallara heimilisins og
sofnað. -kgk
Ljóslausir bílar
VESTURLAND: Á mánudag var lögreglu í tvígang tilkynnt um að
ljósabúnaði bifreiða sem ekið var um Vesturlandsveg væri ábótavant. Í
fyrra tilvikinu voru á ferðinni erlendir ferðamenn sem voru með ljós-
in á sjálfvirkri stillingu og því ljóslausir að aftan. Er slíkt stórhættulegt
að sögn lögreglu. Þess má geta að frá og með næstu áramótum þegar
ný umferðarlög taka gildi verður óheimilt að aka um án afturljósa. Í
seinna skiptið var tilkynnt um að bifreið með ljóslausa kerru væri ekið
um sama veg undir Hafnarfjalli. Lögregla kannaði málið en fann ekki
viðkomandi ökumann. -kgk
Eftirlit við göngin
HVALFJSV: Lögreglan á Vesturlandi var við eftirlit við Hvalfjarðar-
göng síðdegis á laugardag. Talsverð umferð var í báðar áttir og voru
ökumenn látnir blása og kannað með ástand þeirra almennt. Leiddi
það til þess að einn ökumaður var stöðvaður vegna ölvunar við akst-
ur. Sömuleiðis voru höfð afskipti af nokkrum rjúpnaskyttum á leið til
veiða og athugað með leyfismál þeirra og búnað. Reyndist allt vera í
lagi. Daginn eftir hafði lögregla afskipti af ökumanni sem ók ljóslaus í
gegnum Hvalfjarðargöngin. Þá voru klippt skráningarnúmer af einni
bifreið vegna þess að hún hafði ekki verið skoðuð. -kgk